मत्ती 9:22 - सिरमौरी नौवाँ नियम

²² औरौ यीशुए पाछु खै घोमेयो दैखौ, औरौ बौल़ौ, “बैटी सब्र राख; तुऐं मुं पांदी भोरोशा कौरे राए कै हांव ताखै ठीक कौरे सौकु।” औरौ सैजै बैटमाणिश तौलोंई ठीक हौए गौए।

Sirmouri

²² प्रभू यीशू ऐ पाछू फीरियों तियों दे:खी अरह् बुलो, “बेटी हिम्मत थंह्; तेरे बिश्वाष ऐ ताँव चाँगी करी थऐ।”, तबे: सेजी तिरंई तेख्णी चाँगी हऐ गऐ।

मत्ती 9:22 ပူးပေါင်းရင်းမြစ်များ

मत्ती 15:28

इथपांदी यीशुए तियोंखै जोवाब देएबा बौल़ौ, “की ओए रै बैटमाणिश, तैरा बिशवाश बौड़ा औसौ: औरौ जैशैखै तू चाए, तांव कारिए तैशैखैई हौए जांदो।” औरौ तियौंकै धी तियौंई घोड़ी दै ठीक हौए गौए।

मत्ती 17:18

तोबै यीशुए दुष्टआत्मा कै झिड़की, औरौ दुष्टआत्मा तैसी पौरैशै निकल़ै गौए, औरौ भैईया तैसी सौमय ठीक हौए गौआ।

मत्ती 8:13

औरौ यीशुए रोमी सूबेदार कै बौल़ौ, “घोरे जा जैशणा तैरा बिशवाश औसौ, तैशैखैई तैरै साथै हौए जांव।” औरौ तैसका सेवक तैसी सौमय ठीक हौए गौआ।

मत्ती 9:2

औरौ कैई लोगै ऐकी ओधरंग कै बीमार खै ल़ौहथौ पांदी राखैयौ तैसकै धोरे लियोऊवा, यीशुए तिनका बिशवाश दैखैयो, तैसी ओधरंग कै रोगी खै बौल़ौ, “ओए रै बैटा ढेट राख, तैरै पाप माफ हौए गौवै।”

मत्ती 9:29

तोबै तैणै तिनकी आखी छोएयो बौल़ौ, “तुऐं बिशवाश कौरौए कै हांव तुऔं कै ठीक कौरे सौकु इथकारिए तुऐं ठीक हौए गौवै।”

मरकुस 10:52

यीशुए तैसीखै बौल़ौ, “आगु जा, तुऐं मुं पांदी बिशवाश कौरे राए।” इथकारिए ऐबै तू ठीक हौए गौआ औरौ घोरो खै जा। औरौ सै तौलोंई दैखदा लागा, औरौ सै तिनकै साथी हौटै गौआ जू यीशु कै पाछैदै जांदै लागै रौवै थिए।

मरकुस 5:34

यीशुए तियौंकै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा, औरौ ऐबै तू आपणै बीमारी शै बिल्कुल ठीक हौए गौए।”

लूका 17:19

तोबै यीशुए तैसी बौल़ौ, “बीजयो आगु जा; जिथुकै तुऐं बिशवाश कौरा इथकारिए तू ठीक हौए गौआ।”

लूका 18:42

यीशुए तैसीकै बौल़ौ, “दैखदा लाग; जिथुकै तुऐं मुं पांदी बिशवाश कौरे राए।” इथकारिए ऐबै तू ठीक हौए गौआ।

लूका 7:50

पौरौ तैणै बैटमाणिश खै बौल़ौ, “पौरमेशवरे ताखै बौचाए दी, जिथुकै तुऐं मुं पांदी बिशवाश कौरे राए। शान्तै शै आगु जा।”

लूका 8:48

तैणै तियौंखै बौल़ौ, “बैटी, तुऐं मुं पांदी भोरोशा कौरे राए कै हांव ताखै ठीक कौरे सौकु, इथकारिए शान्तै शै आगु जा।”

यूहन्ना 4:53

तोबै तैसकै बापू जाणै पोऊँ, कै ऐजौ तैसी सौमय हौ, जैसी सौमय यीशुए बौल़ै राए थियु कै, “तैरा बैटा जियुंदा औसौ,” औरौ तैसकै परिवार कै सौबी लोगै बिशवाश कौरा।

प्रेरितो कै काम 14:9

तैणै पौलुस खै बातौ कौरदै बैई शौणै लौआ थिया, औरौ पौलुसे तैसकै ढौबौ ध्यान धोरेयौ दैखौ कै ऐसीखै ठीक हौणौ का बिशवाश औसौ।

प्रेरितो कै काम 16:18

सै बौहितै दूसौ तौड़ी ऐशैखैई कौरदै रोए, पौरौ पौलुस पौरैशान हौआ, औरौ पाछु फिरैयौ तियौं दुष्टआत्मा कै बौल़ौ, “हांव ताखै यीशु मसीह कै नांव शै आज्ञा दियु कै तू इयौं पौरैशै आगु जा औरौ सै तियौं घोड़ियो दै आगु हौटै गौए।”

इब्रानियों 4:2

जिथुकै जैशै आमुए यीशु मसीह कै बारै मुंजी सुसमाचार शुणा, तैशैखैई इस्राएल देश कै लोगै बै विशांव कै ठाँव दा जाणौ का सुसमाचार शुणा। पौरौ तिनुऐ इथपांदी बिशवाश ना कौरी। इथकारिए सैजा सौंदेश तिनु कारिए बैकार थिया।