मत्ती 5:17 - सिरमौरी नौवाँ नियम

¹⁷ “ऐशैखै ना सोंचैया कै हांव मूसा कै कानून औरौ पौरमेशवर कै बातौ बौताणौवाल़ै कै लेखो कै मिटांदा आए रौआ, हांव मिटाणो कारिए नै पौरौ पूरा कौरदा आए रौआ।

Sirmouri

¹⁷ “आप्णें मंन शे ऐजे बिचार निकाल़ी दियों, के मेरे आँणों का खास मंक्सद अज्ञाँ-निय्म अरह् ऋषियों की पत्री लुप्त्त के बेकार साबित कर्णी ने आथी परह् तिनू पुरी कर्णी ही मेरा खास मंक्सद असो।

मत्ती 5:17 ပူးပေါင်းရင်းမြစ်များ

मत्ती 3:15

पौरौ यीशुए तैसीखै ऐजा जोवाब दिया, “ऐबै तू ऐशैखैई हौणौ दै, जिथुखै आमुखै ऐशैखैई सैजौ सौबै पूरु कौरणौ जू पौरमेशवर कारिए जौरुरी औसौ।” औरौ तोबै यूहन्नाए तैसकै बात मानै पाए।

मत्ती 7:12

इथकारिए जू किछै बै तुऐं चांव कै आदमी तुऔंआरी कौरौ, तुऐं बै तिनु आरी तैशणाई बर्ताव कौरौ; जिथुकै मूसा कै कानून औरौ पौरमेशवर कै बातौ बौताणौवाल़ै कै लेखो का मतलब ऐजाई औसौ।”

लूका 16:17

गौयण औरौ धोरती कौ टोल़ जाणौ आसान औसौ, पौरौ पौरमेशवर कै कानून शै ऐक बिन्दु ना मिट सौकौ।

यूहन्ना 8:5

मूसा कै कानून दै मूसाए आमु आज्ञा दैय राए कै ऐशणी बैटमाणिशौ मारै दैणौ कारिए तियौं पाथरो लैई मारो; तौ तू का बौल़ै कै आमु इयौं बैटमाणिशौ आरी का कौरणौ चैंई।”

प्रेरितो कै काम 18:13

ऐजा लोगौ खै सौमझांव, कै पौरमेशवर कै आराधना ऐशै कौरी, जू मूसा कै कानून को उलटु औसौ।”

प्रेरितो कै काम 21:28

“ओए रै इस्राएल देश कै लोगौ, मौदद कौरौ; ऐजा सैजाई आदमी औसौ, जू लोगौ खै, औरौ मूसा कै कानून खै, औरौ ऐसी ठाँव कै खिलाफ दो हर जौगैह सौबी लोगौ खै शिखांव, इथै तौड़ी कै बैगानै यहूदी लोगौ खै बै मन्दिर दै लायौ तैणै ऐसी पवित्र ठाँव कै अपवित्र कौरे राए।”

प्रेरितो कै काम 6:13

औरौ तिनुऐ तिथै झूठै गवाह खौड़ै कौरे, जिनुवै स्तिफनुस पांदी इलजाम लोऊवा कै ऐजा आदमी ऐसी पवित्र ठाँव औरौ मूसा कै कानून कै खिलाफ बौलणौ ना छोड़ो।

रोमियों 10:4

जिथुकै मसीह कै आणौ शै मूसा कै कानून का मकसद पूरा हौए गौआ इथकारिए जू कुणिए मसीह पांदी बिशवाश कौरौ पौरमेशवर तैसी धरमी साबित कौरौ।

रोमियों 3:31

तौ का आमै मूसा कै कानून कै बिशवाश कै दवारा मिटाए दियु? ना! बिल्‍कुल नी! पौरौ आमुए तौ मूसा कै कानून कै तिथका सोही नतीजा दैय लौआ।

रोमियों 8:4

इथकारिए कै धार्मिक नियम जू अमारै पापी स्‍वभाव कै हिसाब शै नी पौरौ पवित्र आत्मा कै हिसाब शै चालैयौ, निभाए जांव।