मरकुस 1:35 - सिरमौरी नौवाँ नियम

³⁵ ओकी दूसै झीशो इनारै दा ही, यीशु ऊबा बेजैबा, ऐक शुनशान जौगैह दा हौटा औरौ तिथै प्रार्थना कौरदा लागा।

Sirmouri

³⁵ झीष हणों गाशी झूल-मूँली, आरी भियाँसरंह् दे प्रभू यीशू बींऊँजे अरह् ऐक शुन-शाँन जागे दे हुटे, अरह् तेथै से प्रार्थना कर्दे लागे।

मरकुस 1:35 ပူးပေါင်းရင်းမြစ်များ

मत्ती 14:13

जोबै यीशुए ऐजौ शुणु, तौ सै किश्‍ती पांदी चौढ़ेयौ तिथैदा ऐकी शुनशान जौगैह दा इकली रौणौ हौटै गौआ, औरौ ऐजौ शोणेयो लोग नगर-नगर शै हांडेयो तैसकै पौछौड़ियौ हौटै गौवै।

मत्ती 14:23

सै लोगौ खै डियाल़ेयो, आपी प्रार्थना कौरणौ कै धारो पांदी हौटै गौआ; औरौ बैल़खै दा सै तिथै इकली थिया।

मरकुस 1:36

तोबै शमौन औरौ तैसकै साथी तैसीखै जोन्दै लागै।

लूका 5:16

पौरौ सै शुनशान जौगैह दा इकली जाऐबा प्रार्थना कौरौ थिया।

लूका 6:12

तिनी दूसौ दा यीशु धारो पांदी प्रार्थना कौरदा हौटा, औरौ पौरमेशवर शै प्रार्थना कौरणौ दै पोरे रात बिताई।

यूहन्ना 4:34

यीशुए तिनुखै बौल़ौ, “मैरौ खाणौ तैसी पौरमेशवर कै इछा कै मानणा औसौ जैणै मुखै भैजै राए, औरौ तैसी कामौ कै पूरा कौरणा जू तैणै मुखै दैय राए।”

यूहन्ना 6:15

यीशु ऐजौ जाणियौ कै सैजै मुखै राजा बाणणौ कारिए थोम्वाणा चांव, तोबै धारो पांदी इकली हौटै गौआ।

इफिसियों 6:18

औरौ हर सौमय औरौ हर प्रकार शै आमु तैशै ही प्रार्थना कौरणै चैंई जैशै पवित्र आत्मा आमु अगुवाई कौरौ, इथकारिए जागदै रौव औरौ सौबी पौरमेशवर कै लोगौ कारिए हमैशा बिन्ती कौरदै रौव।

फिलिप्पियों 2:5

जैशै मसीह यीशु का स्‍वभाव थिया, तैशैखैई तोंवारा बै स्‍वभाव हौंव;

इब्रानियों 5:7

जोबै यीशुए इयौं धोरती पांदी कै पूरै जीवन दी पौरमेशवर शै जोर-जोर शै लैलियायो औरौ रुंदै बैई, प्रार्थनाए औरौ बिन्ती कौरी जू तैसीखै मौत शै बौचाए सौकौ थिया, तौ पौरमेशवरे तैसकै प्रार्थना शौणै जिथुकै सै नम्र औरौ जिमैदार थिया।