मत्ती 6:9 - सिरमौरी नौवाँ नियम

⁹ “तुऔं ऐशैखै प्रार्थना कौरणै चैंई: ‘ओए रै अमारै पिता, तू जू स्वर्ग दा औसौ; तैरौ नांव पवित्र राखौ जांव।’

Sirmouri

⁹ “तुँऐं प्रार्थना ऐशी दाँई करह्: ‘हे अमाँरें पिता’ तू जू स्वर्गो दा असो; तेरा नाँव पबित्र माँना ज़ाँव।

मत्ती 6:9 ပူးပေါင်းရင်းမြစ်များ

मत्ती 10:29

का चिड़कुल़ै का जोड़ा बैजाए सोसता ना बिको? तोबै बै जै तिनुमुंजी दी ऐक बै जोमीनो पांदी छुटै जांव तौ पिता कै तिनकै बारै मुंजी पौता चालै जांव।

मत्ती 23:9

आपणै पिता कै छोडे़बा कोसी कै बै धोरती पांदी आपणै पिता कै बौदलै आदर नै दैया, जिथु तोंवारा पिता सिरफ पौरमेशवर औसौ, जू स्वर्ग दा औसौ।

मत्ती 26:29

हांव तुऔं कैंई साचौ बुलू, कै अंगूर का रस तैसी दूसौ तौड़ी हौजौ कौलोंई ना पींदा, जांव तौड़ी तोंवारै साथै पिता कै राज्य दा नौवाँ ना पियुं।”

मत्ती 26:42

तोबै तैणै दुजाल़ियो जायौ खै ऐजै प्रार्थना कौरे, “ओए रै मैरै पिता, जै ऐजा दुख का छाना मैरै पियै बगैर ना टोल़ सौकौ तौ तैरी मोरजी पूरी हौंव।”

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

मत्ती 5:48

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

मत्ती 6:14

“इथकारिए जै तुऐं आदमी कै पाप माफ कौरलै, तौ पौरमेशवर जू तोंवारा स्वर्ग का पिता औसौ सै बै तोंवारै पाप माफ कौरदा।

मत्ती 6:6

पौरौ जौल़ौ तू प्रार्थना कौरे तौ आपणै कोठरी दा जा औरौ दवार बन्द कौरेयौ आपणै पिता शै प्रार्थना कौर; ताकि तैरै प्रार्थना गुप्‍त रौंव; औरौ तोबै तैरा पिता जू ताखै मेसो दैखौए सै ताखै इनाम दैला।

मत्ती 7:11

जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

लूका 15:18

हांव ऐबै बिज़यो आपणै बापू कै धोरे जोऊंबा औरौ तैसी बौलदा कै, ‘ओए रै बापू मोऐं पौरमेशवर कै खिलाफ औरौ तैरी नोज़रो दा पाप कौरे राए।

लूका 15:21

बैटै तैसी बौल़ौ, ‘ओए रै बापू जी, मोऐं पौरमेशवर कै खिलाफ औरौ तैरी नोजोर दा पाप कौरे राए; औरौ हांव ऐबै तैरा बैटा बौलणौ कै लायक ना रौई।’

लूका 2:14

“स्वर्ग दै पौरमेशवर कै महिमा औरौ धोरती पांदी तिनु आदमी कै शान्तै भैटौ, जिनु लोगौ दा सै खुश औसौ।”

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

रोमियों 8:15

जिथुकै तुऔंखै गुलामी कै आत्मा ना भैटी रैई, कै तुऐं औटेयौ पौरमेशवर शै डौरौ पौरौ पौरमेशवरे आमु पवित्र आत्मा कै संतान बाणै राए, जिथलैई आमै ओए रै बापू, ओए रै पिता बौलेयौ पुकारू।

गलातियौं 1:1

मोऐं पौलुसे, तुऔं ऐजै चिट्ठी लैखै लौए। हांव ऐक चोणेयौंदा चैला औसौ। मुखै ना आदमी कै ढौबौशा, औरौ ना कोसी आदमीए चोणे राए, पौरौ मुखै यीशु मसीह औरौ पौरमेशवर पिता कै दवारा चोणे राए, जैणै यीशु मसीह खै मौरेयौंदे मुंजीदा जियुंदी कौरा।

गलातियौं 4:6

जिथुकै आमु पौरमेशवर कै संतान औसौ, इथकारिए तैणै आपणै बैटै कै आत्मा खै अमारै दिल दै भैजै राए, जू आत्मा पौरमेशवर खै, “ओए रै अब्बा, ओए रै पिता” बौलेयौ पुकारौ।

1 तीमुथियुस 6:16

औरौ सिरफ सै एकमात्र औसौ जू सौदा कारिए जियुंदा औसौ, औरौ सै ऐतरै चोमकदार पेयाशै दा रौंव औरौ ना कोसी आदमीए तैसी दैख राए औरौ ना कुणिए दैख सौकौ। तैसकै महिमा, शौकतै औरौ राज्‍य जुग-जुग रौंदै। आमीन।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

प्रकाशितवाक्य 4:11

अमारै प्रभु पौरमेशवर, तू महिमा पाणौ कै लायक औसौ। तू इज्जत पाणौ कै लायक औसौ। तू शौकतीशाली औसौ जिथुकै तुऐं हर चीज़ौ कै बाणी। तुऐं चोऊ कै सै अस्तित्व दी आंव औरौ इथकारिए तिनकै रचना कौरे।

प्रकाशितवाक्य 5:12

सै जोर-जोर शै गांव थिए, “सैजा मेम्ना जैसी बलिदान कौरे राए थिया, सै महिमा कै लायक औसौ। तैसका औधिकार महान औसौ। तैसकै बुध्दि गैहरी औसौ। सै बैजाए शौकतीशाली औसौ औरौ सै बैजाए सैठ औसौ। आव आमै तैसका आदर कौरु। आव आमै तैसकै बौड़ाए कौरु।”