मत्ती 6:1 - सिरमौरी नौवाँ नियम

¹ “चौकश रौया! तुऐं आदमी खै दिखाणौ कारिए भोल़ै काम नै कौरेया, ना तौ तुऐं आपणै स्वर्गीय पिता कैईंदा किछै बै इनाम ना पांदै।

Sirmouri

¹ “च़ौक्क्ष रूऐ! तुँऐं आदमी के दे:खाँवे खे धर्म के काँम-काज़, ने करे, ना तअ तुँओं आप्णें स्वर्गो के पिता शा किऐ प्रतिफल़ ने भेट्दी।

मत्ती 6:1 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:6

यीशुए तिनुखै बौल़ौ, “फरीसी लोगौ औरौ सदूकी लोगौ कै खमीर दै चौकश रौया।”

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

मत्ती 23:5

सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव।

मत्ती 25:40

तोबै हांव राजा तिनुखै जोवाब दैन्दा, ‘हांव तुऔं कैंई साचौ बुलू, कै जू तुऐं मैरै इनु नानड़ै शै नानड़ै साथी बिशवाशी मुंजी कोसी ऐकी खै साथै कौरौ, सैजौ मैरै ही साथै कौरे राए।’

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

मत्ती 5:46

जै तुऐं आपणै प्यार कौरणौवाल़ै आरी प्यार कौरलै, तौ पौरमेशवर तुऔं खै इनाम ना दैंदा? जिथुखै मामला लोणो वाल़ै बै तौ ऐशैखैई कौरौ?

मत्ती 5:48

तुऔं तिनु लोगौ शै प्यार कौरणौ कै जौरुरत औसौ जू तुऔंआरी प्यार ना कौरौ औरौ ऐशैखैई पौरमेशवर तुऔं सिद्ध बाणौ, जैशणा कै तोंवारा पिता स्वर्ग दा सिद्ध औसौ।”

मत्ती 6:16

जौल़ौ तुऐं उपवास कौरौ, तौ कपटी कै जैशणै तोंवारै मुं पांदी उदासी नै हौणै चैंई, जिथुखै सैजै लोगौ शै तारीफ पाणौ कारिए उदास बौणैयौंदे रौंव, ताकि लोग तिनुखै उपवासी जाणौ हांव तुऔं खै साचौ बुलू, तिनुऐ आपणा इनाम पाए पोवा।

मत्ती 6:9

“तुऔं ऐशैखै प्रार्थना कौरणै चैंई: ‘ओए रै अमारै पिता, तू जू स्वर्ग दा औसौ; तैरौ नांव पवित्र राखौ जांव।’

मरकुस 8:15

यीशुए तिनु चिताऐबा बौल़ौ, “फरीसी लोगौ औरौ हेरोदेस राजा कै खमीर शै चौकश रौए।”

लूका 11:35

इथकारिए इयौं बातौ का ध्यान राखौ कै जू पेयाशो तुऔं दौ औसौ सै इनारौ ना हौणौ चैंई।

लूका 12:1

तैतियोड़ै जोबै हज़ारो लोगौ कै भीड़ लागै गौए, इथै तौड़ी कै सैजै लोग ऐकी दूजै पांदी उदे रिड़ो थिए, तौ तैणै सौबी दौ औगौड़ियौ आपणै चैलै कै बौल़ौ, “फरीसी लोगौ कै ढोंग शै भोरेयोंदे खमीर शै चौकश रौया।

लूका 12:15

औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”

लूका 16:15

यीशुए तिनु बौल़ौ, “तुऐं तौ आपी खै लोगौ कै सामणै सोही दिखांव, पौरौ पौरमेशवर तोंवारै मनो कै जाणौए, जिथुकै जू बुरी चीज़ौ आदमी कै नोजरी दी खास औसौ, सैजी पौरमेशवर कै सामणै बैकार औसौ।”

यूहन्ना 12:43

जिथुकै तिनुकै पौरमेशवर कै तारीफ शै आदमी कै तारीफ जादा प्यारे लागै।

यूहन्ना 5:44

तुऐं मुं पांदी बिशवाश ना कौरे सौकौ, जिथुकै तुऐं ऐकी दूजै शै तारीफ पाणै चांव, औरौ तुऐं तियौं तारीफ कै पाणौ कै कौचिश ना कौरौ जू सिरफ ऐकैई पौरमेशवर दैंव।

प्रेरितो कै काम 3:12

ऐजौ दैखैयो पतरसे लोगौ कै बौल़ौ, “ओए रै इस्राएल देश कै लोगौ, तुऐं ऐसी आदमी कै दैखैयो किथु हैरान हौए रौवै, औरौ अमारै ढौबौ किथु हैरानी शै दैख लो जैशैखै मानौ आमुए ही आपणी अनौखी शौकतै या भोक्‍ती लैई ऐसीकै हांडणौ फिरणौ कै लायक बाणै राए।

गलातियौं 6:12

जू लोग ओकी यहूदी लोगौ कै खुश कौरणा चांव, सैजैई तुऔं खतना कौरवाणौ कारिए जोर लांव। सै ऐजौ सिरफ इथकारिए कौरौ ताकि लोग तिनु ऐजा प्रचार कौरणौ कै बौजैह शै ना सतांव कै मसीह क्रूसो पांदी मौरा।

इब्रानियों 11:26

मूसा जाणौ थिया कै मिस्र देश कै भौण्ड़ार कै तुलना दै मसीह कारिए दुख सैहणा जादा कीमती औसौ, जिथुकै ऐशै कौरणौ शै पौरमेशवर तैसी स्वर्ग दा इनाम दैंदा।

इब्रानियों 2:1

इथकारिए आमु आपणै दवारा शोणेयौंदी सौचाई खै बैजाए ध्यान शै पालन कौरणा चैंई, ऐशै नै हौंव कै बैहकेयौ तिनुदै दूर हौटै जोऊं।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

2 यूहन्ना 1:8

इथकारिए तुऔं ध्यान राखणा चैंई, कै कोदी ऐजै लोग तुऔं धौखा नै दैंव, ताकि पौरमेशवर कै सेवा कारिए तोंवारै कौरेयौंदे मैहनत बैकार नै जांव पौरौ पौरमेशवर तोंवारै सेवा का इनाम तुऔं जौरुर दैंदा।