मरकुस 10:19 - सिरमौरी नौवाँ नियम

¹⁹ तू पौरमेशवर की आज्ञाओं खै तौ जाणैए: ‘खून नी कौरेया, गौलत सौमबंध नी बाणैया, चोरी नी कौरेया, झूठी गवाही ना दैया, बैईमानी ना कौरेया, औरौ माँ-बापू कै इज्जत कौरेया।’ ”

Sirmouri

¹⁹ तू अज्ञाँ-निय्म तअ जाँणें ऐ, के ‘हंत्त्या ने करे, चोरी-जारी ने करे, चोरी ने करे, झूठी गुवाऐ-शाज़्त ने दिऐ, छल़-कप्ट, ने करे, आप्णी माँ-बाबा के आदर-ईज्जत करे।’”

मरकुस 10:19 ပူးပေါင်းရင်းမြစ်များ

मरकुस 10:18

यीशुए तैसीखै बौल़ौ, “तू मुखै आछा गुरु किथुखै मानै? कुणिए आछा ना आथी, सिरफ पौरमेशवर ही आछा औसौ।

लूका 18:20

तू पौरमेशवर की आज्ञाओं खै तौ जाणैए: ‘खून नी कौरेया, गौलत सौमबंध नी बाणैया, चोरी ना कौरेया, झूठी गवाही ना दैया, औरौ माँ-बापू कै इज्जत कौरेया।’ ”

रोमियों 13:9

जिथुकै मूसा कै कानून दी कैई आज्ञाए औसौ जैशैकै, “गौलत सौमबंध नी बाणैया, खून नी कौरेया, चोरी नी कौरेया, लालच नी कौरेया,” औरौ इनु कै छोड़ेयौ औकै कुणजै बै आज्ञा हौंव तौ सौब का सारांश इयौं आज्ञा दा पाया जांव, “तू आपणै पड़ोसी शै तैतरा प्यार कौर जैतरा आपी आरी कौरे।”

रोमियों 3:20

मूसा कै कानून का पालन कौरेयौ लोग पौरमेशवर कै साथै सोही ना ठौहरै सौकौ, इथकारिए मूसा कै कानून कै दवारा आमु आछी तरह शै जाणु कै आमुए पाप कौरे राए।

गलातियौं 4:21

औरौ तुऐं जू मूसा कै कानून कै अधीन हौणा चांव! मैरै बात शुणौ! हांव तुऔं बौतांदा कै पवित्र शास्त्र दौ, मूसा कै कानून कै किताब दो का लैखै राए।

गलातियौं 5:14

जिथुकै सौबी मूसा कै कानून का निचोड़ इयौं ऐक आज्ञा दा बौताए राए कै तू आपणै पड़ोसी आरी तैशणा प्यार कौर जैशणा आपी आरी कौरे।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

याकूब 2:11

इथकारिए कै पौरमेशवरे ऐजौ बौल़ौ, “तू गौलत सौमबंध नै बाणैया” तैणै ऐजौ बै बौल़ौ, “तू हत्या नै कौरेया।” इथकारिए जै तुऐं गौलत सौमबंध ना बाणी, पौरौ हत्या कौरे राए, तौ तुऐं बै कानून कै तौड़णौ वाल़ै ठौरौ।