मत्ती 9:6 - सिरमौरी नौवाँ नियम

⁶ पौरौ इथकारिए की तुऐं जाणै पाव कै मुं आदमी कै बैटै खै धोरती पांदी पाप माफ कौरणौ का औधिकार औसौ।” तोबै तैणै ओधरंग कै रोगी खै बुलू, “ऊबा भीज औरौ आपणै ल़ौहथ टेपेयो आपणै घोरो खै आगु जा।”

Sirmouri

⁶ ईन्देंखे के तुँऐं जाँणी पाँव, के आदमी के बैटे खे धर्ती गाशी पाप माँफ कर्णो का भे हंक-अधिकार असो।” तबे प्रभू यीशू ऐ अदरंगो के दुखिया खे बुलो, “बिऊँज, आप्णा बिछ़ाँन्द्रा थाग, अरह् आप्णें घरे ज़ा।”

मत्ती 9:6 ပူးပေါင်းရင်းမြစ်များ

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मत्ती 9:2

औरौ कैई लोगै ऐकी ओधरंग कै बीमार खै ल़ौहथौ पांदी राखैयौ तैसकै धोरे लियोऊवा, यीशुए तिनका बिशवाश दैखैयो, तैसी ओधरंग कै रोगी खै बौल़ौ, “ओए रै बैटा ढेट राख, तैरै पाप माफ हौए गौवै।”

मत्ती 9:5

आसान का औसौ? ऐजौ बौलणौ, ‘की तैरै पाप माफ हौवे,’ या ऐजौ बौलणौ, ‘की ऊबा बीज़ औरौ आगु हांड।’

मत्ती 9:7

सै ऊबा बिज़यो आपणै घोरो खै हौटा।

मरकुस 2:10

पौरौ हांव चोऊं कै तुऐं जाणै पाव कै मुं आदमी कै बैटै खै धोरती पांदी पाप माफ कौरणौ का औधिकार औसौ।” तैणै तैसी ओधरंग कै रोगी खै बौल़ौ,

मरकुस 2:7

“ऐजा आदमी ऐशैखै काए बौल़ौ? ऐजा तौ पौरमेशवर कै नेंदैया कौरौ! पौरमेशवर खै छोड़ेयौ औकै कुणिए बै पाप माफ ना कौरे सौकौ?”

लूका 5:21

तोबै यहूदी शास्त्री औरौ फरीसी लोग बै बैहस कौरदै लागै, “ऐजा कुण औसौ जू पौरमेशवर कै नेंदैया कौरौ? पौरमेशवर खै छोड़ेयौ औकै कुणिए पाप माफ ना कौरे सौकौ?”

यूहन्ना 10:28

औरौ हांव तिनुकै सौदा कै जिन्दगी दियु, औरौ सै कौलोंई नाश ना हौंदै औरौ कुणिए तिनुखै मुंआदे छीणै ना सौकौ।

यूहन्ना 17:2

जिथुकै तुऐं तैसीकै सौबी लोगौ पांदी औधिकार दिया, कै जिनु तुऐं तैसीकै दैय राए, तिनु सौबी कै सै सौदा कै जिन्दगी दैंव।

यूहन्ना 5:27

जिथुकै हांव आदमी का बैटा औसौ, इथकारिए पिता पौरमेशवरे मुखै सौबी लोगौ का न्याय कौरणौ का औधिकार दैय राए।

यूहन्ना 5:8

यीशुए तैसीखै बौल़ौ, “ऊबा बिज़ औरौ आपणै कुटड़ै टिपयौ आपणै घोरो खै आगु जा।”

प्रेरितो कै काम 5:31

तैसीखैईं पौरमेशवरे राजा औरौ उध्दार कौरणौवाल़ा ठोहराएयो, आपणै सोऐं हाथौ कै सौबी दै बौड़ै ठाँव पांदी बौठाल़े दिया ताकि सै इस्राएल देश कै लोगौ कै आपणै बुरै सोंच विचारो औरौ बुरै बाटो शै पौरमेशवर कै ढौबौ फिरो औरौ तैसकै दवारा तिनुकै आपणै पापौ कै माफी दै।

प्रेरितो कै काम 9:34

पतरसे तैसी बौल़ौ, “ओए रै ऐनियास! यीशु मसीह ताखै ठीक कौरौ। बिज़, आपणा बिछाणा टिप।” तोबै सै तौलोंई ऊबा बिज़ा औरौ खौड़ा हौआ।

2 कुरिन्थियों 2:10

जैसकौ तुऐं किछै माफ कौरौ तैसी हांव बै माफ कौरु, जिथुकै जोबै मुखै माफ कौरणौ कै जौरुरत हौंव, तौ हांव तोंवारै फायदै कारिए मसीह कै औधिकार कै साथै ऐशै कौरु।

2 कुरिन्थियों 5:20

इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

इफिसियों 4:32

ऐकी दूजै पांदी दयालु औरौ करूणामय बौणौ, औरौ जैशै पौरमेशवर मसीह दै तोंवारै पाप माफ कौरे, ऐशैखैई तुऐं बै ऐकी दूजै कै पाप माफ कौरौ।

कुलुस्सियों 3:13

औरौ जै कोसी आदमी कै कोसी पांदी दोष दैणौ कै बौजैह हौंव तौ ऐकी दूजै कै सैहन कौरौ औरौ ऐकी दूजै कै पाप माफ कौरौ, जैशै प्रभुए तोंवारै पाप माफ कौरे राए, तैशैखैई तुऐं बै कौरौ।