मत्ती 5:19 - सिरमौरी नौवाँ नियम

¹⁹ इथकारिए जू कुणिए नानड़ी शी नानड़ी आज्ञा मुंजीदै कोसी ऐकी कै ना मानौ, औरौ तैशैखैई लोगौ कै शिखांव, तैसीखै स्वर्ग कै राज्य दा सौबिदा नानड़ा बौलदै, पौरौ जू कुणिए इनु आज्ञा का पालन कौरला औरौ तिनु ओकी खै शिखाला, तैसीखै स्वर्ग कै राज्य दा महान बौलदै।

Sirmouri

¹⁹ ईन्देंखे, जुण्जा कुँऐं ईनू छूटी शी छूटी अज्ञाँ मुझ़शी ऐक भे अज्ञाँ च़ुड़ो, अरह् ऐष्णों ही लोगो कैई शो शिखाँव, तअ से स्वर्गो दा सोभी शा छुटा माँना ज़ाँदा; परह् जुण्जा कुँऐं अज्ञाँ का पाल्ण करला, अरह् तिनू मानंणीं शिखाला, सेही स्वर्गो के राज्य दा बड़ा माँना ज़ाँदा।

मत्ती 5:19 ပူးပေါင်းရင်းမြစ်များ

मत्ती 11:11

हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ।

मत्ती 19:28

यीशुए तिनुखै बौल़ौ, “हांव तुऔं खै साचौ बुलू, की नोऐं दुनिया दा जोबै आदमी का बैटा आपणै महिमा कै सिंहासन पांदी बोठला, तौ तुऐं बै जू मैरै चैलै औसौ, बारौ सिंहासन पांदी बोठेयो इस्राएल देश कै बारौ गोत्रो का न्याय कौरदै।

मत्ती 20:26

पौरौ तुऔं मुंजी ऐशै ना हौणौ चैंई; जै कुणिए तुऔं मुंजी बौड़ा बौणणा चांव, सै सौबिका सेवक बौणौ।

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

लूका 1:15

जिथुखै सै प्रभु कै सामणै महान हौंदा, औरौ सै नौशीला रस औरौ सूर कौलोंई ना पिन्‍दा औरौ आपणी माँ कै पेटो दा ही पवित्र आत्मा लैई भौरेयौंदा हौंदा।

लूका 11:42

पौरौ ओए रै फरीसी लोगौ, तुऔं पांदी हाय, तुऐं पुदीने औरौ सुदाब का औरौ सौबी चीज़ौ को साग पात का देशवाँ अंश दैंव, पौरौ न्याय कै औरौ पौरमेशवर कै प्यार कै टाल़ै दैंव, तुऔं चैंई तौ थियु कै तुऐं इनु बै पूरु कौरदै औरौ तिनु बै ना छोड़दै।

लूका 9:48

औरौ तिनु बौल़ौ, “जू कुणिए मैरै नांव शै ऐसी भेइया कै बै अपनांव, सै मुखै अपनांव; औरौ जू कुणिए मुखै अपनांव सै मैरै भैजणौवाल़ै पौरमेशवर कै अपनांव, जिथुकै जू तुऔं मुंजीदा सौबिदा नानड़ै दा नानड़ा औसौ, सैजाई बौड़ा औसौ।”

प्रेरितो कै काम 1:1

मानगिणेयोंदा थियुफिलुस, मोऐं आपणै आगलै किताब दो तुऔं खै तिनु सौबी बातौ कै बारै मुंजी बौताए राए, जिनु बातौ कै यीशुए स्वर्ग दै उठाए जाणौ शी आगै कौरणी औरौ शिखाणी शुरु कौरे रैई थी।

रोमियों 3:8

किछै लोगै ऐजौ बौलेयौ आमु पांदी आरोप लौआ कै आमुए बौल़ौ, “आव आमै बुरु कौरौ ताकि इथलैई अच्छाई निकल़ौ।” जैशैखै आमु पांदी ऐजा दोष लाया बै जांव, औरौ किछै बौल़ौए कै इनका ऐजाई बौलणा औसौ। पौरौ जू लोग मैरै बारै मुंजी ऐशणी बातौ बौल़ौ, सैजै सौजा पाणौ कै लायक औसौ।

रोमियों 6:1

तौ आमै का बुलू? पौरमेशवर आपणै अनुग्रह की बौजैह शै अमारै पापौ कै माफ कौरौ। पौरौ आमु ऐशै नी सुंचणौ चैंई, चालौ आमै पाप कौरदै रोऊं कै अनुग्रह बैजाए हौंव।

रोमियों 6:15

तौ का हु? जिथुकै आमै मूसा कै कानून कै अधीन नी, पौरौ पौरमेशवर कै अनुग्रह कै अधीन औसौ, इथकारिए आमु पाप नी कौरणै चैंई।

1 तीमुथियुस 6:11

पौरौ ओए रै तीमुथियुस, तू पौरमेशवर कै सेवा कौरणौवाल़ा आदमी औसौ, ताखै इनु सौबी चीज़ौ कै कौरणौ शै बौचणौ चैंई जू सोही औसौ सिरफ सैजौ कौरणौ कारिए हर तरह शै कौचिश कौरेयौ ऐक ऐशणा जीवन जी जू पौरमेशवर कै आदर दैंव। मसीह पांदी भोरोशा राख, ओकी लोगौआरी प्यार औरौ शराफत शै रौया औरौ कौलोंई बै हार नी मानैया।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

1 पतरस 5:4

जोबै यीशु मसीह, जू कै अमारा प्रधान चौराईया औसौ, औटेयौ पाछु आन्दा, तोबै तुऔं ऐक सुन्दर मुकुट दैंदा जू कौलोंई बै आपणी चौमक ना खौंदा।

1 यूहन्ना 3:4

जू कुणिए आदमी लगातार पाप कौरौए, सै पौरमेशवर कै कानून खै मानणौ शै मौना कौरौ, औरौ पाप कौरणा कानून कै मानणौ शै मोना कौरणा औसौ।

प्रकाशितवाक्य 2:20

पौरौ मुखै तुऔंआरी ऐजी शिकायत औसौ, कै तुऐं तियौं बैटमाणिश इजेबेल खै झूठी शिक्षा फोयलाणो दैंव। सै बौल़ौए कै सै ऐक पौरमेशवर कै बातौ बौताणौवाल़ी औसौ, पौरौ आपणी शिक्षाओं लैई सै मैरै लोगौ खै गौलत सौमबंध कै पापौ दै शामिल हौणौ कारिए औरौ मूर्ति खै चौढ़ाए जाणौवाल़ै खाणौं खाणौ कारिए भरमांव।”