मत्ती 9:26 - सिरमौरी नौवाँ नियम

²⁶ औरौ इयौं बातौ कै चौर्चा तैसी पूरै देश दै फोयलै गौए।

Sirmouri

²⁶ अरह् तियों बातो की चर्चा तेसी बादे ईलाके दी फऐली गऐ।

मत्ती 9:26 ပူးပေါင်းရင်းမြစ်များ

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मत्ती 9:31

पौरौ तिनुऐ जाऐबा सौबी जौगैह दौ यीशु कै बारै मुंजी बौताए दियु।

मरकुस 1:28

इथकै बाद यीशुए जू चौमत्कार कौरे राए थिया इथ बोजे शै तैसकौ नांव गलील जिले कै नेड़िक कै सारै प्रदेशो दो फोयलै गौ।

मरकुस 1:45

पौरौ सै बायरै जाऐबा इयौं बातौ का बौहिता प्रचार कौरदा लागा औरौ इथै तौड़ी फौईलांदा लागा, कै इनु बातौ कै बौजैह शै यीशु तोबै खुलमखुल्ला नोगरो दा ना जाए सौकी, पौरौ यीशु नोगरो दा बायरै शुनशान जौगैह दा रौआ; औरौ तोबै बै चोऊ ढौबौशै लोग यीशु कै धोरे आन्दै रौवै।

मरकुस 6:14

तोबै हेरोदेस राजाए बै तिनकै चौर्चा शौणै, जू काम यीशुए कौरे लौवै थिए, जिथु बौहितै लोग यीशु कै बारै दै जाणौ थिए औरौ तैसकौ नांव मोशुर हौए गौ थियु, औरौ कैई लोग यीशु कै बारै दै बौल़ौ थिए, यूहन्ना बपतिस्मा दाता मौरेयौंदे मुंजीदा जियुंदी हौए गौआ, इथकारिए तैणै चौमत्कार कै काम प्रगट कौरे लौवै।

लूका 4:14

तोबै यीशु पवित्र आत्मा की अनौखी शौकतै दा भोरेयौ, गलील जिले दा हौटा, औरौ तैसकै चौर्चा गलील जिले कै आंडे-पांढे कै सौबी जौगैह दै फोयलै गौए।

लूका 4:37

औरौ ऐशैखैई चौऊ ढौबौ तैसकी चौर्चा हौंदै लागै।

लूका 5:15

पौरौ यीशु कै खोबर हौजौ बै जादा फोल़दै लागै औरौ भीड़ कै भीड़ तैसी शुणणौ कारिए औरौ आपणी बीमारियों शै ठीक हौणौ कारिए कौठै हौए।

लूका 7:17

औरौ यीशु कै बारै मुंजी ऐजै बात सारै यहूदिया प्रदेश दै औरौ आंडे-पांढे कै सारै देशो सै फोयलै गौए।

प्रेरितो कै काम 26:26

राजा बै जैसकै सामणै मोऐं बैदड़क हौयौ बौल़ै लौ, ऐजी बातौ जाणौए औरौ मुखै बिशवाश औसौ, कै इनु बातौ मुंजीदी कुणजै बै बात तैसीयादी छिपैयौंदी नी आथी जिथुकै ऐजी घटना तौ मेसो ना होई।