मरकुस 12:35 - सिरमौरी नौवाँ नियम

³⁵ तोबै यीशुए यरूशलेम मन्दिरो दा उपदैश दैंदै बैई ऐजौ बौल़ौ, “यहूदी शास्त्री कैशैखै बौल़ौ, मसीह राजा दाऊद का बैटा औसौ?

Sirmouri

³⁵ तबे देऊँठी के आँगणों दे शिक्क्षा देंदे, प्रभू यीशू मसीया ऐ, तिनके साम्णें ऐजा सुवाल थूआ, के “यहूदी निय्म के शिखाणों वाल़े ऐजो कैई बुलो, के मसीया राजा दाऊद के बंष-गड़ी का असो।

मरकुस 12:35 ပူးပေါင်းရင်းမြစ်များ

मत्ती 26:55

तैसी सौमय यीशुए भीड़ौ कै बौल़ौ, “का तुऐं डाकू कै जैशणै जाणैबा मुखै बोन्दी बौणाणौ कै तलवारी औरौ लाठी लोएबा निकल़ै रौवै? हांव तौ हर दूस यरूशलेम मन्दिर दा बोठेयो उपदैश दियु थिया, औरौ तोबै तुऐं मुखै ना थाम्बी।

मत्ती 9:27

जोबै यीशु तिथैदा आगु हौटा, तौ दो आन्धै तैसकै पाछैदै ऐजौ पुकारेयौ हांडै, “ओए रै राजा दाऊद कै वंश, आमु पांदी दया कौर!”

मरकुस 10:1

तोबै यीशु आपणै चैलै साथी कफरनहूम नगर छोडे़बा, यहूदिया प्रदेश शै हौयौ यरदन नोंदी कै पाइली ढौबौ हौटा औरौ ऐक बौड़ै भीड़ यीशु धोरे कौठै हौए गौए, औरौ सै आपणै भोवार कै हिसाब शै तिनुखै हौजौ उपदैश दैन्‍दा लागा।

मरकुस 11:27

यीशु औरौ तैसकै चैलै यरूशलेम शहर दै आए, औरौ जोबै सै यरूशलेम मन्दिरो दा घोमै रौआ थिया तौ मुख्य यहूदी पुरोहित औरौ यहूदी शास्त्री औरौ बुड़ेईक तैसकै धोरे आयौ पूछदै लागै।

मरकुस 14:49

हांव तौ हर दूस यरूशलेम मन्दिरो दा तोंवारै साथै रौयौ उपदैश दियु थिया, औरौ तोबै तुऐं मुखै बोन्दी ना बाणी: पौरौ ऐजौ इथकारिए हौए रौ कै पवित्र शास्त्र की बातौ पूरी हौंव।”

लूका 19:47

यीशु ऐई दूसै मन्दिर दा उपदैश दैया कौरौ थिया, औरौ मुख्य यहूदी पुरोहित औरौ यहूदी शास्त्री औरौ लोगौ कै नेता तैसीकै मारणौ का मौका जूओं थिए।

लूका 20:1

ऐक दूस ऐशै हौ, कै जोबै तैणै मन्दिर दा लोगौ खै उपदैश दैय लौआ थिया, औरौ सुसमाचार प्रचार कौरे लौआ थिया, तौ मुख्य यहूदी पुरोहित औरौ यहूदी शास्त्री, किछै बुड़ेईक तैसकै धोरे ओऊवे।

लूका 21:37

आई दूसै यीशु मन्दिर दा उपदैश दैंव थिया, औरौ राती कै बायरै जाऐबा जैतून नांव कै धारो पांदी रौया कौरौ थिया।

यूहन्ना 18:20

यीशुए तिनुकै जोवाब दिया, मोऐं सौबीआरी खौलेयौ बातौ कौरी, मोऐं यहूदी सभा-घोरो औरौ मन्दिर दै जिथै सौबै यहूदी लोग कौठै हौया कौरौ थिए, सौदा उपदैश दिए औरौ गुप्‍त दौ किछै बै ना बुली।

यूहन्ना 7:42

पवित्र शास्त्र दो लैखै राए कै मसीह राजा दाऊद कै वंशो पौरैशा औरौ बैतलहम गांव शै आन्‍दा, जिथै दाऊद रौंव थिया।”