मत्ती 3:2 - सिरमौरी नौवाँ नियम

² “पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

Sirmouri

² “मंन बद्ल़ो, किन्देखे के स्वर्गो को राज नंजीक आऐ रूओ।”

मत्ती 3:2 ပူးပေါင်းရင်းမြစ်များ

मत्ती 10:7

औरौ हांडदै-हांडदै प्रचार कौरौ, औरौ बौल़ौ कै स्वर्ग का राज्य नेड़िक आए गौआ।

मत्ती 11:20

तोबै सै तिनु नोगरो खै लोगौ खै ताड़दा लागा, जिनुमुंजी तैणै बैजाए चौमत्कार कै काम कौरे राए थिए, जिथुखै तिनुऐ आपणै पापौ खै ना छोड़े रैई थी।

मत्ती 12:41

नीनवे शहर कै लोग न्याय कै दूसै इनु जमाने कै लोगौ कै साथै खौड़ै हौयौ तिनु दोषी ठोहरांदै, जिथुकै तिनुऐ योना का प्रचार शोणेयो पाप कौरणा छोड़े दिया, औरौ दैखिया, इथै सैजा औसौ जू योना पौरमेशवर कै बातौ बौताणौवाल़ा दा बै बौड़ा औसौ।

मत्ती 13:11

तैणै जोवाब दिया, “तुऔं खै तौ पौरमेशवरे आपणै राज्य कै भैद बौताए राए, पौरौ तिनुखै ना दैय रैई।

मत्ती 13:24

यीशुए तिनुखै ऐक उदारण होजो दिया, “स्वर्ग का राज्य, तैसी किसान कै साए औसौ जैणै आपणै बागड़ी दै आछै बिज़ बौए राए।

मत्ती 13:31

तैणै तिनुखै ऐक उदारण हौजौ दिया, “स्वर्ग का राज्य राई कै दाणै कै जैशणा औसौ, जैसी कोसी आदमीए आपणै बागड़ी दा जाएयो बौए दिया।

मत्ती 13:33

तैणै तिनुखै ऐक उदारण होजो शुणाया, की स्वर्ग का राज्य खमीर कै जैशणा औसौ जैसीखै कोसी बैटमाणिशै लायो बौहितै नाजो आरी मिलाए दिया औरौ हौंदै-हौंदै सै सौबै खमीर हौए गौ।

मत्ती 13:47

“हौजौ स्वर्ग का राज्य तैसी बोहिती माछी थामणो कै जालो साए औसौ, जू समुन्द्रो दो बैगाए राए, औरौ सौबी भान्त की माछी खै खिंचैयौ लांव।

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

मत्ती 18:23

इथकारिए स्वर्ग का राज्य तैसी राजा कै साए औसौ, जैणै आपणै नोकरो कैईंदा लैखा लोणा चोऊवा।

मत्ती 20:1

“स्वर्ग का राज्य ऐसी ऐकी उदारण साए औसौ, ऐक जीमदार जू झीशीं दा बायरै हौटा, औरौ आपणै अंगूरो कै बागो दै मजदूर कै काम कौरदै लाए।

मत्ती 22:2

“स्वर्ग का राज्य ऐसी ऐकी उदारण साए औसौ, ऐक राजा जैणै आपणै बैटै का बैयाव बाणा।

मत्ती 23:13

“ओए रै कपटी यहूदी शास्त्रीयों औरौ फरीसी लोगौ तुऔं पांदी हाय, तुऐं लोगौ कारिए स्वर्ग कै राज्य का दवार बन्‍द कौरौ, ना तौ आपी तिन्‍दै जांव औरौ ना तिन्‍दै ओकी कै जाणौ दैंव।

मत्ती 25:1

“तोबै यीशुए आपणै चैलै कै बौल़ौ, जोबै हांव आदमी का बैटा पाछु आन्दा, तोबै स्वर्ग का राज्य दु‌‌ल्हन कै तिनु दस कुंवारी सहैली साए औसौ जू आपणी मशालों लोएयों दुल्है शै भैटिणौ कारिए तैसकै बियाव कै जशन दी हुटी।

