मरकुस 1:22 - सिरमौरी नौवाँ नियम

²² औरौ लोग तैसकै उपदैश लैई हैरान हौवे; जिथुकै सै तिनुखै यहूदी शास्त्री कै जैशणै नी, पौरौ साची औधिकार कै साथै उपदैश दैंव थिया।

Sirmouri

²² लोगो के प्रभू यीशू की शिक्क्षा शुणियों तूरंबाणच़ूंटे, किन्देखे के से यहूदी-निय्म शिखाणों वाल़े जिऐ ने, परह् ऐशी शिक्क्षा दियों थिऐ, जेष्णों कुँऐं हाक्म हंक-अधिकार आरी बुलो।

मरकुस 1:22 ပူးပေါင်းရင်းမြစ်များ

मत्ती 13:54

औरौ आपणै नासरत गांव दा आयौ तिनकै यहूदी सभा-घोरो दा तिनुखै ऐशणा उपदैश दैंदा लागै गौआ; कै सै हैरान हौयौ बौलदै लागै; की “ऐसीखै ऐजा ज्ञान औरौ चौमत्कार कै काम कुकै दै भैटी?

मरकुस 1:23

तैसी सौमय, तिनकै यहूदी सभा-घोरो दा ऐक आदमी थिया, जैसदै ऐक दुष्टआत्मा थी।

लूका 2:47

औरौ जिशैक लोगै तैसी शौणै लौआ थिया, सैजै सौबै तैसकै सौमझ औरौ तैसकै जवाबो शै डौरे गौवै।

लूका 21:15

जिथुकै हांव तुऔं ऐशणा बौल औरौ बुध्‍दि दैंदा कै तोंवारै सौबै दुशमन तोंवारा सामणा ना कौरे सौकौ।

लूका 4:32

सै तैसकै उपदैश लैई हैरान हौए गौवै जिथु सै औधिकारो कै साथै बौल़ौ थिया।

यूहन्ना 7:46

मन्दिर कै रोखवाल़ै जोवाब दिया, “कोसी आदमीए कौलोंई ऐशणी बातौ ना कौरी।”

प्रेरितो कै काम 6:10

पौरौ स्‍तिफनुसे जू किछै बै बौल़ौ सै तिथका जोवाब ना दैय सौकी जिथुकै पवित्र आत्माए तैसी बौड़ै बुध्‍दिमानी कै साथै बौलणौ दै मौदद कौरे।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।