मत्ती 5:11 - सिरमौरी नौवाँ नियम

¹¹ “धन्‍य औसौ तुऐं, जोबै लोग तुऔं मैरै चैलै हौणौ की बौजैह शै तोंवारै नेंदैया कौरौ, औरौ सतालै औरौ झूठु बौल बौलेयौ तोंवारै खिलाफ सौबी भान्त की झूठी बातौ बौल़ौ।

Sirmouri

¹¹ “भागोईत असो! तुँऐं, जबे लोग तुँवारी नीदया-चुगली करह्, अरह् सताव, अरह् तुवाँरे बारे दी मेरे कारण साँत्त-भाँत्ती अफ़वा फ़ईलाँव, झूठी लाँव।

मत्ती 5:11 ပူးပေါင်းရင်းမြစ်များ

मत्ती 10:18

तुऔं मुं कारिए राज्यपालो औरौ राजाओं कै सामणै तिनु पांदी, औरौ सौब देशो पांदी गवाह हौणौ कारिए पाहुंचाऐ जांदै।

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 10:39

जू आपणै जिन्दगी बौचाणौ कै कौचिश कौरला, सै सौदा कै जिन्दगी गवांए दैला, औरौ जू मैरी बौजैह शै आपणै जिन्दगी गवाऐ दैला, सै स्वर्ग दै सौदा खै जिन्दगी पाला।”

मत्ती 19:29

औरौ जैसी कोसीए घोरो या भाईयों या माँ-बापू या नानड़िया या बागड़ी खै मैरै नांव कारिए छोड़े राए, तिनुखै शौ गुणा भेटदो: औरौ सै सौदा कै जिन्दगी का औधिकारी हौंदा।

मत्ती 24:9

तोबै सैजै लोग जू तोंवारै खिलाफ औसौ कौल़ेश दैणौ खै तुऔं खै थोमाले औरौ तुऔं खै मारै दैंदै जिथुकै तुऐं मैरै चैलै औसौ इथकारिए सौबै देशो कै लोग तुऔंआरी बैर कौरलै।

मत्ती 27:39

औरौ आणौ जाणौवाल़ै लोग मुंड हिंजाल़ै-हिन्जालेबा तैसीकै ऐजौ बौलेयौ नेंदैया कौरदै लागौ थिए।

मरकुस 13:13

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।”

मरकुस 13:9

पौरौ तुऐं आपणै बारै दै चौकश रौया, जिथुकै लोग तुऔं कै महासभा दै निलै औरौ तुऔं यहूदी सभा-घोर दै पीटदै, औरौ तुऐं मैरै चैलै औसौ इथकारिए लोग तुऔं खै राज्यपालो औरौ राजाओं कै आगै खौड़ै कौरदै। तोबै तुऐं तिनुखै मैरा सुसमाचार शुणाए सौकौ।

मरकुस 4:17

पौरौ पौरमेशवर कै वचन कै आपणै मनो भीतरा ना बौठाल़ो, औरौ ऐसी बौजैह शै सैजै दैणिक दूसौ तौड़ी टिकयौंदे रौंव; इथकै बाद जोबै पौरमेशवर कै वचन की बौजैह शै तिनु पांदी दुख औरौ तकलीफ आंव, तौ सै तौलोंई बिशवाश कौरणा छोड़े दैंव।

मरकुस 8:35

जिथु जू कुणिए इयौं धोरती पांदी आपणै जिन्दगी बौचाणौ कै कौचिश कौरला, सै हमैशा कै जिन्दगी गवांए दैला, पौरौ जू कुणिए मुं पांदी बिशवाश कौरणै औरौ सुसमाचार प्रचार कौरणौ कै बौजैह आपणै जिन्दगी गंवाला, सै स्वर्ग दै हमैशा खै जिन्दगी पाला।

लूका 21:12

पौरौ इनु सौबी बातौ दै औगौड़ियौ सै मैरै नांव की बौजैह शै तुऔं पाकोड़दे, औरौ सतांदै, औरौ यहूदी सभा-घोरो दै सोंपदै औरौ ज़ेलो दै पांदै, औरौ राजाओं औरौ राज्यपालो कै सामणै लोए जांदै।

लूका 21:17

तुऐं मैरै चैलै औसौ इथकारिए सौबै लोग तुऔंआरी बैर कौरलै।

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

लूका 9:24

जिथुकै जू कुणिए इयौं धोरती पांदी आपणै जिन्दगी बौचाणौ कै कौचिश कौरला, सै हमैशा कै जिन्दगी गवांए दैंदा, पौरौ जू कुणिए मुं पांदी बिशवाश कौरलै औरौ जू कुणिए मुं कारिए आपणै जिन्दगी गंवाला, सै स्वर्ग दै हमैशा कै जिन्दगी पांदा।

यूहन्ना 15:21

पौरौ ऐजौ सौबै ठुँ सै तोंवारै साथै कौरदै, जिथुकै तुऐं मैरै चैलै औसौ, औरौ सैजै मैरै भैजणौवाल़ै पौरमेशवर कै ना जाणौ।

यूहन्ना 9:28

तोबै तिनिए तैसीखै बुरु भोलो बौलेयौ खै बौल़ौ, “तू ही तैसका चैला औसौ; आमै तौ मूसा पौरमेशवर कै बातौ बौताणौवाल़ै कै चैलै औसौ।

प्रेरितो कै काम 9:16

औरौ हांव तैसीखै बौतांदा, कै लोगौ खै मैरै बारै मुंजी प्रचार कौरणौ कै बौजैह शै तैसी कैशणा-कैशणा दुख झैल़णा पौड़दा।”

रोमियों 8:36

जैशैखै पवित्र शास्त्र दो लैखै राए, “पौरमेशवर कै खातिर आमु हर सौमय मौत का खतरा रौंव; आमु मौरणौ वाल़ी भेड़ो कै जैशणै गिणै राए।”

1 कुरिन्थियों 4:10

लोग आमु मूर्ख मानौ जिथुकै आमु मसीह कै बारै मुंजी उपदैश दियु, पौरौ तुऐं गौलती शै सुंचौए कै तुऐं बैजाए बुध्दिमान मसीह औसौ। बैजाए लोग मानौए कै आमुकैंई औधिकार ना आथी। पौरौ तुऐं गर्व शै बौल़ौए कै तुऔं कैई पौरमेशवर कै शौकतै औसौ। लोग अमारा आदर ना कौरौ पौरौ सै तोंवारा आदर कौरौ।

फिलिप्पियों 1:29

जिथुकै मसीह कारिए तुऔं पांदी ऐजा अनुग्रह हौआ कै ना सिरफ तैसी पांदी बिशवाश कौरौ, पौरौ तैसी कारिए दुख बै उठाव।

1 पतरस 2:23

जोबै लोगै यीशु कै बैज्जती कौरे, तौ तैणै पाछु मोड़ेयो तिनकै बैज्जती ना कौरी। जोबै लोगै तैसी दुख दिया, तौ तैणै तिनुवांदा बौदला लोणो कै कौचिश ना कौरी। पौरौ, तैणै आपणै मौदद कारिए पौरमेशवर पांदी भोरोशा कौरा। सै जाणौ थिया कै पौरमेशवर हमैशा न्याय कै तरीकै शै लोगौ का न्याय कौरदा।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

प्रकाशितवाक्य 2:3

तुऐं सब्र शै दुख खै सैहन कौरे जिथुकै तू मुं पांदी बिशवाश कौरे औरौ तोबै बै मुं पांदी तैरा बिशवाश मोजबूत औसौ।