मत्ती 8:12 - सिरमौरी नौवाँ नियम

¹² पौरौ यहूदी राज्य कै लोगौ खै बायरै इनारै दै पाए दैन्दै: तिथै रुणु औरौ दांदो कौ चाकणौ हौंदौ।”

Sirmouri

¹² परह् राज्य के अलाद बाऐर ईनाँरे दे फ़ेरकाऐ देंई दे, तेथै रूणा-धुंणा अरह् दादों की ही चुरी च़ाकणीं पड़ली।”

मत्ती 8:12 ပူးပေါင်းရင်းမြစ်များ

मत्ती 13:38

बागड़ी दुनिया कै लोग औसौ, औरौ आछौ बिज़ राज्य कै लोग औसौ, औरौ जोंगली बिज़ दुष्ट शैतान कै लोगौ औसौ।

मत्ती 13:42

औरौ स्‍वर्गदूत तिनुखै आग कै कुण्डो दै पांदा, तिथै रुणु औरौ दांद चाकणौ हौंदौ।

मत्ती 13:50

औरौ दुष्ट लोगौ कै आग कै कुण्ड दै बैगाए दैंदै। तिथै रुणु औरौ दांद को चाकणौ हौंदौ।”

मत्ती 21:43

“हांव तुऔं खै बुलू, की पौरमेशवर का राज्य तुऔं कैईंदा आगु कौरदै, औरौ तिनु सौबी देशो कै लोगौ खै दैय दैंदै जू तैसकी मानौए।

मत्ती 24:51

तोबै सै तैसीखै सख्त सौजा दैला औरौ तैसकै ठाँव छल, कपटी वाल़ै लोगौ कै साथै हौंदा जिथै रुणु औरौ दांद पिशणौ हौंदौ।”

मत्ती 25:30

ऐसी निकम्मे नोकर खै इनारै दा पाए दैव, जिथै रुणु औरौ दांद पीशणो हौंदौ।”

लूका 13:28

तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै।

प्रेरितो कै काम 3:25

तुऐं सौबीए पौरमेशवर कै बातौ बौताणौवाल़ै कै संतान औरौ तियौं कौरारो कै हकदार औसौ, जू पौरमेशवरे तोंवारै पुराणिया शै बानै, जोबै तैणै अब्राहम कै बौल़ौ, ‘तैरै वंश कै दवारा दुनिया कै सारै कुड़बे आर्शीवाद पांदै।’

रोमियों 9:4

सै पौरमेशवर कै लोग औसौ; पौरमेशवरे तिनु आपणै नानड़िया बाणै औरौ तिनु कारिए आपणै महिमा कै प्रकट कौरे; तिनकै साथै आपणै कौरार बानै औरौ तिनु मूसा कै कानून दियै; ताकि सै साची तरीकै शै पौरमेशवर कै आराधना कौरौ; तिनुकै पौरमेशवर कै प्रतिज्ञाएँ भैटी रौई।

2 पतरस 2:17

ऐजै झूठै शिक्षक तिनु पाणी कै झौरनै कै जैशणै बैकार औसौ, जू शुकै गौवै। सै तिनु बादल़ौ कै जैशणै बैकार औसौ, जिनु तैज हावा उड़ाएयो लौए जांव, इदै आगै कै बौरखा हौए सौकौ, पौरमेशवरे तिनु कारिए ऐक ऐशणा ठाँव तैयार कौरे राए जू पूरी तरह शै इनारौ औसौ।

2 पतरस 2:4

तुऐं जाणौए कै बैजाए सौमय औगौड़ियौ जोबै किछै स्‍वर्गदूतै पौरमेशवर कै आज्ञा ना मानी, तौ तैणै तिनु तिनकै कौरेयौंदे कै सौजा दै। तैणै तिनु नरक दै फेरकाए दियै, औरौ तिनुखै इनारै वाल़ै कोयदी दै तैसी दूस तौड़ी राखै राए जोबै सै तिनका न्याय कौरदा औरौ तिनु सौजा दैंदा।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।

प्रकाशितवाक्य 22:15

पौरौ जिनकै काम शर्मनाक औसौ, औरौ आपणै साथियो कै प्रति जादू-टोना कौरौ, औरौ गौलत सौमबंध राखौ, हथयारै औरौ मूर्ती कै पूजा कौरौ, औरौ सैजै जू झूठु बौल़ौ, सै कौलोंई बै शहर दै ना जाए सौकदै।