मरकुस 10:18 - सिरमौरी नौवाँ नियम

¹⁸ यीशुए तैसीखै बौल़ौ, “तू मुखै आछा गुरु किथुखै मानै? कुणिए आछा ना आथी, सिरफ पौरमेशवर ही आछा औसौ।

Sirmouri

¹⁸ प्रभू यीशू ऐ तेस्खे बुलो, “तू मुँखे शुद्ध कैई बुले? कुँऐ, शुद्ध ने आथी, शुद्ध ऐक असो सिर्फ ‘पंणमिश्वर’।

मरकुस 10:18 ပူးပေါင်းရင်းမြစ်များ

मत्ती 19:17

तैणै तैसीखै बौल़ौ, “तू मुं कैईंदु आछै कै बारै दो किथुकै पूछै? आछा तौ ऐकैई औसौ; पौरौ जै तू सौदा कै जिन्दगी दो जाणौ चांए, तौ आज्ञा खै मानैया कौर।”

मरकुस 10:17

जोबै यीशु औरौ तैसकै चैलै बाटो पुंडे जांदै लागै रौवै थिए, तौ ऐक आदमी तैसकै धोरे दौड़ैबा ओऊवा, औरौ तैसकै आगै घुंडू नियुड़ाएयो तैसी कैईंदु पूछु, “ओए रै आछै गुरु, हांव ऐशणा का काम कौरु कै पौरमेशवर मुखै सौदा कै जिन्दगी दैला?”

मरकुस 10:19

तू पौरमेशवर की आज्ञाओं खै तौ जाणैए: ‘खून नी कौरेया, गौलत सौमबंध नी बाणैया, चोरी नी कौरेया, झूठी गवाही ना दैया, बैईमानी ना कौरेया, औरौ माँ-बापू कै इज्जत कौरेया।’ ”

लूका 18:19

यीशुए तैसीखै बौल़ौ, “तू मुखै आछा गुरु किथुखै मानै? कुणिए आछा ना आथी, सिरफ पौरमेशवर ही आछा औसौ।

रोमियों 3:12

तिनुऐ पौरमेशवर कै छोड़े दिया, सौब कै सौब पौरमेशवर कारिए निकम्मे बौणै गौवै; कुणिए भोलाए कौरणौवाल़ा ना आथी, ऐक बै ना आथी।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

1 यूहन्ना 4:16

औरौ आमै जाणै पोऊ कै पौरमेशवर आमुआरी प्यार कौरौ, औरौ आमै तैसी पांदी बिशवाश बै कौरु। पौरमेशवर प्यार औसौ, औरौ जू प्यार दा बौणेयौंदा रौंव सै पौरमेशवर दा बौणेयौंदा रौंव, औरौ पौरमेशवर तेसिदा बौणेयौंदा रौंव।

1 यूहन्ना 4:8

औरौ जू कुणिए आदमी ओकी लोगौआरी प्यार ना राखौ सै पौरमेशवर खै ना जाणौ, जिथुकै पौरमेशवर प्यार औसौ।