मत्ती 25:14

“जोबै हांव हौजौ पाछु आन्दा तोबै स्वर्ग का राज्य ऐशैखै हौंदा जैशैकै ऐक आदमी जैणै प्रदेशो जांदी बैई आपणै नोकरो खै बौएदैयौ आपणै जायदात पौरैशा किछै पोयसा देएयो तिनुखै बौल़ौ, कै जोबै हांव हौटै जोऊंबा तोबै तिनु पौयसै खोर्च कौरेयौ जादा धन कोमाया।

मत्ती 4:17

तैसी सौमय शै यीशुए प्रचार कौरणा औरौ ऐजौ बौलणौ शुरु कौरौ कै, “पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मत्ती 4:23

यीशु सारै गलील जिले दा घुमदै बैई तिनकै यहूदी सभा-घोर दा उपदैश दैन्‍दा, औरौ पौरमेशवर कै राज्य का सुसमाचार प्रचार कौरदा लागा औरौ लोगौ की हर भान्त की बीमारी औरौ कमजोरियों खै दूर कौरदा रौआ।

मत्ती 5:10

“धन्‍य औसौ सैजै, जू धार्मिकता का जीवन जिणौ कै बौजैह शै सताए जांव, जिथुखै स्वर्ग का राज्य तिनका ही औसौ।”

मत्ती 5:3

“धन्‍य औसौ सैजै जू महसूस कौरौ कै तिनुकै पौरमेशवर कै जौरुरत औसौ, जिथुखै स्वर्ग का राज्य तिनका ही औसौ।”

मत्ती 6:10

‘तैरा राज्य आंव। तैरै इछा जैशणै स्वर्ग दै पूरी हौंव, तैशैखैई धोरती पांदी बै पूरी हौंव।’

मत्ती 6:33

इथकारिए सौब दौ जादा जौरुरी ऐजौ औसौ कै तुऐं पौरमेशवर कै राज्य औरौ धार्मिकता शै जीवन जिणौ कै कौचिश कौरौ, तौ ऐजी सौबै चीज़ौ तुऔं खै भैट जांदी।

मरकुस 1:15

औरौ तैणै बौल़ौ, “पौरमेशवरे जैसी दूसौ कै कौरार दैय राखै थी सैजौ दूस आए गौ, औरौ पौरमेशवर का राज्य नेड़िक आए गौआ; पाप कौरणै छोड़े दौ औरौ सुसमाचार पांदी बिशवाश कौरौ।”

मरकुस 1:4

सैजा सौंदेश दैणै वाल़ा यूहन्ना औसौ। जू उजाड़ जौगैह दा बपतिस्मा दैंव थिया, औरौ लोगौ खै बौल़ौ थिया कै पाप कौरणा छोड़े दैव, बपतिस्मा लोव, औरौ पौरमेशवर तोंवारै पाप माफ कौरला।

मरकुस 6:12

तोबै चैलै जाएयो प्रचार कौरा, “तुऔं आपणै पाप कौरणै छोड़ेयौ पौरमेशवर कै पौछौड़ियौ हांडणौ चैंई।”

लूका 1:16

औरौ इस्राएल देश कै कैई लोगौ खै तिनुकै प्रभु पौरमेशवर कै ढौबौ फैरदा।

लूका 11:20

पौरौ जै हांव पौरमेशवर की शौकतै शै दुष्टआत्माओं कै घाडु़, तौ पौरमेशवर का राज्य तोंवारै धोरे आए गौआ।

लूका 13:3

हांव तुऔं बुलू कै ना; पौरौ जै तुऐं पाप कौरणा ना छोड़ो तौ तुऐं सौबै ऐशैखैई नाश हौए जांदै।

लूका 13:5

हांव तुऔं खै बुलू कै ना; पौरौ जै तुऐं पाप कौरणै नै छोड़ले, तौ तुऐं सौबै बै ऐशैखैई नाश हौए जांदै।

