मत्ती 22:45 - सिरमौरी नौवाँ नियम

⁴⁵ जोबै राजा दाऊद तैसीखै प्रभु बौल़ौ, तौ सै तैसका बैटा कैशै बौणा?”

Sirmouri

⁴⁵ “भला, जबे राजा दाऊद मसीया खे आप्णा प्रभू बुलो; तअ मसीया राजा दाऊद की पीड़ी शा तअ जरूर हुवा; परह् मसीया राजा दाऊद का भे प्रभू असो?”

मत्ती 22:45 ပူးပေါင်းရင်းမြစ်များ

मत्ती 22:44

‘की प्रभुए मैरै प्रभु खै बौल़ौ; मैरै सोऐं ढौबौ खै बौठ, जांव तौड़ी हांव तैरै बौयरी कै हराए ना दियु।’

मत्ती 22:46

कुणिए बै तैसकै जवाब नै दैय सौकी; पौरौ तैसी दूसौ शै कोसी कै बै हौजौ तैसीयादै किछै पूछणो कै हिम्मत ना होई।

यूहन्ना 8:58

यीशुए तिनुखै बौल़ौ, “हांव तुऔं खै साचौ-साचौ बुलू, कै अब्राहम कै पौयदा हौणौ दा आगै, हांव औसौ।”

रोमियों 9:5

अब्राहम, इसहाक औरौ याकूब तिनकै पुराणिया औसौ, जू यीशु मसीह कै पुराणिया बै थिए। पौरमेशवर, जू सौबी पांदी राज कौरौ, तैसकै तारीफ हमैशा हौंदै रौंव। आमीन।

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

इब्रानियों 2:14

जिथुकै जिनु पौरमेशवरे नानड़िया बौलेयौ बौएदै राए, तिनका ऐक आदमी कै जैशणा शोरीर थिया। औरौ यीशुए आपी अमारै जैशणा आदमी का शोरीर धारण कौरा ताकि सै आपणी मौत लैई मौत पांदी औधिकार राखणौवाल़ै शैतान खै नाश कौरौ।

प्रकाशितवाक्य 22:16

मोऐं, यीशुए आपणै स्‍वर्गदूत खै तोंवारै धोरे इनु बातौ कै घोषणा कौरणौ कारिए भैजै राए जू पौरमेशवर कै लोगौ कै समूह मुंजी औसौ। हांव राजा दाऊद का वंशज औसौ; हांव ही औसौ, जू तैसी तारै साए औसौ जू सुरज निकल़णौ कै सौमय बै दैखियौं औरौ मुखै बियाणु का तारा बौल़ौ।