मत्ती 7:22 - सिरमौरी नौवाँ नियम

²² न्याय कै दूसै मुखै बैजाए लोग बौलदै, ‘ओए रै प्रभु, ओए रै प्रभु, का आमुए तैरै नांव शै पौरमेशवर की ढौबौशी बातौ ना बोताई, औरौ तैरै नांव शै दुष्टआत्मा खै ना निकाल़ी औरौ तैरै नांव शै बौहितै चौमत्कार कै काम ना कौरी?’

Sirmouri

²² तेसी देसे बख्त्ते बेजाऐ भहीते लोग मुँखे बुल्दे, के ‘हे प्रभू, हे प्रभू कियों आँमें तुवाँरें नाँव शी पंणमिश्वर की बरंम्बाणीं करीने थई, अरह् तुँवारी नाँव शी दुष्ट-आत्त्मा निकाल़ी ने थई, अरह् तुँवारे नाँव शे चींन-चंम्त्तकार करीने थई?’

मत्ती 7:22 ပူးပေါင်းရင်းမြစ်များ

मत्ती 10:15

हांव तुऔं खै साचौ बुलू, न्याय कै दूसै तैसी नोगरो कै हालत सदोम औरौ अमोरा कै नोगरो कै हालत शै बै बैजाए जादा बुरी होंदी।”

मत्ती 24:36

“ऐजी बातौ कियों घोड़ी औरौ कोसी दूसै हौंदी कुणिए ना जाणौ, ना स्वर्ग कै स्‍वर्गदूत औरौ ना पौरमेशवर का बैटा; पौरौ सिरफ पिता ही तैसी दूसौ कै जाणौ।

मत्ती 25:11

तिथकै बाद सैजी ओकी कुवांरियां बै पाछु आयौ रुंदै बैई दुल्है खै बुलदी लागी, ‘ओए रै मालिक, ओए रै मालिक आमु कारिए दवार खोले दै।’

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

लूका 10:12

हांव तुऔं खै बुलू, तैसी दूसै तैसी नोगरो कै हालत सदोम शहर की हालत दै जादा सैहणौ लायक हौंदी।”

यूहन्ना 11:51

ऐजै बात तैणै आपी खै ना बुली, पौरौ तियौं सालो का महायहूदी पुरोहित कै भैषो दै तैणै ऐजै पौरमेशवर कै ढौबौशै बातौ बौतैई, कै यीशु पूरै इस्राएल देश कारिए मौरदा।

1 थिस्सलुनीकियों 5:4

पौरौ ओए रै मैरै बिशवाशी भाईयों, तुऐं इनारै दै ना आथी, कै प्रभु यीशु कै औटेयौ आणौ को दूस तुऔं पांदी चोर कै जैशणा एकदम आए जांव।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

2 तीमुथियुस 1:18

हांव प्रार्थना कौरु कै न्याय कै दूसै प्रभु, उनेसिफुरूस कै आपणै महान दया दिखांव। औरौ तुऐं आपी बै आछी तरह शै जाणौए कै तैणै इफिसुस शहर दै मैरै कैतरै मौदद कौरे राए थै।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।