मत्ती 8:31 - सिरमौरी नौवाँ नियम

³¹ दुष्टआत्माएं तैसीखै ऐजौ बौलेयौ बिन्ती कौरे की, “जै तू आमुखै निकाल़ै दैय, तौ सुंगरों कै झुंड दै छाड़ै दै।”

Sirmouri

³¹ तिनू दुष्ट-आत्त्मा ऐ प्रभू यीशू शी ऐजी बिनती-अरज करी, “के जे तुँऐं आँमु निकाल़णीं चहाँव, तअ आँमो ऐसी सूहंरो की झुण्ड दी डियाल़ी दियों।”

मत्ती 8:31 ပူးပေါင်းရင်းမြစ်များ

मत्ती 4:24

औरौ गलील जिले कै उतर दिशा कै सारै सीरिया प्रदेश दी तैसकै चौर्चा फोयलै गौए; औरौ लोगै सौबी बीमारों खै जू कैई भान्त कै बीमारियों औरौ दुखो दै पौड़ेयौंदे थिए। औरौ जिनुदी दुष्टआत्माएं थी औरौ मिर्गीवाल़ै औरौ ओधरंग कै रोगी खै बै तैसकै धोरे लाए औरौ तैणै तिनुखै ठीक कौरे।

मत्ती 7:6

तिनु लोगौ कै पौरमेशवर का सौंदेश नी शुणांव जू शुणणा ना चांव। जै तुऐं ऐशै कौरलै तौ ऐजौ ऐशैकै हौंदौ जैशै कोसी पवित्र चीज़ौ कै कुते कै औगौड़ियौ फेरकाए दैंव, औरौ जैशै सुंगरों कै आगै मौती बेगाणै, जू सिरफ तिनुखै दबाए दैंदै, औरौ पाछु तुऔं पांदी हमला कौरदै।”

मत्ती 8:30

तिनुदा किछै दूर बौहितै सुंगरों का ऐक बौड़ा झुंड चोरे रौआ थिया।

मत्ती 8:32

तैणै तिनुखै बौल़ौ, “जांव!” औरौ सैजी दुष्टआत्माएं निकल़ैयो सुंगरों कै बीतरै पिल़ची गोई औरौ सौबै झुंड डांगौ कै किनारे ढौबौ दोऊड़ै औरौ पाणी दै डुबेयो मौरे गौवै।

मरकुस 5:12

औरौ दुष्टआत्माएं तैसीकैईं दै बिन्ती कौरेयौ बौल़ौ, “आमु तिनु सुंगरों कै झुंड दै छाड़ै दै, कै आमै तिनकै भीतरै जोऊं।”

मरकुस 5:7

यीशुए आदैश दिया, “ओए रै दुष्टआत्मा, ऐसी आदमी पौरैशै बैड़ो आव।” तोबै तैसी आदमीए जोर शै लैरौ मारेयों बौल़ौ, “ओए रै यीशु, शौकतीशाली पौरमेशवर का बैटा, अमारै तांवआरी कुणजाई लैणा दैणा ना आथी? तू मुखै पौरमेशवर कै सामणै ऐक शौं दै कै तू मुखै पिड़ौ ना दैंदा।”

प्रकाशितवाक्य 12:12

इथकारिए तुऔं सौबी खै खुश हौणौ चैंई जू इथै स्वर्ग दै रौंव। पौरौ तुऐं जू धोरती पांदी औसौ औरौ जू समुन्द्र दै औसौ तुऔं पांदी तरस खाणा चैंई, जिथुकै दुष्टआत्माओं का अगुवा शैतान धैनै तोंवारै धोरे आए गौआ। सै सौथीखै बैजाए गुस्सा औसौ जिथुकै सै जाणौए कै तावल़ाई ही तैसका अंत हौए जांदा।”