मत्ती 25:1 - सिरमौरी नौवाँ नियम

¹ “तोबै यीशुए आपणै चैलै कै बौल़ौ, जोबै हांव आदमी का बैटा पाछु आन्दा, तोबै स्वर्ग का राज्य दु‌‌ल्हन कै तिनु दस कुंवारी सहैली साए औसौ जू आपणी मशालों लोएयों दुल्है शै भैटिणौ कारिए तैसकै बियाव कै जशन दी हुटी।

Sirmouri

¹ प्रभू यीशू ऐ स्वर्गो के राज्य के बारे दी ऐक कथा शुणाँऐं; के “स्वर्गो को राज्य तिनू दष कुवाँरी-कंन्याँ को जेष्णों असो, जुण्जी आप्णें दुह्ले का स्वागत् कर्दी डाव-कत्रेन्डे बाल़ियों भेंट कर्दी निक्ल़ी।

मत्ती 25:1 ပူးပေါင်းရင်းမြစ်များ

मत्ती 13:24

यीशुए तिनुखै ऐक उदारण होजो दिया, “स्वर्ग का राज्य, तैसी किसान कै साए औसौ जैणै आपणै बागड़ी दै आछै बिज़ बौए राए।

मत्ती 13:31

तैणै तिनुखै ऐक उदारण हौजौ दिया, “स्वर्ग का राज्य राई कै दाणै कै जैशणा औसौ, जैसी कोसी आदमीए आपणै बागड़ी दा जाएयो बौए दिया।

मत्ती 13:38

बागड़ी दुनिया कै लोग औसौ, औरौ आछौ बिज़ राज्य कै लोग औसौ, औरौ जोंगली बिज़ दुष्ट शैतान कै लोगौ औसौ।

मत्ती 13:47

“हौजौ स्वर्ग का राज्य तैसी बोहिती माछी थामणो कै जालो साए औसौ, जू समुन्द्रो दो बैगाए राए, औरौ सौबी भान्त की माछी खै खिंचैयौ लांव।

मत्ती 20:1

“स्वर्ग का राज्य ऐसी ऐकी उदारण साए औसौ, ऐक जीमदार जू झीशीं दा बायरै हौटा, औरौ आपणै अंगूरो कै बागो दै मजदूर कै काम कौरदै लाए।

मत्ती 22:2

“स्वर्ग का राज्य ऐसी ऐकी उदारण साए औसौ, ऐक राजा जैणै आपणै बैटै का बैयाव बाणा।

मत्ती 25:7

तोबै सैजी सौबै कुवांरियां ऊबी बिज़यो आपणी मशाल ठीक कौरदी लागी।

मत्ती 3:2

“पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

मत्ती 9:15

यीशुए तिनुखै बौल़ौ, “जांव तौड़ी दूल्हा बरातुआ कै साथै औसौ तांव तौड़ी सै दुखी ना हौए सौकौ। पौरौ सैजै दूस आन्दै जोबै दूल्हा तिनुदा जौई कौरे दैंदै; तैसी सौमय, सै उपवास कौरदै।

यूहन्ना 18:3

तोबै यहूदा इस्‍करियोती सैनिकौ कै ऐकी गुटो कै औरौ मुख्य यहूदी पुरोहितो औरौ फरीसी लोगौ कै ढौबौशा मंदिर कै रौखवाल़ै कै लोयो खै दिवे औरौ मशालों औरौ हथियारों कै लोयो खै तिथै ओऊवे।

यूहन्ना 3:29

दूल्हा दु‌‌ल्हन शै बैयाव कौरे पांव, पौरौ दुल्है का दोस्त खौड़ा हौंव, औरौ तैसकी शुणौ, औरौ दुल्है कै शब्द लैई बैजाए खुश हौंव, इथकारिए मैरा दिल बै खुशी शै भोरै गौआ।

प्रेरितो कै काम 20:8

जैसी उपले कोमरै दै आमु कौठै थिए, तिथै बौहितै दिवे बौल़ै रौवै थिए।

1 कुरिन्थियों 11:2

हांव तोंवारै तारीफ कौरु कै तुऐं हर सौमय मुखै याद राखौ औरौ तिनु शिक्षाओं खै मोजबूती शै पालन कौरौ, जैशणी मोऐं तुऔं सौंपै रैई थी।

