मरकुस 10:24 - सिरमौरी नौवाँ नियम

²⁴ चैलै तैसकी बातौ लैई हैरान हुवे। इथु पांदी यीशुए हौजौ तिनुखै बौल़ौ, “ओए रै भाईयों, जू जोमीन जायदात पांदी भोरोशा राखलै तिनु कारिए पौरमेशवर कै राज्य दो जाणौ बौहितु मुशकिल औसौ!

Sirmouri

²⁴ चैले के तिनकी बातो शुणियों तूरंबाणच़ूंटे, ईन्दें गाशी प्रभू यीशू ऐ हजो तिनखे बुलो, “हे नहाँन्ड़िया, जुण्जा धंन गाशी भूर्षा करह्, तिनखे पंणमिश्वर के राज्य दो ज़ाणों केष्णों कठीण असो!

मरकुस 10:24 ပူးပေါင်းရင်းမြစ်များ

मत्ती 19:25

ऐजौ शोणेयो, चैलै बैजाए हैरान हौयौ बौलदै लागै, “तौ इथका मतलब औसौ कै कुणिए बै आपणै पापौ कै सौजा भैटणौ शै ना बौचै सौकौ औरौ ना ही सै पौरमेशवर कै राज्य दै जाए सौकौ।”

मरकुस 1:27

इयौं बातौ लैई सौबै लोग हैरान हौयौ आपी मुंजी पूछदै लागै, “ऐजै का बात औसौ? ऐजा तौ नौवाँ ही उपदैश औसौ! सै औधिकारो कै साथै दुष्टआत्मा खै बै झिड़कै दैंव, औरौ सै तैसकै आज्ञा मानौ।”

मरकुस 10:23

यीशुए चोऊ ढौबौ दैखैयो आपणै चैलै खै बौल़ौ, “सैठ लोगौ कै पौरमेशवर कै राज्य दो जाणौ बौहितु मुशकिल औसौ!”

लूका 16:14

जोबै फरीसी लोगै ऐजौ सौबै शुणौ, तौ सै यीशु कै ठाटै पाड़दै लागै, जिथुकै सै पोएसै आरी प्यार कौरौ थिए।

यूहन्ना 13:33

ओए रै साथियो, हांव हौजौ दैणिक देर तौड़ी तोंवारै धोरे औसौ: हौजौ तुऐं मुखै जौले औरौ जैशै मोऐं यहूदी नेताओं कै बौल़ौ, ‘जिथै हांव जोऊं तिथै तुऐं ना आए सौकौ,’ तैशैकैई ऐबै हांव तुऔं खै बुलू।

यूहन्ना 21:5

तोबै यीशुए तिनु बौल़ौ, “ओए रै साथियो का तुऔं कैई किछै खाणौ कारिए माछी औसौए?” तिनुऐ जोवाब दिया ना।

यूहन्ना 6:60

ऐजी सौबै बातौ शुणैबा यीशु कै चैलै मुंजीदै ओकी चैलै बौल़ौ, “ऐजी शिक्षा सौमझणौ कारिए बैजाए चैईथी औसौ, इनु कुण मानै सौकौ?”

गलातियौं 4:19

मैरै प्यारे नानड़िया, जैशैखै ऐक बैटमाणिश होल़किणु कै सौमय पीड़ो महसूस कौरौ, तैशैखैई मोऐं एकबेई औटेयौ तोंवारै खातिर पीड़ो झैलू। हांव ऐसी पीड़ा दा तांव तौड़ी रौंदा जांव तौड़ी तुऐं मसीह दै मोजबूत ना हौए जांव।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

1 यूहन्ना 2:1

मैरै प्यारे नानड़िया, मोऐं ऐजी बातौ तुऔं इथकारिए लैखै लोई कै तुऐं पाप ना कौरौ। जै कुणिए पाप कौरौ, तौ पिता पौरमेशवर कै धोरे अमारा ऐक सहायक औसौ, सैजा यीशु मसीह औसौ जू अमारै पापौ कै माफी कारिए प्रार्थना कौरौ, औरौ सै धरमी औसौ।

1 यूहन्ना 4:4

ओए रै प्यारे नानड़िया, तुऐं पौरमेशवर कै लोग औसौ, औरौ तुऐं तिनु झूठै पौरमेशवर कै बातौ बौताणौवाल़ै पांदी जय पाए राए; जिथुकै जू पवित्र आत्मा तुऔं दै औसौ सै शैतान शै बौड़ै औसौ जू इयौं दुनिया कै लोगौ पांदी राज कौरौ।

1 यूहन्ना 5:21

ओए रै नानड़िया, आपी कै ऐशणी बातो औरौ चीज़ौ शै दूर राखौ जू तोंवारै दिल दै पौरमेशवर कै जौगैह लौए सौकौ।

प्रकाशितवाक्य 3:17

तू सुंचै कै तू सैठ औसौ औरौ तांव कैई सैजौ सौब औसौ जिथकै ताखै जौरुरत औसौ, पौरौ तू ना जाणै कै इथकै सौचाई ऐजी औसौ कै तांव पांदी तरस आणा चैंई। जिथुकै सौचाई ऐजी औसौ कै तू गरीब औसौ, तांव कैई लुस्कै ना आथी, औरौ तू आन्धा औसौ।