मत्ती 5:16 - सिरमौरी नौवाँ नियम

¹⁶ इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

Sirmouri

¹⁶ ऐशा ही दाँई तुवाँरा प्रकाष आदमी के साम्णें प्रकाषमाँन हुवा चेंई, के तुवाँरे भले काँम-काज दे:खियों, तुवाँरा पिता जू स्वर्गो दा असो, तिनकी बड़ियाऐ करह्।

मत्ती 5:16 ပူးပေါင်းရင်းမြစ်များ

मत्ती 23:5

सै कैई तरह कै नियम बौणांव जिनु मानणै औरौ कौरणै लोगौ कारिए चैईथै औसौ, सै आपणै ताबीजों खै जिथपांदी शास्त्र कै वचन हौंव, तिनु माथै पांदी औरौ बाऐ पांदी बानो, औरौ आपणै खोटणो खै पालै बौढ़ाव।

मत्ती 23:9

आपणै पिता कै छोडे़बा कोसी कै बै धोरती पांदी आपणै पिता कै बौदलै आदर नै दैया, जिथु तोंवारा पिता सिरफ पौरमेशवर औसौ, जू स्वर्ग दा औसौ।

मत्ती 5:45

जिथलैई तुऐं आपणै स्वर्गीय पिता कै नानड़िया ठोरल़ै जिथुखै सै भले औरौ बुरै लोगौ पांदी आपणौ पेयाशो प्रगट कौरौ, औरौ धरमी औरौ अधरमी लोगौ पांदी बारिश बरसांव।

मत्ती 6:16

जौल़ौ तुऐं उपवास कौरौ, तौ कपटी कै जैशणै तोंवारै मुं पांदी उदासी नै हौणै चैंई, जिथुखै सैजै लोगौ शै तारीफ पाणौ कारिए उदास बौणैयौंदे रौंव, ताकि लोग तिनुखै उपवासी जाणौ हांव तुऔं खै साचौ बुलू, तिनुऐ आपणा इनाम पाए पोवा।

मत्ती 6:9

“तुऔं ऐशैखै प्रार्थना कौरणै चैंई: ‘ओए रै अमारै पिता, तू जू स्वर्ग दा औसौ; तैरौ नांव पवित्र राखौ जांव।’

मत्ती 9:8

लोग इथु दैखैयो डौरे गौवै, औरौ पौरमेशवर कै बौड़ाए कौरदै लागै, जैणै आदमी खै ऐशणा औधिकार दैय राए।

लूका 11:2

तैणै तिनु बौल़ौ, “जोबै तुऐं प्रार्थना कौरौ तौ ऐशैकै बौलेया, ‘ओए रै पिता, तैरौ नांव पवित्र मानौ जांव, तैरा राज्य आंव।

यूहन्ना 15:8

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

प्रेरितो कै काम 9:36

याफा नगर दा तबीता नांव कै ऐक बिश‍वाशनी बैटमाणिश थै, यूनानी भाषा दो तियौंको नांव दोरकास थियु। सै बौहितै भोल़ै-भोल़ै काम औरौ गरीब लोगौ कै मौदद कौरौ थै।

1 कुरिन्थियों 14:25

सै जू शुणौए तिथकी बौजैह शै सै सौमझै जांदा कै पौरमेशवर तैसकै बुरै सोंच कै बारै मुंजी का सौंचै लौ, औरौ तैसी ऐहसास हौंदा कै सै पापी औसौ औरौ सै पाप कौरणा छोड़े दैंदा। औरौ तोबै सै घुंडू पांदी आयौ पौरमेशवर कै आराधना कौरदा औरौ मानै पांदा, कै सौथीखै पौरमेशवर तोंवारै बीच मुंजी औसौ।

2 कुरिन्थियों 9:13

जिथुकै ओकी कै मौदद कौरणौ कारिए धन दैणौ कै ऐजी सेवकाई दिखांव कै तुऐं आपणा वादा पूरा कौरे राए। बौहितै लोग पौरमेशवर कै महिमा प्रगट कौरदै जोबै तुऐं मसीह का साचा सुसमाचार कै सोचाई कै साथै मानलै औरौ बौतालै। औरौ तुऐं गरीब बिशवाशी औरौ ओकी बिशवाशियौं कै मौदद कौरणौ दै दया प्रगट कौरदै रौव।

गलातियौं 1:24

इथकारिए पौरमेशवरे मैरै साथै जू कौरौ तिथ कारिए तिनुऐ लगातार पौरमेशवर कै महिमा कौरे।

