मत्ती 26:18 - सिरमौरी नौवाँ नियम

¹⁸ तैणै बौल़ौ, “शहर दै ऐक खास आदमी कै धोरे जायौ बौल़ौ, गुरु बौल़ौ, मैरा सौमय नेड़िक औसौ, हांव आपणै चैलै कै साथै तैरै धोरे फसह का तैयार मनांदा।”

Sirmouri

¹⁸ प्रभू यीशू ऐ बुलो, “नंगर दे कोसी भे आदमी कैई ज़ाऐयों बुलो, के ‘गुरू जी बुलो, के मेरा बख्त्त नंजीक असो। हाँव आप्णें चैले आरी तेरे कागी फ़सह को तियार मंनाँऊ’।”

मत्ती 26:18 ပူးပေါင်းရင်းမြစ်များ

मत्ती 21:3

जै तुऔं कैईंदु कुणिए किछै पुछलै, तौ बौलेया, प्रभु खै इनकी जौरुरत औसौ, तोबै सै तावल़ै तिनु भैजै दैला।”

मत्ती 23:10

औरौ मालिक बै नै बौलेया, जिथु तोंवारा ऐकैई मालिक औसौ, मतलब मसीह।

मत्ती 23:8

पौरौ तुऐं गुरु नै बौणैया, पौरौ तोंवारा ऐकैई गुरु औसौ, औरौ तुऐं सौबै भाईटु जैशणै औसौ।

मत्ती 26:19

औरौ चैलै यीशु कै आज्ञा मानै औरौ तिनुऐ फसह का खाणा तैयार कौरा।

मत्ती 26:2

“तुऐं जाणौए दु दूसौ कै बाद फसह का तैयार औसौ, औरौ आदमी का बैटा क्रूसो पांदी चौढ़ाए जाणौ कारिए पोकड़ाए जांदा।”

मत्ती 26:49

औरौ तौलोंई यीशु कै धोरे जाऐबा बौल़ौ, “ओए रै गुरुजी, नमशकार!” औरौ तैसदा हौंगटा दिया।

मरकुस 5:35

जोबै यीशुए तियौं बैटमाणिशौ आरी ऐजै बात कौरे लौए थी कै यहूदी सभा-घोरो कै ठोगड़े कै धोरे दै लोगै आयौ ठोगड़े कै बौल़ौ, “तैरै बैटी तौ मौरे गौए, ऐबै गुरुजी खै पौरैशान नै कौर?”

लूका 22:53

जौल़ौ हांव मन्दिर दा रौज तोंवारै साथै थिया, तौ तुऐं मुं पांदी हाथ ना पाई, पौरौ ऐजा तोंवारा सौमय औसौ औरौ इनारै का औधिकार औसौ।”

यूहन्ना 11:28

ऐजौ बौलेयौ खै मार्था आपणै घोरे हौटै गौए, औरौ आपणै बोईण मरियम खै चुपकै शै बौएदैयौ बौल़ौ, “गुरु इथी औसौ, औरौ ताखै बौएदै लोए।”

यूहन्ना 12:23

इथपांदी यीशुए तिनुखै बौल़ौ, “कै सैजा सौमय आए गौआ, कै मुं आदमी कै बैटै कै महिमा हौंव।”

यूहन्ना 13:1

ऐजौ ऐबै फसह कै तैयारो शै आगै को दूस थियु। औरौ यीशु जाणौ थिया, कै मैरा सैजा सौमय आए गौआ कै दुनिया छोड़ेयौ पिता पौरमेशवर कै धोरे पाछु जोऊं। पौरौ सै आपणै चैलै आरी प्यार कौरौ थिया जू दुनिया पांदी थिए। सै तिनु शै हद शै जादा प्यार कौरौ थिया औरौ आखरी तौड़ी यीशुए तिनुआरी ऐशणाई प्यार कौरा।

यूहन्ना 17:1

यीशुए आपणै चैलै खै ऐजी बातौ बुली औरौ तैणै स्वर्ग कै ढौबौ दैखौ औरौ प्रार्थना कौरे, “ओए रै पिता पौरमेशवर, सैजा सौमय आए गौआ, ऐजौ प्रगट हौंव कै पौरमेशवर कैतरा महान औसौ, कै बैटा बै तैरै महिमा कौरौ।

यूहन्ना 20:16

यीशुए तियौं बौल़ौ, मगदेला गांव कै मरियम। तैणै पौछौड़ियौ फिरैयौ कै तियौंकै इब्रानी भाषा दो बौल़ौ रब्‍बूनी जिथका मतलब औसौ ओए रै गुरु।

यूहन्ना 7:30

इथपांदी नेताए तैसीखै थामणा चोऊवा तौ बै कोसीए तैसी गिरफ्तार ना कौरी, जिथु तैसखै मौरणौ का सोही सौमय इबी तौड़ी ना आए रैई थी।

यूहन्ना 7:6

तोबै यीशुए तिनुखै बौल़ौ, “मैरै जाणौ का सोही सौमय इबी ना आए रैई; पौरौ तुऔं कारिए सौबै सौमय औसौ।

यूहन्ना 7:8

तुऐं तैयारो मुंजी जाव, हांव इबी ऐसी तैयारो मुंजी ना जांदा, जिथुखै इबी तौड़ी मैरा सोही सौमय ना आए रैई।”