मत्ती 25:10 - सिरमौरी नौवाँ नियम

¹⁰ जोबै सै मोलै लोन्दी चालै रोई थी, तोबै दूल्हा आए गौआ, औरौ जू तैयार थी, सैजी तैसकै साथै बैयाव कै घोरो दी हौटै गोई औरौ दवार बंद कौरे थियु।

Sirmouri

¹⁰ जबे से तेल मोंले खर्दोदी ज़ादी लागी थी, तबे दुह्ला आऐ पूज़ा, अरह् जुण्जी तियार थी, सेजी तिनकी गईलो बियाव-जाज्ड़े के घर दी हुटी गई; अरह् दुवार पाछ़ू डाकी दितो गुओं।

मत्ती 25:10 ပူးပေါင်းရင်းမြစ်များ

मत्ती 24:42

इथकारिए यीशुए आपणै चैलै खै बौल़ौ, तुऐं ना जाणौ कै तोंवारा प्रभु कोसी दूसै आन्दा।

मत्ती 24:43

पौरौ ऐजौ जाणै पाव कै जै घोरो का मालिक जाणदा कै चोर कोसी सौमय आन्दा, तोबै सै बिजी रौंदा, औरौ आपणै घोरो दै चोरी ना हौणौ दैंदा।

मत्ती 24:44

इथकारिए तुऐं बै तैयार रौया, जिथुकै जैसी सौमय कै बारै मुंजी तुऐं सोंचै बै ना रैई तैसी सौमय हांव आदमी का बैटा आए जांदा।”

मत्ती 25:6

“आधी रातै शोर हौआ कै दैखौ, दूल्हा आन्दा लागै रौआ, तैसीआरी भैटिणौ कै चालौ।

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

लूका 12:35

“हमैशा सेवा कौरणौ कारिए तैयार रौया, औरौ रात भोरै आपणा दिवा बाल़ेयो राखैया औरौ मैरै पाछु आणौ कारिए तैयार रौया।

लूका 13:25

जोबै पौरमेशवर जू घोरो का मालिक औसौ बिज़यो दवार बन्‍द कौरे दैला, औरौ तुऐं बायरै खौड़ै हौयौ दवार खोटखोटायो औरौ बिन्ती कौरेयौ बौलदै, ‘ओए रै प्रभु यीशु, आमु कारिए दवार खोले दै,’ औरौ सै जोवाब दैंदा, हांव तुऔं ना जाणु, तुऐं कुकै दै आए रौवै?

कुलुस्सियों 1:12

औरौ पिता पौरमेशवर का धन्यवाद कौरदै रौंव जैणै तुऔं ऐसी लायक बाणै राए कै तुऐं तैसी विरासत दै शामिल हौंव जू तैणै पेयाशै कै राज्य दै आपणै पवित्र लोगौ कारिए तैयार कौरे राए।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

1 पतरस 1:13

इथकारिए, जू किछै तुऐं सुंचौए तिथपांदी तुऔं काबू राखणा चैंई। औरौ ऐशै कौरेयौ आपणै जीवन दै पूरै तरह शै आपणै बिशवाश कै साथै चालौ। औरौ तियौं मोक्ति कै आशा राखैयौंदे राखौ जू पौरमेशवर अनुग्रह शै तुऔं तोबै दैंदा जोबै यीशु मसीह स्वर्ग पौरैशा आला।

प्रकाशितवाक्य 1:7

शुणौ, सै बादल़ौ कै साथै आणौवाल़ा औसौ; हरेक आदमी तैसी दैखदा, औरौ सैजै लोग जू तैसकै मौत कारिए जुमैवार थिए, सैजै बै तैसी आन्दै बैई दैखदै औरौ धोरती कै सारै लोग जोर शै रुंदै जोबै सै तैसी दैखदै। हां ऐशै हौंदौ। आमीन।

प्रकाशितवाक्य 19:7

आओ, आमै खुशी औरौ मगन हौं, औरौ तैसकै स्तुति कौरौ, जिथुकै ऐजा ऐबै यीशु का सौमय औसौ, जू मेम्ने साए औसौ, कै आपणै लोगौ कै साथै हमैशा शै एकजुट हौए जांव, ऐजौ ऐशैकै हौंदौ जैशै ऐक मर्द आपणै दुल्हन शै शादी कौरौ, जिथुकै जू लोग तैसकै औसौ तिनुऐ आपी कै तैसकै साथै एकजुट हौणौ कारिए तैयार कौरे पाए।

प्रकाशितवाक्य 22:20

यीशु इनु सौबी वचनो कै गवाही दैंव, औरौ सै बौल़ौ, “हां, हांव तावल़ा आणौवाल़ा औसौ।” मोऐं यूहन्नाए जोवाब दिया, आमीन। ओए रै प्रभु यीशु आ।