मत्ती 24:39 - सिरमौरी नौवाँ नियम

³⁹ औरौ जांव तौड़ी जलप्रलय आयौ तिनु सौबी खै बोवायो नी लोए गौए तांव तौड़ी तिनुकै किछै बै पौता ना चाली। तैशैखैई मुं आदमी कै बैटै का आणा बै हौंदा।

Sirmouri

³⁹ अरह् जाँव तोड़ी जल-परले तिनू आऐयों आगू ने बुवाँऐं थंई थी, ताँव-तोड़ी तिन कैई किऐ भे पता ने लागी रंई थी; तेष्णा ही आदमी के बैटे के आँवणीं भे हली।

मत्ती 24:39 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 24:3

जोबै सै जैतून धारो पांदी बौठै रौआ थिया, तोबै चैलै एकान्त जौगैह दै तैसकै धोरे आयौ बौल़ौ, “आमुखै बौताए दै ऐजी बातौ कोलो हौंदी? तैरै आणा का औरौ दुनिया कै अन्त का कुणजा निशान हौंदा?”

मत्ती 24:30

तोबै मुं आदमी कै बैटै का निशान गौयण दा दैखिंदा औरौ तोबै धोरती कै सौबै जाति कै लोग छाती पीटदै, औरौ मुं आदमी कै बैटै खै अनौखी शौकतै औरौ महिमा कै साथै गौयणै कै बादल़ौ पांदी आन्दै दैखदै।

मत्ती 24:37

जैशै अमारै पुराणिया नूह कै दूसौ दो थियु, तैशैखैई मुं आदमी कै बैटै का आणा बै हौंदा।

मत्ती 24:40

तैसी सौमय दो जोणे खेतौ दै हौन्दै, ऐक आगु निंदै औरौ ओका छोड़े दैंदै।

लूका 19:44

औरौ तैरै बौयरी ताखै पूरी तरह शै नाश कौरे दैंदै, औरौ तैरै शहर कै लोगौ कै मारै दैंदै। औरौ तांव पांदी पाथर पांदी पाथर बै ना छोड़दै जिथुखै तुऐं सैजा सौमय जोबै पौरमेशवर ताखै बौचाणौ कारिए ओऊवा तैसीकै ना पौछेयाणी।”

यूहन्ना 3:20

जिथुकै जू कुणिए बुराए कौरौ, सै पेयाशै शै बैर राखौ, औरौ पेयाशै कै नेड़िक ना आंव, ताकि तैसकै पाप सामणै नी आंव।

प्रेरितो कै काम 13:41

“ओए रै नेंदैया कौरणौवाल़ौ, दैखौ, औरौ हैरान हौं, औरौ मिट जाव; जिथुकै हांव तोंवारै दूसौ दा ऐक काम कौरु; ऐशणा काम, कै जै कुणिए तुऔं शै तैसखै चौर्चा कौरौ, तौ तुऐं कौलोंई बै बिशवाश ना कौरदै।”

रोमियों 1:28

जिथुकै तिनुऐ पौरमेशवर कै अपनाणा मूर्खता सौमझै, इथकारिए पौरमेशवरे बै सैजै सौबै बुरै काम कौरणौ कै तिनु तिनकै निकम्मे मन कै हालत दै छोड़े दियै।

2 पतरस 3:5

सै जाणै बौझेयौ इयौं बातौ खै नज़र अंदाज कौरौ कै दुनिया कै शुरुआत दु, पौरमेशवरे बौल़ौ औरौ गौयणै बौण गौए। आपणै वचन लैई तैणै धोरती पौरैशौ पाणी खै जौई कौरौ औरौ पाणी मुंजीदै शुकै जोमीन बायरै निकाल़ी।