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

लूका 15:7

हांव तुऔं बुलू; कै ऐशैखैई ऐक पाप कौरणौवाल़ै आदमी कै बारै मुंजी बै स्वर्ग दा ऐतरा ही जोश्न हौंदा, जिशैक कै नीनाणुवें ऐशणै धरमी लोगौ कै बारै मुंजी ना मौनाया जांदा, जिनु पाप कौरणै छौड़णौ कै जौरुरत ना आथी।”

लूका 16:30

तैणै बौल़ौ, ‘ओए रै बापू अब्राहम; ना, पौरौ जै कुणिए मौरेयौंदे मुंजीदै तिनु ऐजौ चिताए दैंव, तौ सै आपणै पाप कौरणा छोड़े दैलै।’

लूका 21:31

ऐशैखैई जोबै तुऐं ऐजी सौबै बातौ खै हौन्दै बैई दैखौ, तोबै जाणै पाया कै पौरमेशवर का राज्य नेड़िक औसौ।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

लूका 6:20

तोबै तैणै आपणै चैलो कै ढौबौ दैखैयो बौल़ौ, “धन्‍य औसौ सैजै जिनु पौरमेशवर कै जौरुरत औसौ, जिथुखै पौरमेशवर का राज्य तोंवारा औसौ।”

लूका 9:2

औरौ तिनु पौरमेशवर कै राज्य का प्रचार कौरणौ, औरौ बीमारियों कै ठीक कौरणौ कारिए भैजै दिए।

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

प्रेरितो कै काम 2:38

पतरस तिनुकै बौल़ौ, “पाप कौरणै छोड़े दैंव औरौ तुऔं मुंजीदा हरेक आपणै-आपणै पापौ कै माफी कारिए यीशु मसीह कै नांव शै बपतिस्मा लौ; तौ तुऐं पवित्र आत्मा का वरदान पांदै।

प्रेरितो कै काम 20:21

औरौ यहूदी लोग औरौ यूनान देश कै लोगौ कै सामणै गवाही दैंदा रौआ कै पाप कौरणा छोड़ दैव औरौ पौरमेशवर कै ढौबौ मन लाव, औरौ अमारै प्रभु यीशु मसीह पांदी बिशवाश कौरौ।

प्रेरितो कै काम 26:20

पौरौ आगै दमिश्क शहर कै, तोबै यरूशलेम शहर कै रौणौवाल़ै कै, औरौ पूरै यहूदिया प्रदेश दै औरौ बैगानै यहूदियों खै मोऐं प्रचार कौरा, कै पाप कौरणा छोड़े दैंव औरौ पौरमेशवर कै ढौबौ फिरैयौ आपी खै साबित कौरौ कै तुऐं आपणै पापौ कै छोड़ेयौ पौरमेशवर कै ढौबौ फैरै गौवै।

प्रेरितो कै काम 3:19

औरौ पाप कौरणा छोड़े दैंव, औरौ पौरमेशवर कै ढौबौ पाछु आव कै तोंवारै पाप माफ कौरे जांव जिथलैई तुऔं पांदी पौरमेशवर कै ढौबौशा आत्मिक शौकतै का सौमय आन्दा।

2 कुरिन्थियों 7:10

जिथुकै सैजा दुख जू पौरमेशवर कै ढौबौशा आंव, उध्दार दैणैवाल़ै पश्‍चाताप कै बौजैह बौणै जांव, जिथै दुख कारिए कुणजाई ठाँव ना रौंव। पौरौ सांसारिक दुख मौत पौयदा कौरौ।

कुलुस्सियों 1:13

जिथुकै पौरमेशवरे आमु शैतान की शौकतै शै छुड़ायो आपणै प्यारे बैटै कै राज्य दै आमु लौयौ आए रौआ।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।

प्रकाशितवाक्य 2:21

मोऐं तियौं बैटमाणिशौ इजेबेल कै पाप कौरणै छोड़े दैणौ का मौका दिया, पौरौ सै तिनु बुरै कामौ खै बंद कौरणौ शै मना कौरौ।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।