मत्ती 6:13 - सिरमौरी नौवाँ नियम

¹³ ‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

Sirmouri

¹³ आँमों पाप कर्णो की परख दे ने पाऐ, परह् बुराई पाप शे बंचाऐ; (किन्देखे के राज्य अरह् प्राकर्म अरह् बड़ियाऐं सदा-सदा तेरी ही असो।’ आमीन।)

मत्ती 6:13 ပူးပေါင်းရင်းမြစ်များ

मत्ती 26:41

जागदै औरौ प्रार्थना कौरदै रौंव कै जोबै तोंवारै परीक्षा हौलै तोबै तुऐं मुं पांदी बिशवाश कौरणा बंद नी कौरौ। तोंवारा दिमाक ठीक काम कौरणा चांव, पौरौ तोंवारै शोरीरो दै ताकत कै कमी औसौ।”

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

मत्ती 5:37

पौरौ तोंवारै बात हां कै हां औरौ ना कै ना हौणै चैंई, जिथु जू किछै इदु जादा हौंव सै दुष्ट शैतान लैई हौंव।”

मत्ती 6:10

‘तैरा राज्य आंव। तैरै इछा जैशणै स्वर्ग दै पूरी हौंव, तैशैखैई धोरती पांदी बै पूरी हौंव।’

यूहन्ना 17:15

हांव ऐजै बिन्ती ना कौरु, कै तू तिनुकै दुनिया पौरैशै उठाए दै, पौरौ ऐजौ कै तू तिनुकै तैसी दुष्ट शैतान कैईंदै बौचायौ राख।

1 कुरिन्थियों 10:13

पाप कौरणौ की इछाएं आमु सौबी कै धोरे जौरुर आंव पौरौ पौरमेशवर वफादार औसौ सै तुऔं ऐशै पौरखणौ कै छूट ना दैंदा जिंदै लौड़णौ दै तुऐं लायक ना आथी, बल्कि सै तुऔं सैजै शौकतै दैंदा ताकि तुऐं पाप शै बौचणौ दै काबिल रौए सौकौ।

1 कुरिन्थियों 14:16

मान पाव कै कुणिए सीधा साधा आदमै तोंवारै आराधना दा आए रौआ, जोबै तुऐं आपणै आत्मा लैई पौरमेशवर कै स्तुति कौरे लौए। जै सै तोंवारै बातौ कै ना सौमझौ, तौ तोंवारै पौरमेशवर खै धन्यवाद दैणौ कै बाद, तैसी कैशै पौता चालदा कै आमीन कोलो बौलणौ जिथुकै सै ना सोमझो कै तुऐं का लो बुली।

2 कुरिन्थियों 1:20

जिथुकै पौरमेशवर कै जैतरै वादै औसौ, सैजै सौबै मसीह दै पूरै हौंव, इथकारिए आमै आमीन बुलू, कै अमारै दवारा पौरमेशवर कै महिमा हौंव।

गलातियौं 1:4

अमारै पौरमेशवर औरौ पिता की इछा कै हिसाब शै मसीह यीशुए आपी खै अमारै पापौ की बौजैह शै बलिदान कौरे राए ताकि सै आमु तिनु बुरी शोकतियौ शै आज़ाद कौरौ जू ऐलो दुनिया दी काम कौरौ।

1 थिस्सलुनीकियों 1:10

औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

2 थिस्सलुनीकियों 3:3

पौरौ प्रभु भोरोशे कै लायक औसौ, सै तुऔं आत्मिक तौर शै मोजबूत कौरदा औरौ दुष्ट शैतान शै तोंवारै रक्षा कौरदा।

1 तीमुथियुस 1:17

ऐबै हमैशा का राजा जू सौदा कारिए जियुंदी औसौ जैसी कुणिए ना दैख सौकौ, तैसी एकमात्र साची पौरमेशवर का आदर औरौ महिमा जुग-जुग हौन्दै रौंव। आमीन।

इब्रानियों 11:36

किछै लोगौ खै तौ ठाटा; औरौ कौड़ै का सामणा कौरणा पौड़ा औरौ किछै कै शांगुल़ी दै बांनैयौ कोयदखाने दै पाए दियै।

