मरकुस 12:37 - सिरमौरी नौवाँ नियम

³⁷ “राजा दाऊद तौ आपी ही तैसीखै प्रभु बौल़ौ, तोबै सै तैसका बैटा कुकै दा हौआ?” औरौ भीड़ कै लोग तैसीखै खुशी शै शुणौ थिए।

Sirmouri

³⁷ “आपु राजा दाऊद तअ तिनखे प्रभू माँनों थिऐ, तबे से तेस्का बैटा केशा दाँई हुआ?” अरह् लोगो के भीड़ के तीनू बातों शुँण्णों, अरह् भंऐस शुण्णों दा मंजा-आँनन्द आऐ रूवा थिया।

मरकुस 12:37 ပူးပေါင်းရင်းမြစ်များ

मत्ती 1:23

“दैखैया, ऐकी कुंवारी कै होल़किणु हौल़ौ औरौ सै ऐकी बैटै खै जन्म दैलै, औरौ तैसकौ नांव इम्मानुएल राखैया,” जिथका मतलब औसौ पौरमेशवर अमारै साथै औसौ।

मत्ती 11:25

तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी।

मत्ती 11:5

की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव।

मत्ती 21:45

मुख्य यहूदी पुरोहित औरौ फरीसी लोग यीशु कै उदारण खै शुणैबा सौमझै गौवै, की ऐजौ अमारै बारै मुंजी बौल़ौ।

मत्ती 21:46

औरौ तिनुऐ तैसीखै पाकड़णा चोऊवा, पौरौ लोगौ दै डौरो थिए, जिथुखै सै तैसीखै पौरमेशवर कै बातौ बौताणौवाल़ा जाणौ थिए।

लूका 19:48

पौरौ तिनुकै कुणजै बाट नी भैटदै लागै रैई थी; कै का कौरु, जिथुकै सौबै लोग यीशु खै दिल शै शुणौ थिए।

लूका 21:38

औरौ झीशो कै सौमय सौबै लोग तैसकी बातौ शुणणौ कारिए मन्दिर दै तैसकै धोरे आया कौरौ थिए।

यूहन्ना 12:9

जोबै यहूदी लोगै शुणु कै यीशु तिथै औसौ, तोबै लोगौ कै बौड़ी भीड़ तिथै आए। सै सिरफ यीशु कै दैखणौ कारिए ना आए रैई थी, पौरौ लाजर कै बै दैखदै आए रौवै थिए, जैसी तैणै मौरेयौंदे मुंजीदा जियुंदी कौरे राए थिया।

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।