मत्ती 23:26 - सिरमौरी नौवाँ नियम

²⁶ ओए रै आन्धै फरीसी लोगौ, आगै तुऔं लालचै औरौ मतलबी स्‍वभाव बंद कौर दैणा चैंई। तोबै तुऐं सैजौई कौर पांदै जू धरमी कौरौ। ऐजौ ऐकी ऐशणी थाली साए हौंदौ जू बायरै औरौ भीतरै दु ढौबौशै साफ हौंव।

Sirmouri

²⁶ ओ शैड़े यहूदी भाट-बाँम्ण! आगे बैलुऐ अरह् मुँगाँल़ी भीत्रों शी माजों जू से बाऐरो शी भे साफ हली।”

मत्ती 23:26 ပူးပေါင်းရင်းမြစ်များ

मत्ती 12:33

“जै डाल़ बै आछा औसौ, तौ तैसकै फल़ बै आछै हौंदै, जै डाल़ खराब औसौ, तौ तिथकै फल़ बै खराब ही हौन्दै, जिथुखै डाल़ फल़ शै ही पोछैयाणै जांव।

मत्ती 14:8

तियैं आपणी माँ कै शिखाएयौंदी बातौ कै बौल़ै, “की यूहन्ना बपतिस्मा दाता को मुंड काटैयौ मुखै ऐकी थालौ दौ मोंगाऐ दै।”

मरकुस 7:4

जोबै सै बोजारों शै घोरे आंव थिए, तौ खाणौ खाणै दै आगै यहूदी भोवार कै हिसाब शै आपी कै साफ कौरौ थिए; औरौ बुड़ेईको कै भोवारो की बौहिती बातौ मानौ थिए, जैशैखै छानै, औरौ लोटै, औरौ ताँबे कै बासणौ खै माजणे औरौ धोणे।

लूका 11:39

प्रभु यीशुए तिनु बौल़ौ, “ओए रै फरीसी लोगौ तुऐं आपी कै धरमी बौणौ पौरौ तोंवारै मन भीतरो दै लालच औरौ दुष्टता शै भोरेयोंदे औसौ।

लूका 6:45

आछा आदमी आपणै मनो कै आछै भण्डार शै आछी बातौ घाड़ो, औरौ बुरा आदमी आपणै मनो कै बुरै भण्डार शै बुरी ही बातौ घाड़ो; जिथुकै जू तैसकै मन दो भोरयोंदो औसौ सैजौई तैसकै मुँओं पौरैशौ बायरै आंव।”

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

इब्रानियों 10:22

अमारै दिल कै मसीहे आपणै लोऊ लैई पवित्र कौरे राए ताकि आमै जाणै सौकु कै ऐबै आमु दै कुणजै गौलती ना आथी। अमारै शोरीर खै शुध्द पाणी लैई धौयौ आमु तैयार कौरे राए। इथकारिए बिशवाशी भाईयों, आमु आपणै पूरै मन औरौ ऐशणै बिशवाश कै साथै पौरमेशवर कै नेड़िक ओऊं। जू ऐबै हिली ना सौकौ

याकूब 4:8

पौरमेशवर कै नेड़िक आव, तौ सै बै तोंवारै नेड़िक आन्‍दा। ओए रै पापियों आपणै जीवन शै पाप कै दूर कौरौ, औरौ ओए रै दुगल़ै लोगौ आपणै मन खै पवित्र कौरौ।