2 कुरिन्थियों 11:2

जिथुकै हांव तुऔंआरी तैशैखैई प्यार कौरु औरौ तोंवारै परवाह कौरु जैशै पौरमेशवर कौरौ, इथकारिए मोऐं तुऔं पवित्र कुंवारी कै जैशणा मसीह खै दैणौ औरौ सिरफ तैसीखै ही सौंपै दैणौ का वादा कौरे राए। जैशै ऐक बापू आपणै बैटी खै बैयाव कै सौमय आपणै घोरवाल़ै खै ऐक पवित्र कुंवारी कै रुप दा सौंपौ।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

प्रकाशितवाक्य 14:4

ऐजै सैजै औसौ जू पवित्र जीवन जियौंए। ऐजै तिनु लोगौ कै जैशणै औसौ, जिनुवै ऐक बैई बै नाजायज सौमबंध ना बाणी औरौ ना ही इनुवे कौलोंई कियौंई चीज़ौ कै पूजा कौरे, ऐजै सिरफ मेम्ने कै ही आराधना कौरौ जिथै मेम्ना जांव, ऐजै लोग तैसकै पौछौड़ियौ हौए जांव। ऐजै सैजै औसौ जिनुकै धोरती कै सौबी आदमियों शै जौई कौरे राए। जैशै लोग आपणै खेतौ कै फसल का सौबिदा आछा हिस्सा पौरमेशवर कै दैंव तैशैखैई ऐजै लोग बै आपणै जीवन कै पूरी पवित्रता कै साथै पौरमेशवर औरौ मेम्ने कै दैंव।

प्रकाशितवाक्य 19:7

आओ, आमै खुशी औरौ मगन हौं, औरौ तैसकै स्तुति कौरौ, जिथुकै ऐजा ऐबै यीशु का सौमय औसौ, जू मेम्ने साए औसौ, कै आपणै लोगौ कै साथै हमैशा शै एकजुट हौए जांव, ऐजौ ऐशैकै हौंदौ जैशै ऐक मर्द आपणै दुल्हन शै शादी कौरौ, जिथुकै जू लोग तैसकै औसौ तिनुऐ आपी कै तैसकै साथै एकजुट हौणौ कारिए तैयार कौरे पाए।

प्रकाशितवाक्य 21:2

मोऐं पवित्र शहर खै बै दैखा, जू कै नौवाँ यरूशलेम शहर औसौ, जू स्वर्ग शै पौरमेशवर कै ढौबौशा धैनै आन्दा लागै रौआ। तैसी शहर खै ऐक दुल्हन कै जैशणै तैयार कौरे लौए थै जियौं खै लुस्कै बोम्बाए राए औरौ सजाए राए औरौ जू दुल्है शै बैयाव कौरणौ कारिए तैयार औसौ।

प्रकाशितवाक्य 21:9

औरौ तोबै तिनु सात स्‍वर्गदूत, जिनुवै आदमी जाति पांदी सात आखरी पीड़ाव शै भौरेयौंदे सात छानै पैरै राए थिए, तिनुमुंजी दै ऐकीए मैरै धोरे आयौ, मुंआरी बातौ कौरी, तैणै बौल़ौ, “इथै आ, हांव ताखै दुल्हन दिखांदा जियौंका तावल़ा ही मेम्ने कै साथै बैयाव हौए जांदा।”

प्रकाशितवाक्य 4:5

तैसी सिंहासन पौरैशै बिजली औरौ गुड़कौ निकल़ौ थी औरौ सिंहासन कै सामणै सात दिवे बौल़ै रौवै थिए, जू पौरमेशवर की सात आत्माए औसौ,

प्रकाशितवाक्य 8:10

तिजै स्‍वर्गदूतै तुरही फोकै, औरौ ऐक बौड़ा तारा जू मशाल कै जैशणा जौल़ौ थिया, स्वर्ग शै छुटा, इयौं बौजैह शै नोंदी कै ऐक तिहाई पांदी, औरौ तिनु ताजै पाणी कै औगल़ौ पांदी पौड़ौ।