मत्ती 26:26 - सिरमौरी नौवाँ नियम

²⁶ जोबै तिनुऐ खाए ही लोव थियु, यीशुए रोटी कौरी, औरौ पौरमेशवर कै धन्यवाद कौरेयौ तौड़ै, औरौ चैलै खै दी, औरौ बौल़ौ, “लो, ऐजा मैरा शोरीर औसौ।”

Sirmouri

²⁶ जबे तिन्ऐ खाऐ लों थियों, तअ प्रभू यीशू ऐ रूटी करी, अरह् आशीष माँगियों, च़ुड़ी, अरह् चैले दे:खियों बुलो, “लो, खाव; ऐजी मेरी देह्-शरीर असो।”

मत्ती 26:26 ပူးပေါင်းရင်းမြစ်များ

मत्ती 14:19

तोबै यीशुए लोगौ खै घासो पांदी बौठणौ खै बौल़ौ, औरौ तिनी पाँच रोटी औरौ दु माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, औरौ चैलै लोगौ खै दी।

मत्ती 26:27

तोबै तैणै अंगूर कै रोसौ शा भौरेयौंदा छाना लौआ, औरौ पौरमेशवर कै धन्यवाद कौरा, औरौ तिनु दैखैयो बौल़ौ, “तुऐं सौबवे इथ पौरैशौ पियौं।

मरकुस 6:41

यीशुए तिनी पाँच रोटी औरौ दो माछी कौरी, औरौ स्वर्ग कै ढौबौ दैखैयो पौरमेशवर का धन्यवाद कौरा, औरौ रोटी तौड़ै-तौड़ेयो चैलै खै दैन्‍दा लागा, कै सै लोगौ खै बान्डो, औरौ सैजी दो माछी बै तिनु सौबी मुंजी बान्डै दी।

लूका 22:17

तोबै यीशुए अंगूर कै रस का छाना कौरेयौ पौरमेशवर का धन्यवाद कौरा औरौ बौल़ौ, “इथु लौ औरौ आपी मुंजी बांडै दैंव।

लूका 24:30

जोबै यीशु तिनकै साथै खाणौ खांदा बौठा, तौ तैणै रोटी कौरेयौ पौरमेशवर का धन्यवाद कौरा, औरौ रोटी तौड़ेयो तिनु दैंदा लागा।

प्रेरितो कै काम 2:46

सै हर दूसै ऐक मन हौयौ मन्‍दिर कै आँगणो दै कौठै हौं थिए औरौ घोर-घोर प्रभु भोज कौरदै बैई खुशी मौनांदै औरौ नम्र मन शै खाणौ खांव थिए।

प्रेरितो कै काम 20:7

हफते कै आगलै दूसै जोबै आमुए प्रभु भोज की रोटी तौड़णौ खै कौठै हुवे, तौ पौलुसे जू दूजै दूसै आगु जांदा लागै रौआ थिया, तिनुआरी बातौ कौरी, औरौ आधी राती तौड़ी उपदैश कौरदा रौआ।

1 कुरिन्थियों 10:4

तिनु सौबीए सैजौ पाणी पियुं जू पौरमेशवरे तिनु दियु थियु। तिनुऐ ऐकी चट्टान शै निकल़णौ वाल़ै पाणी खै पियुं, औरौ आमै तियौं चट्टान कै तुलना मसीह शै कौरे सौकौ जैणै तिनकै साथै रौयौ तिनु जीवन दिया।