मत्ती 7:11 - सिरमौरी नौवाँ नियम

¹¹ जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

Sirmouri

¹¹ तअ: जबे तुँऐं बुरे हऐयों, आप्णें नहाँन्ड़िया खे आच्छ़ी चींजो देणी जाँणों, तअ तुवाँरा स्वर्गो का पिता आप्णें माँगणों वाल़े खे आछी चीजों कैई ने देंदे?

मत्ती 7:11 ပူးပေါင်းရင်းမြစ်များ

मत्ती 23:9

आपणै पिता कै छोडे़बा कोसी कै बै धोरती पांदी आपणै पिता कै बौदलै आदर नै दैया, जिथु तोंवारा पिता सिरफ पौरमेशवर औसौ, जू स्वर्ग दा औसौ।

मत्ती 7:10

ऐशैखैई जै तैसका बैटा तैसी कैईंदै माछी मांगो तौ तैसीखै शोंगोऊं दैंव?

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 3:9

आमै का बौल़ै सौकु? का आमै यहूदी लोग, गैर यहूदी लोगौ शै आछोड़ै औसौ? ना! बिल्कुल नी! जिथुकै आमै यहूदी लोगौ औरौ बैगानै यहूदी लोगौ दुईनै पांदी ऐजा दोष लाए राए कै सै सौब कै सौब पापौ की शौकतै कै हवाले औसौ।

रोमियों 8:32

पौरमेशवरे आपणै बैटै कै आपी कारिए ना राखी, पौरौ तैसीकै अमारै खातिर आपणै दुशमन कै सौंपै दिया, सै आमु सैजौ सौबै ठुँ बै दैंदा जू वादा तैणै आमुआरी कौरे राए।

गलातियौं 3:22

पौरौ पवित्र शास्त्र आमु बौतांव कै, पूरी दुनिया पाप कै अधीन औसौ। इथकारिए जू कुणिए यीशु मसीह पांदी बिशवाश कौरौ, पौरमेशवर का वादा तिनु लोगौ कै ही भैटदा।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।

1 यूहन्ना 4:10

साचा प्यार ऐजा ना आथी कै आमै पौरमेशवरे आरी प्यार कौरा, पौरौ तैसका प्यार औसौ जू प्यार सै आमुआरी कौरौ; औरौ पौरमेशवरे अमारै पापौ कै बलिदान कारिए आपणै बैटै खै भैजा ताकि तैसकै दवारा अमारै पाप माफ हौंव।