मत्ती 6:24 - सिरमौरी नौवाँ नियम

²⁴ “कुणिए बै आदमी दौ स्‍वामियो कै सेवा ना कौर सौकौ जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।

Sirmouri

²⁴ “कुँऐं आदमी दू: मालिक-स्वामी की सेवा ने करी सक्दा, किन्देखे के से ऐकी आरी बईर अरह् ओकी आरी पियार करदा, ऐकी आरी मीलियों रंह्दा, अरह् ओकी से छुटा जाँण्ल़ा। तुँऐं पंणमिश्वर अरह् धंन दुई की सेवा ने करी सक्दे।

मत्ती 6:24 ပူးပေါင်းရင်းမြစ်များ

मत्ती 4:10

तोबै यीशुए तैसीखै बौल़ौ, “ओए रै शैतान दूर हौए जा, जिथुखै पवित्र शास्त्र दो ऐजौ बै लैखै राए: ‘तू आपणै प्रभु पौरमेशवर कै झोकैबा ढाल़ कौर, औरौ सिरफ तैसकै सेवा कौर।’”

लूका 16:11

इथकारिए जोबै तुऐं दुनिया कै धन कारिए ईमानदार ना ठोहरी, तौ स्वर्ग कै धन कारिए कुण तुऔं पांदी भोरोशा कौरला?

लूका 16:13

“कुणिए बै आदमी दौ स्‍वामियो कै सेवा ना कौर सौकौ, जिथुकै सै ऐकी आरी दुशमनी औरौ ओकी आरी प्यार कौरदा या ऐकी का आदर कौरला औरौ दूजै कै सै बैकार जाणदा: ऐशैखैई तुऐं ऐकी सौमय पांदी पौरमेशवर औरौ धन दु कै सेवा ना कौर सौकौ।”

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

गलातियौं 1:10

साफ सीधै बात ऐजै औसौ कै मोऐं लोगौ कै खुश कौरणौ कै कौचिश ना कौरे लैई, पौरौ पौरमेशवर कै खुश कौरणा चोऊं। जै हांव इबी तौड़ी बै आदमी खै खुश कौरदा रौंदा तौ मसीह का दास नै हौंदा।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

2 तीमुथियुस 4:10

जिथुकै देमासे इयौं दुनिया कै चीज़ौ शै प्यार राखैयौ मुखै छोड़े दिया, औरौ थिस्सलुनीके शहर खै हौटै गौआ। बिशवाशी भाई क्रेसकेंस गलातिया प्रदेश कै हौटै गौआ औरौ तीतुस दलतिया प्रदेश कै हौटै गौआ।

याकूब 4:4

ओए रै धौखै बाज लोगौ, का तुऐं ना जाणौ कै दुनिया कै चीज़ौ आरी दोस्‍ते कौरणै पौरमेशवर सै बैर कौरणा औसौ? इथकारिए जू कुणिए दुनिया कै चीज़ौ आरी दोस्ती राखणा चांव, सै आपी खै पौरमेशवर का बैरी बौणांव।