मत्ती 8:3 - सिरमौरी नौवाँ नियम

³ यीशुए हाथ बौढ़ायौ खै तैसी छुआ औरौ बौल़ौ, “हांव चोऊं, कै तू ठीक हौए जाए।” औरौ सै तावल़ा ही कोढ़ शै ठीक हौए गौआ।

Sirmouri

³ प्रभू यीशू ऐ तेसी आप्णें हाथे छूवाँ, अरह् बुलो, “हाँव चहाऊँ के तू शुद्ध हऐ ज़ाऐं।” अरह् से तेख्णी कोढ़ शा शुद्ध हुआ।

मत्ती 8:3 ပူးပေါင်းရင်းမြစ်များ

मत्ती 12:13

तोबै यीशुए तैसी आदमी खै बौल़ौ, “आपणा हाथ उंढा कौर।” तैणै आपणा हाथ आगु कौरा, औरौ तैसका हाथ ओकी हाथौ साए ठीक हौए गौआ।

मरकुस 1:41

तैणै तैसी पांदी गिणायो आपणा हाथ तैसी पांदी राखा, औरौ तैसीखै छौयौ बौल़ौ, “हांव चोऊं, कै तू ठीक हौए जाए।”

मरकुस 4:39

तोबै यीशुए बिज़यो हवा खै ताडै़, औरौ फालो कै बौल़ौ, “चुपी हौए जा, ठोरै जा!” औरौ हवा चालणे रौकै गौए, औरौ ढौंड बिल्कुल चुपी हौए गौ।

मरकुस 5:41

औरौ तियौं कोन्या का हाथ थाम्बैयौ तियौंखै बौल़ौ, “तलीता कुमी।” जिथका मतलब औसौ, “ओए रै बाएटी हांव ताखै बुलू, ऊबै बिज़।”

मरकुस 7:34

औरौ स्वर्ग कै ढौबौ दैखैयो शुशकार भोरा, औरौ तैसी आदमी खै बौल़ौ, “इप्फतह!” यानी “खोले जा!”

मरकुस 9:25

जोबै यीशुए दैखौ, कै लोगै हौजौ बै दौड़-दौड़ैबा जादा भीड़ कौठी कोरी लोए, तौ तैणै दुष्टआत्मा खै ऐजौ बौलेबा ताडै़, “ओए रै गुंगी औरौ जायरै कौरणौवाल़ै दुष्टआत्मा, हांव ताखै हुकम दियु, तैसी पौरैशै निकल़ै जा, औरौ तैसदै कौलोंई बै पाछु नी आया।”

लूका 4:27

औरौ एलीशा पौरमेशवर कै बातौ बौताणौवाल़ै कै सौमय इस्राएल देश दै बौहितै कोढ़े थिए, पौरौ सीरिया देश कै गैर यहूदी नामान आदमी कै छोडे़बा तिनु मुंजीदा कुणिए बै ठीक ना कौरी।”

लूका 5:13

यीशुए हाथ बौढ़ायौ खै तैसी छुआ औरौ बौल़ौ, “हांव चोऊं, कै तू ठीक हौए जाए।” औरौ तैसका कोढ़ तावल़ा ठीक हौए गौआ।

लूका 7:14

तोबै तैणै नेड़िक आयौ लाश कै छोऐं, औरौ टिपणौ वाल़ै रौकै गौवै, तोबै तैणै बौल़ौ, “ओए रै नोजवान, हांव ताखै बुलू, ऊबा बिज़!”

यूहन्ना 11:43

ऐजौ बौलेयौ खै तैणै बौड़ै जोर शै धाव दै, “ओए रै लाजर, बांईडा आ!”

यूहन्ना 15:24

जोबै मोऐं तिनकै बीच मुंजी ऐजै चौमत्कार कै काम कौरे राए, जू ओकी कोसीए ना कौरे रैई, इथकारिए सै पापी ठोहरदै, पौरौ ऐबै तौ तिनुऐ मुखै दैख राए कै मोऐं जू किछै कौरे राए, औरौ तोबै बै मुं आरी औरौ मैरै पिता पौरमेशवर आरी बोयर कौरौ।

यूहन्ना 5:21

जिथुकै जैशै पिता पौरमेशवर मौरेयौंदे लोगौ कै औटेयौ जियुंदै कौरौ, तैशैखैई हांव बै जिनुखै चोऊं, तिनुखै जिन्दगी दियु।