1 पतरस 5:8

चौकश रौव, औरौ जागदै रौव, जिथुकै शैतान, तोंवारा दुशमन तुऔं पांदी वार कौरणा चांव ताकि तुऐं पौरमेशवर कै आज्ञा ना मानौ। सै हुंगरौणौवाल़ै शेरो कै जैशणा औसौ, जू आगै-पाछैदा दैखौए कै सै कोसी कै खाए सौकौ।

2 पतरस 2:9

जोबै कै प्रभुए इनु सारी चीज़ौ खै कौरे राए, तौ इथलैई पौता चालौ कै सै जाणौए कै तैसकै लोगौ खै तिनकै दुखो लैई कैशै छुड़ाणे, औरौ कैशै बुरै लोगौ खै न्याय कै दूस तौड़ी लगातार सौजा दैणी।

1 यूहन्ना 3:8

जू कुणिए आदमी लगातार पाप कौरदा रौंव सै शैतान कै ढौबौशा औसौ, जिथुकै शैतान शुरु ही सै पाप कौरदा आए रौआ। पौरमेशवर का बैटा इथकारिए ओऊवा कै शैतान कै कामौ खै नाश कौरौ।

प्रकाशितवाक्य 1:18

हांव एकबेई मौरे गौआ थिया पौरौ ऐबै हांव जियुंदी औसौ औरौ हांव हमैशा जियुंदी रौंदा। दैख हांव युग-युग जियुंदी औसौ; मुंकैई मौत औरौ पताल़ की चाबी औसौ।”

प्रकाशितवाक्य 19:1

जोबै बलवान स्‍वर्गदूतै बौल़ाणौ खत्म कौरौ, मोऐं जू शुणु सै ऐशैकै थियु जैशै स्वर्ग दै बौहितै सारै लोगै गाए लौ हौल़ौ, “हालेलुय्याह! मोक्ति, औरौ महिमा, औरौ अनौखी शौकतै अमारै पौरमेशवर का ही औसौ।

प्रकाशितवाक्य 19:4

तोबै चौबीश पुराणिया औरौ चारै प्राणीए उदे झोकैयौ पौरमेशवर कै ढाल़ कौरे, जू सिंहासनों पांदी बौठेयौंदा थिया, औरौ बौल़ौ, “आमीन! पौरमेशवर कै बौड़ाए हौंव!”

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।

प्रकाशितवाक्य 21:4

औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”

प्रकाशितवाक्य 3:10

तुऐं मैरै सौंदेश कै मानै राए ताकि जोबै तू दुख उठाए तौ तिनु सब्र लैई सैहन कौरे सौकै। इयौंई बौजैह शै, हांव ताखै बौड़ी परीक्षा कै सौमय दा तैरी रक्षा कौरदा। परीक्षा का ऐजा सौमय इयौं दुनिया कै सौब लोगौ पांदी आन्दा।

प्रकाशितवाक्य 3:14

लौदीकिया शहर कै कलीसिया कै स्‍वर्गदूत खै ऐजा सौंदेश लिख: ऐजा सौंदेश तैसकै ढौबौशा औसौ जैसी आमीन बौला जांव। सै बिशवाश योग्यता कै साथै पौरमेशवर कै बारै मुंजी सौचाई कै प्रकट कौरौ, औरौ हांव सैजा औसौ जैसकै दवारा पौरमेशवरे सौब चीज़ौ कै रचना कौरे राए, हांव जू बुलूए सैजौ शुण:

प्रकाशितवाक्य 5:13

तोबै मोऐं स्वर्ग दा, औरौ धोरती पांदी, औरौ धोरती कै धैनै, औरौ समुन्द्र कै सौब बाणैयौंदी चीज़ौ खै, औरौ सौब ठुँ खै जू तिथमुंजी औसौ, ऐजौ बौलदै शुणु, “आव आमै सिंहासन पांदी बौठैयौंदे की औरौ मेम्ने की स्तुति औरौ आदर, औरौ महिमा हमैशा-हमैशा कारिए कौरदै रोऊं, जिथुकै सै सौबिदा जादा शौकतीशाली औसौ।”