मत्ती 26:64 - सिरमौरी नौवाँ नियम

⁶⁴ यीशुए तैसकै बौल़ौ, “तुऐं आपी ही बौल़ै दियु; पौरौ हांव तुऔं खै ऐजौ बै बुलू: की ऐबै शै तुऐं मुखै आदमी कै बैटै खै सौबिदा शौकतीशाली कै सोऐं ढौबौ बौठैयौंदे राज कौरदै दैखलै, औरौ तुऐं मुखै स्वर्गो शा गौयणै कै बादल़ौ पांदी आन्दै बैई दैखलै?”

Sirmouri

⁶⁴ प्रभू यीशू ऐ तेस्खे जबाब दिता, “तुँऐं ऐजो आपु ही बुली लो; तबे बे हाँव तुओं खे बुली देंऊ, के ईन्दें पाछी तुऐं आदमी का बैटा सर्ब-शँक्त्तिमाँन के सोऐं ढबे बईठा अंदा, अरह् अस्माँनों के बाद्ल़ो मुँझी आँदे दे:ख्ले।”

मत्ती 26:64 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

मत्ती 22:44

‘की प्रभुए मैरै प्रभु खै बौल़ौ; मैरै सोऐं ढौबौ खै बौठ, जांव तौड़ी हांव तैरै बौयरी कै हराए ना दियु।’

मत्ती 24:30

तोबै मुं आदमी कै बैटै का निशान गौयण दा दैखिंदा औरौ तोबै धोरती कै सौबै जाति कै लोग छाती पीटदै, औरौ मुं आदमी कै बैटै खै अनौखी शौकतै औरौ महिमा कै साथै गौयणै कै बादल़ौ पांदी आन्दै दैखदै।

मत्ती 25:31

“जोबै हांव आदमी का बैटा आपणै महिमा दा आन्दा, औरौ सौबै स्‍वर्गदूत तैसखै साथै आलै, तोबै हांव सौबी लोगौ का न्याय कौरणौ कारिए आपणै महिमा कै सिंहासनों पांदी बोठदा।

मत्ती 26:25

तोबै तैसकै थोम्बाणो वाल़ै यहूदा इस्‍करियोतीए बुलू, “ओए रै गुरु, का सैजा हांव औसौ?” तैणै तैसी बौल़ौ, “तुऐं बौल़ै दियु।”

मत्ती 27:11

जोबै यीशु राज्यपाल पिलातुस कै सामणै खौड़ा थिया तौ राज्यपाले तैसी पूछु, “का तू यहूदियों का राजा औसौ?” यीशुए तैसी बौल़ौ, “तुऐं आपी ही लौ बौल़ै।”

मत्ती 28:18

यीशुए तिनकै धोरे आयौ बौल़ौ, “स्वर्ग औरौ धोरती का सारा औधिकार मुखै दैय राए।

मत्ती 8:20

यीशुए तैसीखै बौल़ौ, “सेयाल़ी कै डुँ औरौ गौयणै कै चुड़कुल़ै कै कोएलाण हौंव, पौरौ मुं आदमी कै बैटै कैंई घोर बै ना आथी जिथै हांव सोतै सौकु।”

मरकुस 14:62

यीशुए बौल़ौ, “हौर हांव औसौए: तुऐं मुखै, आदमी कै बैटै खै सौबिदा शौकतीशाली पौरमेशवर कै सोऐं ढौबौ बौठेयौंदा राज कौरदै दैखलै, औरौ तुऐं मुखै स्वर्गो शा गौयणी कै बादल़ौ पांदी आन्दै बैई दैखलै।”

लूका 21:27

तोबै मुं आदमी कै बैटै कै अनौखी शौकतै औरौ बौड़ै महिमा कै साथै बादल़ौ पांदी आन्दै दैखदै।

लूका 22:69

पौरौ ऐबै शै हांव आदमी का बैटा सौबिदा शौकतीशाली पौरमेशवर कै सोऐं ढौबौ राज कौरणौ कै बौठेयौंदा रौंदा।”

लूका 22:70

इथपांदी सौबीए बौल़ौ, “तौ का तू पौरमेशवर का बैटा औसौ?” तैणै तिनु बौल़ौ, “तुऐं आपी बौल़ै लो कै हांव औसौ।”

यूहन्ना 18:37

राज्यपाल पिलातुसे बौल़ौ, “तौ का तू राजा औसौ? यीशुए जोवाब दिया, तू बौल़ै कै हांव राजा औसौ। मैरै जन्म लोणो औरौ दुनिया पांदी आणौ कै बौजैह ऐजै औसौ कै हांव सच कै बारै मुंजी शिखाए सौकु, औरौ सच कै मानणोवाल़ै सौबै मैरी बातौ शुणौ।

प्रेरितो कै काम 1:11

औरौ तिनुकै बौलदै लागै, “ओए रै गलील जिले कै आदमियों तुऐं काए खौड़ै हौयौ गौयणै ढौबौ दैख लौ? ऐजाई यीशु जैसी पौरमेशवरे तोंवारै धोरे दा स्‍वर्ग कै ढौबौ उठाए दिया, जैशै तुऐं तैसीखै स्‍वर्ग कै ढौबौ जांदै बैई दैख राए, तैशैकैई सै दुजाल़ियो पाछु आन्दा।”

रोमियों 14:10

तौ तुऐं किथु आपणै साथी बिशवाशी भाई पांदी दोष लांव? या तोबै तुऐं किथु आपणै साथी बिशवाशी कै बैकार जाणौ? आमु सौबी का न्याय पौरमेशवर कै दवारा हौंदा।

1 थिस्सलुनीकियों 4:16

जिथुकै प्रभु यीशु आपी ही स्वर्ग पौरैशा उतरदा; सै जोराल़े धाव कै साथै आदैश दैंदा, औरौ ऐक प्रधान स्‍वर्गदूत ऊंची धाव शै बौलदा औरौ पौरमेशवर कै तुरही बौजांदा, तोबै सौबीदै आगै सै, जू मसीह पांदी बिशवाश कौरदै बैई मौरे गौवै, औगौड़ियौ जियुंदी हौंदै।

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

इब्रानियों 12:2

आव आमै बिशवाश कै कर्ता औरौ सिध्द कौरणौवाल़ै यीशु खै बारै मुंजी सुंचदै रौं। तैणै तैसी आनन्द कारिए जू भविष्‍य दा तैसकै आगै राख राए थिया, लज्जा कै किछै फिकर नी कौरी, औरौ सै क्रूस का दुख सैयौ मौरे गौआ औरौ सौबीदै बौड़ै सिंहासन पांदी पौरमेशवर कै सोऐं ढौबौ बौठै गौआ।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।

प्रकाशितवाक्य 20:11

तोबै मोऐं ऐक चिटा सिंहासन दैखा जिथपांदी पौरमेशवर बौठै रौआ थिया, पौरौ तिथै जिथै पौरमेशवर बौठै रौआ थिया, तिथैशै धोरती औरौ स्वर्ग सौबै गायब हौए गौवै, औरौ कोसीए बै तिनु औटेयौ ना दैखी।