मत्ती 24:11 - सिरमौरी नौवाँ नियम

¹¹ बौहितै झूठै पौरमेशवर कै बातौ बौताणौवाल़ै आलै, औरौ बौहितै लोगौ खै धौखा दैलै।

Sirmouri

¹¹ बैजाऐ भहीते ऐशे लोग हले जू ऐजो बुल़्ले के आँमें पंणमिश्वर की बरंम्बाणीं कर्णो वाल़े असो, से खड़े हले जू झूठें, अरह् लोगों के भरंमाँणों वाल़े असो।

मत्ती 24:11 ပူးပေါင်းရင်းမြစ်များ

मत्ती 24:12

अधरम कै बोड़णो शै ओका ओकीआरी प्यार ना कौरदा।

मत्ती 24:24

“जिथु झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ बौड़ै निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै बोरमाए दैंदै।

मत्ती 24:5

जिथुखै बौहितै लोग ऐशणै हौंदै जू मैरै औधिकार का दावा कौरदै औरौ बौलदै कै, ‘हांव ही मसीहा औसौ,’ औरौ बौहितै खै भोरमाए दैंदै।

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

मरकुस 13:22

जिथुकै झूठै मसीह औरौ झूठै पौरमेशवर की बातौ बोताणौवाल़ै आन्दै, औरौ निशान औरौ अनौखै काम देखालै, औरौ हौए सौकौ तौ जिनु लोगौ खै पौरमेशवरे चोणे राए तिनु बै भोरमाए दैलै।

प्रेरितो कै काम 20:30

इथै तौड़ी कै तोंवारै आपणै बिशवाशियौं कै झुंड मुंजीदै, ऐशणै-ऐशणै लोग आन्दै, जू चैलै खै आपणै पौछौड़ियौ खिंचणो कारिए उलटी सीधी बातौ बौलदै।

1 तीमुथियुस 4:1

पवित्र आत्मा साफ-साफ बौल़ौ, कै इनु आखरी सौमय दै कैतरै लोग मसीही शिक्षाओं पांदी बिशवाश कौरणा बन्द कौरे दैंदै। सै तिनु अशुध्द आत्माओं कै मानदै जू तिनु भोटकांवए औरौ तिनु झूठी शिक्षाओं पांदी जू दुष्टआत्माओं कै ढौबौशी औसौ।

2 पतरस 2:1

जैशैखै बैजाए सौमय औगौड़ियौ इस्राएली लोगौ मुंजी झूठै पौरमेशवर कै बातौ बौताणौवाल़ै दैखियौं थिए, तैशैखैई तुऔं मुंजी झूठै शिक्षक दैखिंदे। सै झूठी शिक्षाओं खै चुपी शै फोयला दैंदै, जू लोगौ खै मसीह पांदी बिशवाश कौरणौ शै रौकै दैंव। ऐजै झूठै शिक्षक मसीह खै आपणा प्रभु मानणौ शै बै मोना कौरे दैंदै, जैणै तिनु पाप कै शौकतै शै आज़ाद कौरे राए। ऐशैखैई सै आपी खै एकदम नाश कौरवाए दैंदै।

1 यूहन्ना 2:18

ओए रै नानड़िया, ऐजा आखरी सौमय औसौ जोबै मसीह औटेयौ पाछु आन्दा, औरौ जैशैखै तुऐं शौणै राए कै मसीह कै दुशमन आए गौवै, औरौ तैसकै हिसाब शै ऐबै बै बौहितै मसीह कै दुशमन ऊबै बिजै रौवै; इथलैई आमै जाणुए कै ऐजा आखरी सौमय औसौ।

1 यूहन्ना 2:26

मोऐं तुऔं तिनु लोगौ कै बारै मुंजी चैतावणी दैय लौए जिनुऐ झूठी शिक्षा कै दवारा तुऔं धौखा दैणौ कै कौचिश कौरे लौए।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।

यहूदा 1:4

हांव तुऔं कै लिखु जिथुकै किछै लोग जू यीशु मसीह पांदी बिशवाश कौरणौ कारिए दिखावा कौरौ, सैजै तोंवारै बीच शामिल हौए गौवै। सैजै पौरमेशवर कै इज्जत ना कौरौ औरौ सै गौलत शिक्षा दैंव सै बौल़ौ जिथुकै पौरमेशवर आपणै अनुग्रह लैई अमारै पापौ खै माफ कौरे दैंव, इथकारिए आमै बुरा जीवन जी सौकु। सैजै यीशु मसीह का इन्कार कौरौ, जू अमारा एकमात्र मालिक औरौ अमारा प्रभु औसौ। बैजाए सौमय औगौड़ियौ, पवित्र शास्त्र बौल़ौ कै पौरमेशवर ऐशणै लोगौ खै सौजा दैंदा।

प्रकाशितवाक्य 19:20

सैजा राकस औरौ सैजा झूठा सौंदेश दैणौवाल़ा पाकड़ै गौआ। ऐजा झूठा सौंदेश दैणौवाल़ा सैजाई औसौ जैणै आगलै राकस कै ढौबौशै चौमत्कारी निशान दिखाए औरौ तिनु सौबी लोगौ कै भरमाए, जिनुवै आगलै राकस कै छाप आपणै माथै पांदी लाए राए थी, औरौ जू तैसकै मूर्ती कै पूजा कौरौ थिए। इनु दुईनै जीतै जी तियौं आग कै झीलो मुंजी पाए दियै, जू गन्धक लैई जौल़ौ।