मत्ती 5:10 - सिरमौरी नौवाँ नियम

¹⁰ “धन्‍य औसौ सैजै, जू धार्मिकता का जीवन जिणौ कै बौजैह शै सताए जांव, जिथुखै स्वर्ग का राज्य तिनका ही औसौ।”

Sirmouri

¹⁰ भागोईत असो! सेजे जिनू धर्म के कारण सताऐ ज़ाव, स्वर्गो को राज्य तिन्ही को असो।

मत्ती 5:10 ပူးပေါင်းရင်းမြစ်များ

मत्ती 10:23

जौल़ौ सै तुऔं खै ऐकी नगर दै सतालै, तौ ओकी नोगरो दै दौड़ै जाया। हांव तुऔं कै साचौ बुलू, की तुऐं इस्राएल देश कै सौबी नोगरो दै इबी तौड़ी हौटै बै ना रोली तोबै हांव आदमी का बैटा तुऔं दा आगै आए जांदा।”

मत्ती 19:14

यीशुए बौल़ौ, “नानड़िया खै मैरै धोरे आणौ दैव औरौ इनुखै मोना नी कौरौ, जू कुणिए नानड़िया कै जैशणा भोरोशा कौरौ सैजैई लोग स्वर्ग कै राज्य दै रोन्दै।”

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

मत्ती 5:3

“धन्‍य औसौ सैजै जू महसूस कौरौ कै तिनुकै पौरमेशवर कै जौरुरत औसौ, जिथुखै स्वर्ग का राज्य तिनका ही औसौ।”

मरकुस 10:14

यीशुए खेजेबा तिनुखै बौल़ौ, “नानड़िया खै मैरै धोरे आणौ दैव औरौ इनुखै मोना नी कौरौ, जू कुणिए नानड़िया कै जैशणा भोरोशा कौरौ सैजैई लोग पौरमेशवर कै राज्य दै रोन्दै।

लूका 21:12

पौरौ इनु सौबी बातौ दै औगौड़ियौ सै मैरै नांव की बौजैह शै तुऔं पाकोड़दे, औरौ सतांदै, औरौ यहूदी सभा-घोरो दै सोंपदै औरौ ज़ेलो दै पांदै, औरौ राजाओं औरौ राज्यपालो कै सामणै लोए जांदै।

लूका 22:29

औरौ जैशै मैरै बापूए मुखै ऐक राज्य दैय राए, तैशैखैई हांव बै तुऔं कै ऐक राज्य दुं।

लूका 6:20

तोबै तैणै आपणै चैलो कै ढौबौ दैखैयो बौल़ौ, “धन्‍य औसौ सैजै जिनु पौरमेशवर कै जौरुरत औसौ, जिथुखै पौरमेशवर का राज्य तोंवारा औसौ।”

लूका 6:22

“धन्‍य औसौ, तुऐं जोबै मुं आदमी कै बैटै कै बौजैह शै लोग तुऔं आरी बैर राखदै, औरौ तुऔं निकाल़ै दैंदै, औरौ तोंवारै नेंदैया कौरदै, औरौ तोंवारा नांव बुरु जाणैयौ काटै दैंदै।”

यूहन्ना 15:20

याद राखौ कै मोऐं तुऔं का राव थियु बौल़ै, ‘नोकर आपणै मालिक दा बौड़ा ना आथी,’ जै तिनुऐ मुखै सोताए राए, तौ सै तुऔं खै बै सतांदै, जै सै मैरी शिक्षा कै मानदै, तौ तोंवारै बै मानलै।

प्रेरितो कै काम 5:40

तोबै तिनुऐ तैसकै बात मान पाए; औरौ चोणेयौंदे चैलै कै बोयदयो पिटौऊवे; औरौ तिनु ऐजै आज्ञा दै कै सै ऐलो शै यीशु कै नांव शै किछै नी बौलेया औरौ हौजौ तिनु छोड़े दिए।

प्रेरितो कै काम 8:1

शाऊल तैसकी मौत कै साथै पूरी तरह शै शामिल थिया। तैसी दूसै यरूशलेम शहर कै कलीसिया पांदी बौड़ा अत्याचार हौंदा लागा औरौ चोणेयौंदे चैलै कै छोड़ेयौ सौबै कै सौबै यहूदिया प्रदेश औरौ सामरिया प्रदेशो दै बैखरै गौवै।

2 कुरिन्थियों 4:17

जिथुकै अमारै ऐसी सौमय कै पौरैशानी नानड़ी औसौ औरौ बैजाए लाम्बै सौमय तौड़ी ना रौंदी। जिथुकै इथका नतीजा सौदा कै महिमा हौंदी जू तिनु सौबी दी बैजाए जादा हौंदै जिथकै बारै मुंजी आमै सोंचै बै ना सौकु।

फिलिप्पियों 1:28

औरौ कियौंई बै बातौ दै दुशमन दै ना डौरौ। तोंवारै हिम्मत तिनु कारिए नाश का साफ निशान औसौ, पौरौ तुऔं कारिए उध्दार का, औरौ ऐजौ पौरमेशवर कै ढौबौशौ औसौ।

2 तीमुथियुस 2:12

जै आमु मसीह कारिए दुख सैहन कौरु, तौ आमै तैसकै साथै राज्य बै कौरदै; पौरौ जै आमै बुलू कै आमै मसीह कै ना जाणु तौ सै बै बौलदा कै आमै तैसकै ना आथी।

2 तीमुथियुस 3:11

लोगै मुखै सोताए राए थिया, जिथकै बौजैह शै मोऐं दुख सैहन कौरा। तुऔं पौता औसौ कै अन्‍ताकिया, इकुनियुम औरौ लुस्त्रा शहर दै मुं पांदी कैशणै-कैशणै जूल्म हौवे, तोबै बै तिनु सौबी मुंजी शै प्रभुए मुखै छुड़ोऊवा।

याकूब 1:12

धन्‍य औसौ सैजा आदमै, जू परीक्षा दा टिकैयौंदा रौंव, जोबै सै खरा साबित हौंव तौ तैसी सौदा कै जिन्दगी का मुकुट भैटदा, जिथका वादा पौरमेशवरे आपणै प्यार कौरणौवाल़ै आरी कौरे राए।

याकूब 5:11

आमु दुखो दै धीरज धोरणो वाल़ौ खै धन्‍य बुलू। तुऐं अय्‍यूब नांव कै ऐक आदमी कै धीरज राखणौ कै बारै मुंजी तौ शौणै राए, औरौ तुऐं ऐजौ बै जाणौए कै पौरमेशवरे आखरी दी तैसकै कैशै मौदद कौरे, जिथलैई प्रभु कै बैजाए करूणा औरौ दया प्रगट हौंव।

1 यूहन्ना 3:12

आदम कै बैटै कैन कै जैशणै ना बौणौ जू तैसी दुष्ट शैतान शै थिया, औरौ जैणै आपणै भाई खै मारै दिया। तैणै आपणै भाई कै कियों बौजैह शै मारै दिया? जिथुकै तैसकै काम बुरै थिए, औरौ तैसकै भाई कै काम धार्मिकता कै थिए।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।