मत्ती 27:51 - सिरमौरी नौवाँ नियम

⁵¹ तोबै सैजा मोटा पोरदा जू यरूशलेम मन्दिर दा टांगेयोंदा थिया, ऊपरौ दा धैनै तौड़ी फाटेबा दौ टुकड़ै हौए गौआ। औरौ धोरती हिंजल़ी गौए औरौ चट्टान तिड़कै गौए।

Sirmouri

⁵¹ तेसी बख्त्ते तेख्णी देऊँठी का पड़दा, ओपरो शा ऊँदा तह्ल़ तोड़ी दो धड़ हऐ गुवा: अरह् धर्ती गाशी भूईच्ल़ लागों, अरह् कफाडो कऐड़ी ऊँक्क्षी गई;

मत्ती 27:51 ပူးပေါင်းရင်းမြစ်များ

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 28:2

औरौ दैखौ, ऐक बौड़ा भुईचोल़ हौंव, जिथुकै पौरमेशवर का ऐक स्‍वर्गदूत स्वर्ग शै उतरा औरौ नेड़िक आयौ खै तैणै पाथर आगैई दवारो पौरैशा हौटाए दिया, औरौ तिथपांदी बौठै गौआ।

मरकुस 15:38

औरौ सैजा मोटा पोरदा जू यरूशलेम मन्दिर दा टांगेयोंदा थिया, जू सौबी लोगौ खै पौरमेशवर कै हाजरी दै रौणौ शै रौकौ थिया, ऊपरौ दा धैनै तौड़ी चिरेयौ दो टुकड़ै हौए गौआ।

लूका 23:45

औरौ सुरजो को पेयाशो आगु हौटौ, औरौ सैजा मोटा पोरदा जू यरूशलेम मन्दिर दा टांगेयोंदा थिया, बीचो दा फाटै गौआ।

लूका 23:47

सूबेदारे जू किछै हौए रौ थियु दैखैबा पौरमेशवर की बौड़ाए कौरे, औरौ बौल़ौ, “जौरुर ऐजा आदमी धरमी थिया।”

इब्रानियों 6:19

ऐजी आशा जू अमारै जिन्दगी दै औसौ ऐजी मोजबूत औसौ औरौ इयौं हिंजाल़ियौ ना। ऐजी आमु पौरमेशवर शै दूर जाणौ ना दैंव, पौरौ ऐजी आमु मंदिरो कै भीतरै महापवित्र ठाँव दै पौरमेशवर कै नेड़िक नियौ।

इब्रानियों 9:3

औरौ दूजा कोमरा जू पर्दे कै पौछौड़ियौ थिया, तैसी सौबिदा जादा पवित्र ठाँव बौल़ौ थिए।

प्रकाशितवाक्य 11:13

तैसी सौमय यरूशलेम शहर दौ ऐक बौहितु बौड़ौ भुईचोल़ ओऊ, औरौ शहर कै इमारतौ का देशवाँ हिस्सा ढौल़ै गौआ, औरौ तैसी भुईचौलौ लैई सात हजार आदमी मौरे गौवै, औरौ जू लोग बौचै गौवै थिए, सै डौर कै मारै रुंदै लागै औरौ तैसी पौरमेशवर की महानता कै महिमा कौरदै लागै जू स्वर्ग दा थिया।

प्रकाशितवाक्य 11:19

औरौ पौरमेशवर का जू मन्दिर स्वर्ग दा औसौ, सै खोले गौआ, औरौ तैसकै मंदिर दा तैसकी कौरार का सन्‍दूक दैखिया, औरौ गुड़कौ, औरौ शोब्द औरौ बिजली औरौ भुईचोल़ हौंदै लागै, औरौ गौयण शै बर्फ कै पाथरो कै साथै बैजाए बारिश हौए।