मत्ती 5:26 - सिरमौरी नौवाँ नियम

²⁶ हांव ताखै साचौ बुलू, जांव तौड़ी तू पाई-पाई ना भोरै दैय तांव तौड़ी ज़ेलो पौरैशा ना छौटे सौकै।”

Sirmouri

²⁶ हाँव ताँव्खे खास बात बुलू, के जाँव तोड़ी तू आप्णें मुँद्दई की पाऐ-पाऐ ने देऐं दियों, ताँव-तोड़ी तू तियों कय्दी शा छ़ूटी ने बल़्दा।

मत्ती 5:26 ပူးပေါင်းရင်းမြစ်များ

मत्ती 10:29

का चिड़कुल़ै का जोड़ा बैजाए सोसता ना बिको? तोबै बै जै तिनुमुंजी दी ऐक बै जोमीनो पांदी छुटै जांव तौ पिता कै तिनकै बारै मुंजी पौता चालै जांव।

मत्ती 18:34

औरौ तैसकै मालिकै गुस्से दा आयौ, तैसीखै सौजा दैणौवाल़ै कै हाथौ दा दैय दिया, कै जांव तौड़ी ऐणै सौब कर्जा ना चुकैई, तांव तौड़ी इनकै हाथौ दा रौंदा।

मत्ती 25:41

तोबै सै डैरै ढौबौ खौड़ै हौणौवाल़ै कै बौलदा, ‘ओए रै शरापित लोगौ, मैरै सामणै शै तियौं सौदा कै आग दै हौटै जांव, जू शैतान औरौ तैसखै दुष्टआत्मा खै पौरमेशवरे तैयार कौरे राए।

मत्ती 25:46

औरौ सैजै लोग जू डैरै ढौबौ औसौ सौदा कै सौजा भुकतदै पौरौ धरमी लोग सौदा कै जिन्दगी दै जांदै।”

मरकुस 12:42

तोबै ऐकी कंगाल विधवाएं आयौ दो ताँबे कै सिक्‍कै छोड़े, जिथकी कीमत जोडे़ई कम थी।

लूका 12:58

जौल़ौ तू आपणै बौयरी कै साथै न्यायाधीश कै धोरे चालै रौआ, तौ बाटौ ही पुंडे तैसीयादै बौचणौ की कौचिश कौरेया कोदी ऐशै नै हौंव कै सै ताखै न्यायाधीश कै धोरे खिंचैयौ नै लौए जांव, औरौ न्यायाधीश ताखै सिपाही कै धोरे लौए जांव, औरौ सिपाही ताखै ज़ेलो पुंडा खोटे दैंव।

लूका 12:59

हांव ताखै बुलू, जांव तौड़ी तू पाई-पाई नी भोरै दैला, तांव तौड़ी ज़ेलो पौरैशा ना छौटे सौकै।”

लूका 16:26

‘इनु सौबी बातौ छोड़ेयौ अमारै औरौ तोंवारै बीच ऐक बौड़ा गढा औसौ, कै जू इथैदा तिथैदा पार तोंवारै धोरे जाणौ चांव, सै ना जाए सौकौ; औरौ ना कुणिए तिथैदै अमारै धोरे आए सौकौ।’

2 थिस्सलुनीकियों 1:9

सैजै लोग सौदा कारिए प्रभु शै जौई हौए जांदै औरौ तैसकै महिमामय शौकतै दै शामिल ना हौंदै। औरौ जू लोग तैसकै शौकतै कै तैज शै दूर हौए रौवै सै तिनु लोगौ खै सौदा कै विनाश कै दवारा सौजा दैंदा।

याकूब 2:13

जिथुकै जैणै दया ना कौरी, तैसका न्याय बै बिना दया का हौंदा दया न्यांव पांदी जीतै जांव।