मरकुस 10:22 - सिरमौरी नौवाँ नियम

²² यीशु की बातौ खै शोणेयो सैजा आदमी उदास हौए गौआ, औरौ दुखी हौयौ तिथैदा आगु हौटा, जिथुकै सै बैजाए सैठ थिया।

Sirmouri

²² ईयों बात शुणियों ही तेसी आदमी के मुँहों दी छाँई ढल़ी; अरह् से तबे तेथै शा मुँढो नाऐंयो आगू हुटा। किन्देंखे के से बैजाऐ सेठ आदमी थिया।

मरकुस 10:22 ပူးပေါင်းရင်းမြစ်များ

मत्ती 13:22

जू झाड़ी मुंजी बोए राए, सैजै ऐजै लोग औसौ जिनुवै पौरमेशवर कै वचन कै शुणा, पौरौ आपणै जीवन कै चिन्‍ता, औरौ धन-दोलत कै धौखै कै बौजैह शै वचन कै मानणा छोड़े दैंव; औरौ सैजै बिना फोल़ कै जिन्दगी जियौं।

मत्ती 19:22

पौरौ सैजा जवान ऐजै बात शोणेयो उदास हौआ औरौ तिथैदा आगु हौटा, जिथु सै बैजाए सैठ थिया।

मत्ती 27:3

जोबै तैसीखै पोकड़ाणौ वाल़ै यहूदा इस्‍करियोती कै पौता लागा कै तैसीखै मोरवाणो कारिए दोषी ठोहराए राए तौ सै पोछतौऊवा औरौ सैजै तीस चांदी कै सिक्‍कै मुख्य यहूदी पुरोहित औरौ बुड़ेईक कै धोरे लोऊवे।

मरकुस 10:21

यीशुए तैसकै ढौबौ प्यार शै दैखैबा औरौ तैसीखै बौल़ौ, “ऐक काम औसौ जू ताखै कौरणौ कै जौरुरत औसौ। जा, जू किछै तैरौ औसौ, तिथुखै बिकैयो गोरीबो खै दैय दै, तौ ताखै स्वर्गो दा धन भैटला, औरौ आयौ मैरा चैला बौणै जा।”

मरकुस 10:23

यीशुए चोऊ ढौबौ दैखैयो आपणै चैलै खै बौल़ौ, “सैठ लोगौ कै पौरमेशवर कै राज्य दो जाणौ बौहितु मुशकिल औसौ!”

मरकुस 6:20

जिथु हेरोदेस यूहन्ना खै धरमी औरौ पवित्र आदमी जाणैबा तेसिदा डौरौ थिया, औरौ तैसकै कोयदै दै बै रक्षा कौरौ थिया। औरौ यूहन्ना कै बातौ शौणैबा बैजाए होड़बड़ाए जांव थिया, पौरौ तोबै बै सै तैसकी बातौ शुणणी पसन्द कौरौ थिया।

मरकुस 6:26

तोबै राजा बैजाए उदास हौआ, पौरौ आपणी शौं औरौ पोऊंणै की बौजैह शै तियांरी बात टाल़ै ना सोकी।

लूका 12:15

औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”

लूका 18:23

सै ऐजौ शोणेयो बैजाए उदास हौए गौआ, जिथुकै सै बैजाए सैठ थिया।

2 कुरिन्थियों 7:10

जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

इफिसियों 5:5

जिथुकै तुऐं ऐजौ आछै शै जाणौ कै कुणजाई गौलत सौमबंध बाणणौवाल़ा, या अशुध्द आदमी, औरौ लालची आदमी ऐक मूर्तिपूजक कै जैशणा औसौ, जू लोग इयौं दुनिया कै चीज़ौ कै आराधना कौरौ। ऐशणै काम कौरणौवाल़ै लोग कौलोंई बै मसीह औरौ पौरमेशवर कै राज्य कै औधिकारी ना हौंदै।

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।