मत्ती 24:13 - सिरमौरी नौवाँ नियम

¹³ पौरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।

Sirmouri

¹³ परह् मुँक्त्ति छुट्कारा तेसी का हंदा, जुण्जा अंत्त-आखरी तोड़ी बिश्वाष दा पाका रंहला।

मत्ती 24:13 ပူးပေါင်းရင်းမြစ်များ

मत्ती 10:22

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तैसीकै बौचाल़ा।

मत्ती 24:12

अधरम कै बोड़णो शै ओका ओकीआरी प्यार ना कौरदा।

मत्ती 24:6

तुऐं लोड़ाई कै औरौ लोड़ाइयों कै चौर्चा शुणल़ै, दैखैया घोबराया नी; जिथुकै इनु बातौ का हौणा जौरुरी औसौ, पौरौ तैसी सौमय दुनिया का अन्त ना हौंदा।

मरकुस 13:13

औरौ तुऐं मैरै चैलै औसौ इथकारिए सौबै लोग तुऔंआरी बैर कौरलै; औरौ जू आपणै मौरणौ कै सौमय तौड़ी मुं पांदी भोरोशा राखलै पौरमेशवर तिनुखै बौचायौ राखला।”

लूका 21:19

आपणै भोरोशे कौरणौ शै तुऐं आपणै जिन्दगी कै बौचायौ राखदै।”

लूका 8:15

पौरौ बड़िया जोमीनो कै बिज़ सैजै लोग औसौ, जू पौरमेशवर का वचन शोणेयो ईमानदारी औरौ आछै मनो दै सोम्‍भालयों राखौ औरौ धीरज राखैयौ फोल़ लांव।”

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

1 कुरिन्थियों 1:8

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।

इब्रानियों 10:39

पौरौ आमै तिनु लोगौ मुंजी ना आथी जू पौरमेशवर पांदी भोरोशा कौरणा छोड़े दैंव औरौ जिनकै जिन्दगी नाश हौए जांव। पौरौ आमै तिनु लोगौ मुंजीदै औसौ जू आपणा बिशवाश बाणैयौंदा राखौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 3:6

पौरौ मसीह, बैटै कै रुप दा आपणै लोगौ मुंजी ईमानदार औसौ औरौ सैजै लोग आमै औसौ, आमै तैसका परिवार औसौ, जै आमै आपणी उमीद पांदी धीरज औरौ गर्व राखणा जारी राखु, तौ आमै पौरमेशवर कै लोग औसौ।

प्रकाशितवाक्य 2:10

तिनु दुखो शै डौरेया नी जू ताखै भैटौ। शैतान तुऔं मुंजीदै किछै लोगौ कै थोम्बाला औरौ तुऔं कोयदी दा पाए दैंदा ताकि सै तुंआरी परीक्षा कौरे सौकौ। तुऐं दस दूसौ तौड़ी बौड़ी मुसीबतौ कै महसूस कौरदै। पौरौ मुं पांदी बिशवाश कौरणा कौलोंई नी छोड़ेया, चाहै तुऔं जान शै बै मारै दैंव, जिथुकै हांव तुऔं खै तुंआरी जीत का इनाम कै रुप दा सौदा कि जिन्दगी दैंदा।