मत्ती 27:24 - सिरमौरी नौवाँ नियम

²⁴ जोबै पिलातुसे दैखौ, कै किछै बै बौणै ना रैई पौरौ इथकै उलटु रोल़ा बोड़दा ही गौआ, तोबै तैणै पाणी लैई भीड़ौ खै सामणै आपणै हाथ धोवे। औरौ बुलू, “हांव ऐसी धरमी खै लोऊ शै निर्दोष औसौ; तुऐंई जाणौ।”

Sirmouri

²⁴ जबे हाक्म पिलातुस ऐ दे:खो, के किऐ ने करिन्दो, परह् ईन्दें के बिरूध बैगेही हाला-घुला हंदा लागा, तअ तेने पाँणी करियों लोगो की भीड़ के साम्णें आप्णें हाथ धुऐं अरह् बुलो, “हाँव ऐसी धर्मी के लह्ऊँ शा बै-कसूर असो; तुँऐं ही जाँणों।”

मत्ती 27:24 ပူးပေါင်းရင်းမြစ်များ

मत्ती 26:5

पौरौ सै बौल़ौ थिए, “तैयारो कै सौमय ऐशै ना कौरणौ चैंई, कोदी ऐशै ना हौंव कै लोगौ मुंजी खून-खोराबा हौंव।”

मत्ती 27:19

जोबै सै न्याय आसन पांदी बौठै रौआ थिया तोबै तैसकै घोरवाल़ीए तैसी बैवरा दिया, “तू तैसी धरमी कै मामलै दा हाथ नी लाया जिथुकै मोऐं ऐलो सुईणै मुंजी तैसकी बौजैह शै बौहिता दुख सैय राए।”

मत्ती 27:23

राज्यपाल पिलातुसे तिनुखै बौल़ौ, “किथुखै, ऐणै का बुरु कौरे राए?” पौरौ सैजै हौजौ बै लेलयाए लैलियायो बौलदै लागै, “तैसीखै क्रूसो पांदी चौढ़ाव।”

मत्ती 27:4

औरौ बौल़ौ, “मोऐं निर्दोष आदमी खै मारणौ कारिए थोम्बाएबा पाप कौरे राए!” तिनुऐ बौल़ौ, “आमु इथकै बारै मुंजी किछै परवाह ना आथी? तू आपी इथकारिए जुमैवार औसौ।”

मत्ती 27:54

तोबै सूबेदार औरौ जिनिए तैसकै साथै यीशु कै रोखवाल़ी कौरे लोए थै, भुईचोल़ औरौ जू किछै हौए रौ थियु, दैखैबा डौरे गौवै, औरौ बौल़ौ, “सौथीखै ऐजा आदमी, पौरमेशवर का बैटा थिया।”

मत्ती 27:9

तोबै जू वचन यिर्मयाह पौरमेशवर कै बातौ बौताणौवाल़ै दवारा बौल़ै राए थिया, सै पूरा हौआ, “तिनुऐ सैजै तीस चांदी कै सिक्‍कै औरौ सैजी कीमत जू इस्राएल देश कै लोगै यहूदा कै दैणौ कारिए मानै राए थै सैजै आगु कौरे।

यूहन्ना 13:9

शमौन पतरसे तैसीखै बौल़ौ, “ओए रै प्रभु तौ तू मैरै लात ही नी पौरौ हाथ बै औरौ मुंड बै धोए दै।”

यूहन्ना 19:4

तोबै राज्यपाल पिलातुस बायरै आयौ तिनु लोगौ खै बौल़ौ, “दैखौ, हांव तैसी तोंवारै धोरे बायरै लोऊ; ताकि तुऐं जाणै सौकौ कै हांव ऐसी दा किछै बै दोष ना पोऊँ।”

प्रेरितो कै काम 3:14

तुऐं यीशु कै ना अपनैई, जू पवित्र औरौ धरमी थिया। औरौ तुऐं चोऊ कै ऐकी हथयारै खै तुऔं कारिए छोड़े दिया जांव।

2 कुरिन्थियों 5:21

मसीह जू पाप शै अणजाण थिया, पौरमेशवरे अमारै पापौ कारिए मसीह खै दोषी ठैहरोऊवा, ताकि आमै पौरमेशवर कै नज़र दै धरमी बौणै जोऊं जिथुकै मसीहे अमारै पापौ कै सौजा आपी पांदी लौए।

1 पतरस 3:18

हांव ऐजौ बुलू जिथुकै मसीहे बै अमारै पापौ की बौजैह शै दुख झैला औरौ मौर गौआ। सै सिरफ ऐकैई बैई मौरा औरौ इयौं बातौ कै बार-बार बौलणौ कै जौरुरत ना आथी। सै ऐक धरमी आदमी थिया जू पापी लोगौ कारिए मौरे गौआ ताकि सै आमु कै पौरमेशवर कै धोरे लाए सौकौ। तिनुऐ तैसकै शोरीर कै मार दिया पौरौ पौरमेशवरे तैसी पवित्र आत्मा कै शौकतै लैई औटेयौ जियुंदी कौरे दिया।