मत्ती 23:39 - सिरमौरी नौवाँ नियम

³⁹ पौरौ हांव तुऔं खै बुलू, कै ऐबै शै जौल़ौ तौड़ी तुऐं ना बौल़ौ, ‘धन्‍य औसौ सैजा, जू प्रभु कै औधिकार कै साथै आंव।’ तांव तौड़ी तुऐं मुखै औटेयौ कौलोंई ना दैखदै।”

Sirmouri

³⁹ किन्देखे के हाँव तुँओं खे बुलू, के हेभी शुभे जाँव तोड़ी तुँऐं ने बुलो, के ‘भागोईत असो! से जू प्रभू के नाँव शा आँव’ ताँव-तोड़ी तुँऐं मुँह हजो कद्दी ने दे:ख्ले।”

मत्ती 23:39 ပူးပေါင်းရင်းမြစ်များ

मत्ती 21:9

औरौ जू भीड़ औगौड़ियौ-औगौड़ियौ जांव थी, औरौ पाछै-पाछैदै हांडो थी, सै जोर-जोर शै बौल़ौ थी, “दाऊद कै वंश कै बौड़ाए हौंव, धन्‍य औसौ सैजै जू प्रभु कै औधिकार शै आंव। पौरमेशवर कै बौड़ाए हौंव जू स्वर्ग दा रौंव।”

लूका 17:22

औरौ यीशुए चैलै खै बौल़ौ, “सैजै दूस आन्दै, जौल़ौ तुऐं तिनु दूसौ खै देखणा चांव जैसी दूसै हांव आदमी का बैटा पाछु आन्दा, पौरौ तुऐं ऐजौ ना दैख सौकदै।

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

यूहन्ना 14:9

यीशुए तैसीखै बौल़ौ, “ओए रै फिलिप्‍पुस हांव ऐतरै दूसौ दा उंडा तोंवारै साथै औसौ, औरौ का तू मुखै ना जाणै? जैणै मुखै दैख राए तैणै पिता पौरमेशवर कै बै दैखै राए: तौ तू किथु बौल़ै कै पिता पौरमेशवर कै आमु दिखा?

यूहन्ना 8:21

यीशुए हौजौ तिनुकै बौल़ौ, “हांव जोऊं, औरौ तुऐं मुखै जौले औरौ लगातार पाप कौरदै बैई मौरे जांदै; जिथै हांव जोऊं तिथै तुऐं ना आए सौकौ।”

यूहन्ना 8:24

इथकारिए मोऐं तुऔं खै बौल़ौ, कै तुऐं लगातार पाप कौरदै बैई मौरे जांदै, जै तुऐं मुं पांदी बिशवाश नै कौरलै कै हांव सैजाई औसौ, तौ तुऐं लगातार पाप कौरदै बैई मौरे जांदै।”

यूहन्ना 8:56

तोंवारा पुराणिया अब्राहम मैरै दूस दैखणौ कै आशा शै बौहिता खुशी थिया, औरौ तैणै दैखौ, औरौ खुशी मौनाए।”

रोमियों 11:25

ओए रै बिशवाशी भाईयों, हांव ना चोऊं कै तुऐं ऐसी भैद शै अणजाण रौंव ऐशै ना हौंव कै तुऐं आपी पांदी घमण्‍ड कौरदै लागौ, ऐजौ साचौ औसौ कै इस्राएल देश कै किछै लोग बिशवाश कौरणौ कै तैयार ना आथी, पौरौ जोबै पौरमेशवर पांदी बिशवाश कौरणौवाल़ै बैगानै यहूदी लोगौ कै गिनती पूरै हौए जालै, तौ इस्राएल कै लोग बिशवाश कौरदै औरौ पौरमेशवर कै धोरे पाछु आए जांदै।