मरकुस 12:1 - सिरमौरी नौवाँ नियम

¹ तोबै यीशु उदारण देएबा यहूदी पुरोहितो, यहूदी शास्त्रीयों औरौ बुड़ेईको (यहूदी नेताओं) आरी बातौ कौरदा लागा: “ऐकी आदमीए अंगूरो का बाग लाया, औरौ तिथकै चोऊ ढौबौ खै बाड़ा बानै दिया, औरौ रोसौ का कुण्ड खुणा, औरौ तोबै होढ़ा बाणा; औरौ किसानो खै तिथकै ओधयाल़ी देएबा प्रदेश हौटै गौआ।

Sirmouri

¹ प्रभू यीशू अनाँणे दी बातो कर्दे लागे: अरह् ऐक अनाँणों ईथे देऐ थो, के “कोसी आदमी के ऐक दाख्ह्-अंगूरोह् को खैच़ थियो, तिन्ऐ चौऊँ ढबे बाड़ लाया, अरह् रंस खे कूँवा नींगुवा खुणाँ, अरह् ऐक जगवाल़ी कर्णो खे ऊगला होड़ा बाँणा, अरह् सेजो खैच़ तेने जिंम्दारों कैई अध्याल़ी दो दितो, अरह् आपु प्रदेश खे हुटा।

मरकुस 12:1 ပူးပေါင်းရင်းမြစ်များ

मत्ती 13:3

औरौ तैणै तिनुखै उदारण दैयौ बौहिती बातौ बुली, “ऐक किसान आपणै खेतौ दा बीज़ बोंदा हौटा।

मत्ती 21:28

“तुऐं ऐसी उदारण लैई का सौमझौ? कोसी आदमी कै दो बैटै थिए; तैणै आगलै कै धोरे जाऐबा बौल़ौ; ‘ओए रै बैटा ऐलो अंगूरो कै बागो दा काम कौर।’

मत्ती 21:33

“ऐक ओका उदारण शुणौ ऐक जीमदार थिया, जैणै अंगूरो का बाग लाया, औरौ तिथकै चोऊ ढौबौ खै बाड़ा बानै दिया, औरौ रोसौ का कुण्ड खुणा, औरौ तोबै बाड़ बानी; औरौ किसानो खै तिथकै ओधयाल़ी देएबा प्रदेश हौटै गौआ।

मत्ती 21:34

जोबै फल़ का सौमय नेड़िक आए गौआ, तौ तैणै आपणै दासो खै तैसका हिस्सा लाणौ कारिए किसानो कै धोरे छाड़ै।

मत्ती 25:14

“जोबै हांव हौजौ पाछु आन्दा तोबै स्वर्ग का राज्य ऐशैखै हौंदा जैशैकै ऐक आदमी जैणै प्रदेशो जांदी बैई आपणै नोकरो खै बौएदैयौ आपणै जायदात पौरैशा किछै पोयसा देएयो तिनुखै बौल़ौ, कै जोबै हांव हौटै जोऊंबा तोबै तिनु पौयसै खोर्च कौरेयौ जादा धन कोमाया।

मरकुस 11:33

तोबै तिनुऐ यीशु खै जोवाब दिया, “आमै ना जाणु।” यीशुए तिनुखै बौल़ौ, “हांव बै तुऔं खै ना बौतांदा कै ऐजै काम कोसी औधिकार शै कौरु।”

मरकुस 13:34

मैरै जाणौ औरौ पाछु आणौ का तरीका ऐशैखैई हौंदा जैशै ऐक आदमी प्रदेश जाणौ कै सौमय आपणौ घोर छोड़े दैंव, औरौ आपणै नोकर खै घोरो कै रोखवाल़ी कि जुमैवारी दैयौ जांव, औरौ सौबी खै तैसका काम बौताए दैंव, औरौ चोकीदार खै बौताए दैंव कै मैरै आणौ तौड़ी चौकश रौया।

मरकुस 3:23

औरौ यीशुए चैलै खै आपणै धोरे बोइदै औरौ तिनु कै उदारण देएबा बौलदा लागा, “शैतान कैशैखै आपणी ही दुष्टआत्माओं खै लोगौ पौरैशी गाड़ै सौकौ?”

मरकुस 4:2

औरौ सै तिनुखै उदारण देएयो बौहितै बातौ शिखांदा लागा, औरौ आपणै उपदैशो लैई तिनुखै बौल़ौ,

लूका 15:13

किछै दूसौ कै बाद नानड़ै बैटै आपणै हिस्से कै सौबै जायदात बैकै दै औरौ तिथकै जू पौएसै भैटी साथै नियौ घोर छोड़ दियु औरौ दूर देशो खै हौटै गौआ, औरौ तिथै तैणै आपणै सौबै जायदात बुरै कामौ दै उड़ाए दै।

लूका 19:12

यीशुए बौल़ौ, “ऐक सैठ आदमी दूर देशो कै हौटा, ताकि राजा का ठाँव लोयो पाछु आंव।

लूका 22:9

तिनुऐ तैसीयांदो पूछु, “तू आमुखै कुकै भैजणै चांए, कै आमै फसह कै खाणौ की तैयारी कौरु।”

लूका 8:10

तैणै बौल़ौ, “तुऔं खै तौ पौरमेशवरे आपणै राज्य कै भैद बौताए राए, पौरौ ओकी कै उदारणो दौ शुणाए राए इथकारिए कै, ‘सैजै दैखदै बैई बै ना दैखौ, औरौ शुणौ तौ औसौ पौरौ किछै बै ना सौमझौ।’”

प्रेरितो कै काम 7:38

ऐजाई मूसा ऐक पौरमेशवर कै बातौ बौताणौवाल़ै कै रुप दा अमारै पुराणियो कै साथै थिया, जोबै सै रेगिस्थान दै कौठै थिए। पौरमेशवरे आपणै स्‍वर्गदूत कै भैजा जैणै सीनै पाहाड़ पांदी मूसा शै बातौ कौरी औरौ मूसा कै अमारै कानून दिए औरौ मूसाए तिनु कानून कै आमु तौड़ी पोऊंचाए।