मत्ती 23:9 - सिरमौरी नौवाँ नियम

⁹ आपणै पिता कै छोडे़बा कोसी कै बै धोरती पांदी आपणै पिता कै बौदलै आदर नै दैया, जिथु तोंवारा पिता सिरफ पौरमेशवर औसौ, जू स्वर्ग दा औसौ।

Sirmouri

⁹ “धर्ती गाशी तुँऐं कोसी खे आप्णा पिता ने बुले, किन्देंखे के तुवाँरा पिता ऐक ही असो, जुण्जा स्वर्गो दा असो।

मत्ती 23:9 ပူးပေါင်းရင်းမြစ်များ

मत्ती 23:10

औरौ मालिक बै नै बौलेया, जिथु तोंवारा ऐकैई मालिक औसौ, मतलब मसीह।

मत्ती 6:32

जिथुखै बैगानै जाति कै लोग बै इनु सौबी चीज़ौ की खोज़ दै लागैयौंदे रौंव इथकारिए चिन्‍ता नै कौरेया, जिथु तोंवारा स्वर्गीय पिता जाणौए कै तुऔं इनु सौबी चीज़ौ कै जौरुरत औसौ।

मत्ती 7:11

जोबै तुऐं बुरै हौयौ, आपणै नानड़िया कै आछी चीज़ौ दैंव, तौ तोंवारा स्वर्ग का पिता तुऔं सौदा दैणौ कारिए तैयार रौंव जू लोग तैसी कैईंदी आछी चीज़ौ मांगोए।

प्रेरितो कै काम 22:1

“ओए रै भाईयों औरौ बापूओं, मैरा जोवाब शुणौ, जू हांव ऐबै तोंवारै सामणै बुलू।”

1 कुरिन्थियों 4:15

भले ही तुऔं कैई पालन कौरणौ कारिए औरौ बाट दिखाणौ कारिए मसीह दै हज़ारो शिक्षक हौंव, तोबै बै हांव ही तोंवारै पिता कै जैशणा औसौ, जू तोंवारै खातिर सुसमाचार लायौ ओऊवा, जिथकै बौजैह शै तुऔं मसीह यीशु पांदी बिशवाश हौआ।

2 कुरिन्थियों 6:18

औरौ तोंवारा पिता हौंदा, औरौ तुऐं मैरै बैटै औरौ बेटियाँ हौंदी; ऐजा सौबिदा बौड़ा शौकतीशाली प्रभु पौरमेशवर का वचन औसौ।”

इब्रानियों 12:9

तैशैखैई जोबै कै दुनिया दै अमारै पिता बै आमु कै ताड़ैया कौरौ थिए, औरौ आमै तिनका आदर कौरा, तौ आमु आपणै स्वर्ग कै पिता का कैतरा जादा आदर कौरणा चैंई औरौ जोबै सै आमु सुधारौ तोबै आमु तैसकी बात मानेयो जीवन बीताणा चैंई।

1 यूहन्ना 3:1

सुंचौ, पिता पौरमेशवरे आमुआरी कैतरा प्यार कौरे राए कै आमु पौरमेशवर कै ओलाद बुली जांव, औरौ सौथी कै आमै तैसकै संतान औसौ बै। दुनिया कै लोग इयौं बातौ खै ना जाणौ जिथुकै सै पिता पौरमेशवर कै बै ना जाणौए।