इफिसियों 2:10

जिथुकै आमै पौरमेशवर कै बाणैयोंदै औसौ, औरौ मसीह यीशु दै आमु कै नौवें लोगौ कै रुप दै इथकारिए बाणै राए, ताकि आमै तिनु भले काम कै कोरयो जीवन बीतांव जिनु कामौ कै पौरमेशवरे औगौड़ियौ शै आमु कारिए तैयार कौरे राए।

इफिसियों 5:8

जिथुकै आगै तुऐं आपी इनारै दै रौंव थिए, पौरौ जौल़ौ दै ऊबै तुऐं प्रभु कै लोग बौणै रौवै, तुऐं पेयाशै दै औसौ। इथकारिए पेयाशै दै रौणौवाल़ै लोगौ कै जैशणै हांडो।

1 थिस्सलुनीकियों 2:12

ऐशणा जीवन जियौ जू पौरमेशवर खै खुश कौरौ, जू तुऔं खै आपणै राज्य औरौ महिमा दै शामिल हौणौ कारिए बोईदौए।

1 तीमुथियुस 2:10

इथकै बजाय, तिनु ओकी लोगौ कारिए भले काम कौरेयौ आपी कै सुन्दर बौणणौ चैंई। जिथुकै पौरमेशवर कै भोक्‍ती कौरणौवाल़ी बैटमाणिशौ कै ऐजौई कौरणौ ठीक औसौ।

1 तीमुथियुस 5:10

औरौ ओकी लोगौ कै इयौं बातौ कै पौछेयाण कौरणी चैंई कै तियैं सौदा आछै काम कौरे राए हौलै; जैशैखै, तियैं आपणै नानड़िया का पालन पोषण आछै तरह शै कौरे राए हौला, तियैं यात्रा कौरणौवाल़ै बिशवाशियौं का आपणै घोरे स्वागत कौरे राय हौला, तियैं ओकी बिशवाशियौं कै सेवा ऐक नौकराणी कै जैशणै कौरे राए हौलै औरौ तियैं तिनु लोगौ कै मौदद कौरे राए हौलै जू पौरैशानी दै थिए। तियैं हर तरह कै भले काम कौरणौ कारिए खुद कै पूरी तरह शै दैय राए हौला।

1 तीमुथियुस 5:25

तैशैखैई, जोबै लोग आछै काम कौरौ, तौ ऐजौ ओकी बिशवाशियौं कै दवारा साफ-साफ दैखियौं। औरौ जै सै तिनु ऐक बार बै साफ-साफ ना दैख सौकौ, तौ बाद दै सै तिनु जाणै ही पांदै।

1 तीमुथियुस 6:18

तिनु जादा शै जादा भले काम कौरणौ कारिए बौल औरौ ओकी कारिए जू बै जौरुरी औसौ तिथु बौड़ी दया कै साथै बांडो।

तीतुस 2:14

यीशु मसीह आमु कारिए बलिदान हौए गौआ ताकि आमै सौबै जोणे पापौ शै आज़ाद हौए सौकु औरौ आमु संस्कार दै शुध्द हौए सौकु ताकि आमै तैसकै खास लोग बौणै जोऊं, जू भले काम कौरणौ कै बौड़ै इछा राखौ।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

तीतुस 3:14

सिरफ ऐशैखैई नी, पौरौ तू बिशवाशियौं कै शिखांदा रो कै सै आछै काम कौरणौ कै लगातार मैहनत कौरदै रौंव ताकि तिनु लोगौ की जौरुरतौ पूरी कौरे सौकौ जिनुवागै जौरुरत की चीज़ौ ना आथी। ऐजै बात बिशवाशियौं कै शिखा कै सै बैकार कै जिन्दगी ना जियौं।

तीतुस 3:4

पौरौ तोबै बै, अमारै उध्दारकर्ता पौरमेशवरे लोगौ कै प्रति आपणी दया औरौ प्यार दिखोऊवा।

इब्रानियों 10:24

आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

1 पतरस 2:12

बैगानै यहूदी लोगौ मुंजी तोंवारा बर्ताव आछा हौणा चैंई। जू लोग ऐबै तुऔं पांदी ऐशणै दोष लांव कै तुऐं बुरै काम कौरौ, सैजैई लोग जैसी दूसै पौरमेशवर आला तैसी दूसै तोंवारै आछै कामौ कै दैखियौ पौरमेशवर कै महिमा कौरदै।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 3:1

ओए रै घोरवाल़ियो, आपणै घोरवाल़ै कै ऐशै अधीन रौव जैशै तुऐं प्रभु कै अधीन रौंव। इथकारिए कै जै इनु मुंजीदै कुणिए ऐशणै हौलै जू वचन खै ना मानौ,

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।