मत्ती 8:20 - सिरमौरी नौवाँ नियम

²⁰ यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

Sirmouri

²⁰ प्रभू यीशू ऐ तेस्खे बुलो, “सीयाल़ी के भे ढूऐं, अरह् अस्माँनों के चोचेटू-चड़कुले के भे कोलों हों; परह् आदमी के बैटे के मुँढो घुसर्णों खे भे जागा ने आथी।”

मत्ती 8:20 ပူးပေါင်းရင်းမြစ်များ

मत्ती 12:32

जू कुणिए आदमी कै बैटै कै खिलाफ दै कुणजै बात कौरला, तैसका ऐजा अपराध माफ हौए जांदा, पौरौ जू कुणिए पवित्र आत्मा कै खिलाफ दो किछै बै बौलला, तैसका अपराध ना तौ ऐसी लोक दा औरौ ना ही परलोक दा माफ हौंदा।”

मत्ती 12:40

योना तीन रात औरौ तीन दूस बौड़ी माछी कै पेटोऊदा रौआ, तैशैखैई हांव आदमी का बैटा तीन रात औरौ तीन दूस धोरती कै भीतरै रौंदा।

मत्ती 12:8

हांव आदमी का बैटा तौ विशांव कै दूसौ का बै प्रभु औसौ।”

मत्ती 13:37

यीशुए तिनुखै जोवाब दिया, “की आछै बिज़ का बौणौवाल़ा किसान हांव आदमी का बैटा औसौ।”

मत्ती 16:13

यीशुए कैसरिया फिलिप्‍पी नोगरो दै आयौ आपणै चैलै कैईंदु पूछु, “कै लोग मुं आदमी कै बैटै खै का बौल़ौ?”

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 17:9

जोबै सै धारो पांदी दै उदे आन्दै लागै रौए थिए, तोबै यीशुए तिनुखै ऐजै आज्ञा दै, “जांव तौड़ी हांव आदमी का बैटा मौरेयौंदे पौरैशा हौजौ जियुंदी ना हौए जोऊं, तांव तौड़ी कोसी कैंई ऐजौ नी बौताया कै तुऐं का दैखौ।”

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

मरकुस 8:38

जू लोग ऐलो जियुंदी औसौ, औरौ सै पौरमेशवर आरी धौखा कौरौ सैजै ऐकी धोकैबाज घोरवाल़ी साए औसौ, जू मुखै औरौ मैरी शिक्षा कै ना मानौ। हांव आदमी का बैटा, जोबै पवित्र स्‍वर्गदूतौ कै साथै आपणै पिता कै महिमा कै साथै इयौं धोरती पांदी आन्दा, तोबै हांव बै तिनकै भाजै जांदा, कै तुऐं मैरै चैलै औसौ।”

लूका 12:8

“हांव तुऔं बुलू: जू कुणिए आदमी कै सामणै बौल़ौ, कै सै मैरै चैलै औसौ, तौ तैसीकै हांव आदमी का बैटा बै पौरमेशवर कै स्‍वर्गदूतौ कै सामणै बुलूबा कै ऐजै मैरै चैलै औसौ।”

लूका 18:8

हांव तुऔं खै बुलू, सै तावल़ा तिनका न्याय चुकांदा; पौरौ जौल़ौ हांव आदमी का बैटा पाछु ओऊंबा, तौ मुखै धोरती पांदी कैतरै लोग भैटदै जिनुदा बिशवाश हौला?”

लूका 2:12

सै भेइया कुण औसौ ऐजौ तुऔं ऐसी निशान शै पौता चालदा कै तुऐं तैसी भेइया कै खोटणो दा लोपेटेयोंदा औरौ खुरल़ी दा पौड़ेयौंदा दैखदै।”

लूका 2:16

औरौ तिनुऐ तौलोंई बैतलहम नगर दै जाऐबा मरियम औरौ यूसुफ खै औरौ खुरल़ी दा तैसी भेइया खै पौड़ेयौंदा दैखा।

लूका 21:36

इथकारिए बिजेयोंदे रौव औरौ हर घड़ी प्रार्थना कौरेया कौरौ, कै तुऐं इनु सौबै आणौवाल़ै संकट शै बौचणौ, औरौ मुखै आदमी कै बैटै कै सामणै खौड़ै हौणौ कै लायक बौणै सौकौ।”

लूका 8:3

औरौ राजा हेरोदेस कै भण्‍डारी खोजा की घोरवाल़ी यूहन्ना औरौ सूसत्राह औरौ बौरिशी ओकी बैटमाणिशौ थी, जू यीशु औरौ तैसकै चैलै कै आपणी जोमीन जायदात शै तैसकै सेवा कौरौ थी।

लूका 9:58

यीशुए तिनु बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

यूहन्ना 1:51

हौजौ तैसीखै बौल़ौ, “हांव तुऔं खै साचौ-साचौ बुलू कै तुऐं स्वर्गो खै खुलू औरौ पौरमेशवर कै स्‍वर्गदूतौ कै ऊबै जांदै औरौ मुं आदमी कै बैटै कै उपरोशे उरतदै बैई दैखदै।”

यूहन्ना 12:34

तिथपांदी लोग बौलदै लागै, “कै आमुए पवित्र शास्त्र दै ऐजी बातौ शुणी, कै मसीह सौदा जियुंदी रौंदा, तौ तुऐं काए बौल़ौ, कै आदमी कै बैटै कै ऊंचे पांदी चौढ़ाए जाणा जौरुरी औसौ? ऐ‍‍‍‍‍जा आदमी का बैटा कुण औसौ।

यूहन्ना 13:31

जोबै यहूदा बायरै हौटै गौआ तोबै यीशुए बौल़ौ, “ऐबै मुं आदमी कै बैटै की महिमा तैसकै हौंव, औरौ ऐजौ प्रगट हौंव कै पौरमेशवर कैतरा महान औसौ।

यूहन्ना 3:13

कुणिए स्वर्गो दा ना हौटै रैई, सिरफ हांव आदमी का बैटा स्वर्ग शै धैनै आए रौआ।

यूहन्ना 3:14

औरौ जैशैखै मूसाए शुनशान जौगैह दा पितलो कै शोंगोऊं कै खोम्बे पांदी चौढ़ौऊवा, तैशैखैई जौरुरी औसौ कै हांव आदमी का बैटा बै क्रूसो पांदी चौढ़ाया जोऊं।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 6:53

यीशुए तिनुकै बौल़ौ, “हांव तुऔं खै साचौ-साचौ बुलू जौल़ौ तौड़ी तुऐं मुं आदमी कै बैटै का शोरीर ना खांव, औरौ लोऊ ना पियौं, तुऔं दा जीवन ना आथी।

यूहन्ना 6:62

जै तुऐं मुं आदमी कै बैटै खै जिथै सै आगै स्वर्ग दा थिया, तिथै दुजाल़ियो ऊबै जांदै बैई दैखलै, तौ का हौंदौ?

प्रेरितो कै काम 7:56

बौल़ौ, “दैखौ, हांव स्वर्ग कै खोलेयौंदा, औरौ आदमी कै बैटै कै पौरमेशवर कै सोऐं ढौबौ खौड़ा हौएयौंदा दैखु।”

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।