मत्ती 28:19 - सिरमौरी नौवाँ नियम

¹⁹ इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

Sirmouri

¹⁹ ईन्देंखे तुँऐं ज़ाओं, अरह् बादी संईसारी दे ज़ाऐयों गऐर यहूदी के लोग मेरे चैले बंणाँव; अरह् तिनको पिता, पुत्र, अरह् पबित्र-आत्त्मा के नाँव शो नहाँण-नुहाँव,

मत्ती 28:19 ပူးပေါင်းရင်းမြစ်များ

मत्ती 13:52

यीशुए तिनुकै बौल़ौ, “इथकारिए हरेक यहूदी शास्त्री जू स्वर्ग कै राज्य का चैला बौणै रौआ, तैसी घोरो कै ठोगड़े साए औसौ जोबै सै पुराणी औरौ नुई शिक्षाओं खै तैसी ठाँव शै बायरै घाड़ो जिथै सै ओकी कै मौदद कौरणौ कारिए तिनु कौठी कौरौ।”

मत्ती 25:32

औरौ सौब जाति कै लोग मैरै धोरे खौड़ै कौरे जांदै, औरौ जैशैखै चौराणौवाल़ा भेड़ो खै बकरियों शै जोई कौरौ, ऐशैखैई हांव बै तिनुकै ऐकी-दूजै शै जौई कौरे दैन्दा।

प्रेरितो कै काम 1:2

इदा आगै कै पौरमेशवर तैसीखै स्वर्ग दा लोए गौआ, तैणै आपणै चोणेयौंदे चैलै खै पवित्र आत्मा की शौकतै शै तिनुखै आदैश दियै।

प्रेरितो कै काम 1:8

पौरौ जोबै पवित्र आत्मा तुऔं पांदी आला तोबै तुऐं अनौखी शौकतै पांदै, औरौ यरूशलेम शहर औरौ सौबै यहूदिया प्रदेश औरौ सामरिया प्रदेश तौड़ी औरौ सोंईसारी कै हर जौगैह तौड़ी लोगौ कै मैरै बारै मुंजी बौतांदै।”

प्रेरितो कै काम 14:21

तिथकै बाद पौलुस औरौ बरनबास तैसी नोगर कै लोगौ खै सुसमाचार शुणायौ, औरौ बौहितै चैलै बाणैयो, इथकै बाद, सै आपणै बाटो बाटी पाछु जांदै लागै। सै औटेयौ लुस्त्रा शहर कै हौटै। तोबै सै तिथैदै इकुनियुम शहर खै हौटै, औरौ तोबै सै पिसिदिया प्रदेश कै अन्‍ताकिया शहर खै हौटै।”

प्रेरितो कै काम 2:41

जू किछै पतरसे बौल़ौ जिनु लोगै तैसकी बातौ पांदी बिशवाश कौरा तिनुऐ बपतिस्मा लौआ; औरौ तैसी दूसै तीन हजार आदमी कै लमसम तिनु बिशवाशी कै गुट मुंजी जोड़े गौवै।

प्रेरितो कै काम 28:28

इथकारिए तुऐं जाणै पाव, कै पौरमेशवर कै ऐजै उध्दार कै कथा बैगानै यहूदी लोगौ कै धोरे भैजै राए, औरौ सै अपनांदै।”

प्रेरितो कै काम 9:18

औरौ तौलोंई तैसकी आखी पौरैशै छिलके जैशणै छुटै औरौ सै दैखदा लागा औरौ बिज़यो बपतिस्मा लौआ;

रोमियों 10:18

पौरौ हांव बुलू, कै यहूदी लोगै निशोंक हौयौ मसीह कै बारै मुंजी सौंदेश शौणै राए, जिथुकै पवित्र शास्त्र दु लैखै राखौ, “सुसमाचार शुणाणौ वाल़ै कै सौंदेश सारै दुनिया पांदी, औरौ तिनकै वचन दुनिया कै हर जौगैह दै पोऊंचे गौवै।”

1 कुरिन्थियों 15:29

जै मौरेयौंदे खै जियुंदै ना कौरलै, तौ सैजै लोग का कौरदै जू लोग निशान कै तौर पांदी मौरेयौंदे कारिए बपतिस्मा लोंव? पौरौ इथलैई तिनु कुणजाई फायदा ना हौंदा। जै मौरेयौंदे सौथी कै औटेयौ जियुंदै ना हौंदै, तौ सै तिनकै तिनु भोवारो खै किथु मानौ?

2 कुरिन्थियों 13:14

प्रभु यीशु मसीह का अनुग्रह औरौ पौरमेशवर का प्यार औरौ पवित्र आत्मा का साथ तुऔं सौबी कै साथै हौंदा रौंव।

इफिसियों 2:18

मसीह की बौजैह शै, आमै सौबै ऐकैई पवित्र आत्मा कै दवारा पिता कै धोरे आए सौकु।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

1 पतरस 3:21

औरौ पुराणै सौमय दा तिनका उध्दार ऐबै अमारै उध्दार का ऐक उदारण औसौ जोबै आमै बपतिस्मा लोऊँ। तौ जिथु पाणी मुंजी आमै बपतिस्मा लोऊँ, सै अमारै शोरीर शै मौल़ दूर ना कौरौ, पौरौ ऐजा ऐक निशान औसौ कै आमै पौरमेशवर शै माफी मांगै राए ताकि आगै खै अमारा मन पौरैशान नी रौंव। आमु माफी भैटी सौकौ जिथुकै यीशु मसीह औटेयौ मौरेयौंदे मुंजीदा जियुंदी हौए रौआ।

1 यूहन्ना 5:7

औरौ गवाही दैणैवाल़ै तीन औसौ;