मत्ती 8:2 - सिरमौरी नौवाँ नियम

² औरौ ऐक कोढ़ी तैसकै धोरे ओऊवा औरौ घुंडू नियुड़ाऐबा बौल़ौ, “ओए रै प्रभु जै तैरै मौरजी औसौ तौ तू मुखै ठीक कौरे दै।”

Sirmouri

² अरह् ऐकी कोढ़िऐ नंजीक आऐयों, लाँम्बें पसरियों तिनखे नंमष्कार करा, अरह् बुलो, “हे प्रभू जे तुँऐं चहाँव, तअ मुँह शुद्ध करी सको।”

मत्ती 8:2 ပူးပေါင်းရင်းမြစ်များ

मत्ती 10:8

बीमारों खै ठीक कौरौ: औरौ मौरेयौंदे खै जियुंदी कौरौ, कोढ़ियों खै शुध्द कौरौ: औरौ दुष्टआत्मा खै घाड़ो: तुऐं मुफ्त पाए राए, मुफ्त ही दैंव।

मत्ती 13:58

औरौ यीशुए तिथै तिनकै बिशवाश ना कौरणौ कै बौजैह शै चौमत्कार कै काम ना कौरी।

मत्ती 14:33

इथपांदी जू किश्‍ती दै थिए, तिनुऐ तैसीखै झोकैबा ढाल़ कौरेयौ बौल़ौ, “तू सौथी कै, पौरमेशवर का बैटा औसौ।”

मत्ती 15:25

पौरौ सैजी आए, औरौ तैसीखै प्रणाम कौरेयौ बौलदै लागै, “ओए रै प्रभु, मैरै मोदत कौर।”

मत्ती 18:26

इथपांदी तैसी नोकरे लातो पांदी पोड़ेयो तैसी कैईंदै बिन्ती कौरे, औरौ बौल़ौ, ‘ओए रै मालिक सब्र राख, हांव ऐजौ सौबै दैय दैंदा।’

मत्ती 2:11

औरौ तिनुऐ तैसी घोरो दै जाएयो तैसी बैटै खै तैसकै माँ मरियम कै साथै दैखा, औरौ तिनुऐ झोकैयौ तैसी बैटै खै ढाल़ कौरे, औरौ आपणा-आपणा झोल़ा खौलेयौ तैसीखै सूनु, लोबान औरौ गन्‍धरस कै भैंट चौढ़ाए।

मत्ती 20:20

तोबै जब्दी कै बैटै कै माँ आपणै बैटै कै साथै तैसकै धोरे आयौ तैसीखै प्रणाम कौरा, औरौ तैसी कैईंदु किछै मांगदै लागै।

मत्ती 26:6

जोबै यीशु बैतनिय्‍याह गांव दा शमौन कोढ़ी कै घोरे थिया।

मत्ती 28:17

तिनुऐ तैसका दर्शन पायौ तैसीखै ढाल़ कौरा, पौरौ कोसी-कोसी कै शक हौआ कै यीशु जिंदा हौए गौआ।

मत्ती 28:9

तोबै यीशु तिनु भैटा, औरौ बुलू; “सुखी रौव” तिनिऐ नेड़िक आयौ खै औरौ तैसकै लात पाकड़ेयौ खै तैसीखै ढाल़ कौरा।

मत्ती 4:9

तैसीखै बौल़ौ, “जै तू मुखै झोकैयौ ढाल़ कौरे, तौ हांव ऐजौ सौबै ताखै दैय दैंदा।”

मत्ती 8:1

जोबै यीशु धारो पौरैशा उदा ओऊवा, तौ ऐक बौहितै बौड़ै भीड़ तैसकै पाछैदै हांडदै लागै।

मत्ती 8:25

तोबै चैलै तैसकै धोरे आयौ तैसीखै बिजाल़ा औरौ बौल़ौ, “ओए रै प्रभु, आमुखै बौचा, आमै सौबै डुबदे लागै रौवै?”

मत्ती 9:18

तैणै तिनुखै ऐजी बातौ बौल़ै ही लोई थी, कै दैखौ ऐकी ठोगड़े आयौ तैसीखै प्रणाम कौरा औरौ बौला, “मैरै बैटी इबी-इबी मौरे रोई, पौरौ चालैयौ तू आपणा हाथ तियौं पांदी राख, तौ सै जियुंदी हौए जांदै।”

लूका 4:27

औरौ एलीशा पौरमेशवर कै बातौ बौताणौवाल़ै कै सौमय इस्राएल देश दै बौहितै कोढ़े थिए, पौरौ सीरिया देश कै गैर यहूदी नामान आदमी कै छोडे़बा तिनु मुंजीदा कुणिए बै ठीक ना कौरी।”

यूहन्ना 9:38

तैणै बौल़ौ, “ओए रै प्रभु हांव तांव पांदी बिशवाश कौरु।” औरौ तैसकै आराधना कौरे।

प्रेरितो कै काम 10:14

पौरौ पतरसे बौल़ौ, “ना प्रभु, कौलोंई बै नी; जिथुकै मोऐं कौलोंई अपवित्र या अशुध्द चीज़ ना खाए रैई।”

प्रेरितो कै काम 10:25

जोबै पतरस भीतरै आन्दा लागै रौआ थिया, तौ कुरनेलियुस तैसीआरी भैटिया, औरौ तैसकै लातो पांदी पौड़ेयौ तैसी ढाल़ कौरा।

1 कुरिन्थियों 14:25

सै जू शुणौए तिथकी बौजैह शै सै सौमझै जांदा कै पौरमेशवर तैसकै बुरै सोंच कै बारै मुंजी का सौंचै लौ, औरौ तैसी ऐहसास हौंदा कै सै पापी औसौ औरौ सै पाप कौरणा छोड़े दैंदा। औरौ तोबै सै घुंडू पांदी आयौ पौरमेशवर कै आराधना कौरदा औरौ मानै पांदा, कै सौथीखै पौरमेशवर तोंवारै बीच मुंजी औसौ।

प्रकाशितवाक्य 19:10

जोबै मोऐं शुणु तौ हांव तैसी आदमी कै सामणै झौकै गौआ जैणै मुंआरी बातौ कौरे लोई थी, जिथुकै हांव तैसकी आराधना कौरणौवाल़ा थिया। तैणै मुंकैई बौल़ौ, “मैरी आराधना नी कौर। पौरमेशवर ही औसौ जैसकै ताखै आराधना कौरणै चैंई। जिथुकै हांव बै तैशैखैई पौरमेशवर का ऐक सेवक औसौ, जैशै तू औसौ औरौ तैशैखैई जैशै यीशु मसीह पांदी बिशवाश कौरणौवाल़ै तैरै बिशवाशी भाई औसौ, जू बिशवाश कौरौ कै यीशु तिनका प्रभु औसौ। ऐजी सौचाई जू यीशुए दिखाए राए थी, तिथु साबित कौरणौ कारिए पवित्र आत्मा लोगौ खै काबिल बाणौ।”