मत्ती 26:13 - सिरमौरी नौवाँ नियम

¹³ हांव तुऔं खै साचौ बुलू कै सारै दुनिया दा जिथै कौथी सुसमाचार प्रचार हौला, तिथै इयौंकै औरौ ऐसी कामौ कै चौर्चा बै याद कौरे जालै।”

Sirmouri

¹³ “हाँव तुओं खे खास बात बुलू, के बादी संईसारी दो जेथै कैथी ईयों खुषख्बरी का प्रचार करा ज़ाला, तेथै ईयाँरा ऐजा काँम-काज़ भे ईयों चितोंणों खे बखाँण करी ज़ाली।”

मत्ती 26:13 ပူးပေါင်းရင်းမြစ်များ

मत्ती 24:14

औरौ पौरमेशवर कै राज्य का ऐजा सुसमाचार सारै जगत पांदी प्रचार कौरा जाला, तोबै सौबी देशो कै लोगौ खै इयौं बातौ कै मानणौ का मौका भैटदा तोबै दुनिया का अन्त हौए जांदा।”

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मरकुस 13:10

पौरौ जौरुरी औसौ कै दुनिया का अन्त हौणौ दा आगै, मैरै बारै मुंजी सुसमाचार सौबी देशो कै लोगौ दा शुणाया जांव।

मरकुस 14:9

हांव तुऔं खै साचौ बुलू कै सारै दुनिया दा जिथै कौथी सुसमाचार प्रचार कौरा जाला, तिथै इयौंकै औरौ ऐसी कामौ कै चौर्चा बै याद कौरे जालै।”

मरकुस 16:15

तोबै यीशुए तिनुखै बौल़ौ, “तुऐं सारै दुनिया पांदी जाऐबा सारै धोरती कै लोगौ खै सुसमाचार प्रचार कौरौ।

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

प्रेरितो कै काम 10:4

कुरनेलियुसे तैसी ध्यान शै दैखा औरौ डौरेयौ बौल़ौ, “ओए रै मालिक का औसौ?” तैणै तैसी बौल़ौ, “तैरी प्रार्थनाए औरौ तैरै दान याद कारिए पौरमेशवर कै सामणै पौऊंचै रौवै।

रोमियों 10:18

पौरौ हांव बुलू, कै यहूदी लोगै निशोंक हौयौ मसीह कै बारै मुंजी सौंदेश शौणै राए, जिथुकै पवित्र शास्त्र दु लैखै राखौ, “सुसमाचार शुणाणौ वाल़ै कै सौंदेश सारै दुनिया पांदी, औरौ तिनकै वचन दुनिया कै हर जौगैह दै पोऊंचे गौवै।”

रोमियों 15:19

औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

कुलुस्सियों 1:23

पौरौ तुऔं बिशवाश दै ऐक नीयुं कै जैशणै मोजबूत बौणैयौंदो रौणौ चैंई औरौ तियौं आशा खै जू तुऔं कैई औसौ कौलोंई नी छोड़णे चैंई जिथुकै आमु तैसी सुसमाचार पांदी बिशवाश कौरु जिथका प्रचार धोरती कै सौबी जौगैह दा कौरे राए औरौ हांव पौलुस तैसी सुसमाचार का सेवक बौणा।

कुलुस्सियों 1:6

ऐजा सुसमाचार पूरै दुनिया दा फोयलै रौआ औरौ कैई लोग बिशवाशी बौणै रौवै। इथलैई हर जौगैह जिन्दगी बौदल़दै लाग रौए, ठीक तैशैखैई जैशैकै तुऐं आगलै बैई सुसमाचार खै शौणै राए थिया औरौ इयौं सौचाई खै सौमझै राए कै पौरमेशवर तिनु लोगौ कै पापौ खै माफ कौरौ जू मसीह दा भोरोशा राखौ।

1 तीमुथियुस 2:6

मसीहे पाप औरौ मौत कै शौकतै शै सौबी लोगौ खै आज़ाद कौरणौ कारिए आपी खै बलिदान कौरा। तैसकै मौत कै दवारा, पौरमेशवरे सोही सौमय पांदी सबूत दिया कै सै सौबी लोगौ खै बौचाणा चांव।

इब्रानियों 6:10

पौरमेशवर धरमी औसौ; सै तिनु कामौ खै जू तुऐं कौरौए औरौ तैसी प्यार खै ना बिसरौ जू तुऐं ओकी बिशवाशी कै मौदद कौरेयौ तैसीआरी दिखाए राए। औरौ सै याद राखदा कै तुऐं ऐबै बै तिनकै मौदद कौरे लोए।

प्रकाशितवाक्य 14:6

औरौ मोऐं ऐक ओकी स्‍वर्गदूतौ कै गौयणी दा ऊंचे पांदी उड़दै बैई दैखा। तैसी स्‍वर्गदूतै तैसी सुसमाचार खै कौरे राए थिया जू कौलोंई ना बौदलौ, तैणै दुनिया दै रौणौवाल़ै लोगौ दै, सौब देशो कै, सौबी गोत्र औरौ सौबी भांत कै भाषा दै सुसमाचार कै घोषणा कौरे।