मत्ती 22:3 - सिरमौरी नौवाँ नियम

³ औरौ तैणै आपणै नोकरो खै भैजै, कै नेवता देएयोंदे लोगौ कै बैयाव खाणौ खै बोईदौ, पौरौ तिनुऐ आणौ ना चैंई।

Sirmouri

³ अरह् तेने आप्णे दास-बैठू डियाल़े, के जे-तोड़े लोगों खे जाज्ड़े के काड-नीऊँदा देऐ थुऐ, तिनू जाज्ड़े के भोज खाँदे बईदो; परह् तिनिऐं आँणों ने चहाँई।

मत्ती 22:3 ပူးပေါင်းရင်းမြစ်များ

मत्ती 21:34

जोबै फल़ का सौमय नेड़िक आए गौआ, तौ तैणै आपणै दासो खै तैसका हिस्सा लाणौ कारिए किसानो कै धोरे छाड़ै।

मत्ती 23:37

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए जिनु तोंवारै धोरे छाड़ै राए थिए। किशैक बैई मोऐं ऐजौ चोऊ कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तोंवारै नानड़िया कै कौठै कौरु, पौरौ तुऐं ऐजौ ना चांव।

मत्ती 3:2

“पाप कौरणै छोड़े दैव, जिथुखै स्वर्ग का राज्य नेड़िक आए गौआ।”

मत्ती 9:15

यीशुए तिनुखै बौल़ौ, “जांव तौड़ी दूल्हा बरातुआ कै साथै औसौ तांव तौड़ी सै दुखी ना हौए सौकौ। पौरौ सैजै दूस आन्दै जोबै दूल्हा तिनुदा जौई कौरे दैंदै; तैसी सौमय, सै उपवास कौरदै।

लूका 13:34

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए, जिनु तोंवारै धोरे छाड़ै राए थिए। किशैक बैई मोऐं ऐजौ चोऊ, कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तैरै नानड़िया कै कौठै कौरु, पौरौ तुऐं ऐजौ ना चैंई।

लूका 15:28

ऐजौ शोणेयो सै गुस्से दा भोरै गौआ, औरौ घोर कै भीतरै नी हुटी, इथकारिए तैसका बापू बायरै ओऊवा औरौ तैसी घोरो कै भीतरै आणौ कारिए बिन्ती कौरदा लागा।

लूका 19:27

पौरौ मैरै तिनु बौयरी खै जू चांव ना थिए, कै हांव तिनका राजा बौणु, तिनु इथै लाएबा मैरै सामणै मारै दैव।’ ”

यूहन्ना 5:40

तोबै बै तुऐं सौदा कै जिन्दगी पाणौ कारिए मैरै धोरे आणौ ना चांव।

प्रेरितो कै काम 13:45

पौरौ यहूदी नेता भीड़ खै दैखैयो ज़लन लैई भोरै गौवै, औरौ नेंदैया कौरेयौ पौलुस कै बातौ कै खिलाफ दै बौलदै लागै।

रोमियों 10:21

पौरौ इस्राएल देश कै लोगौ कै बारै मुंजी पौरमेशवरे, पौरमेशवर कै बातौ बौताणौवाल़ै कै दवारा बौल़ौ, “हांव दूस भोरै ऐक आज्ञा ना मानणोवाल़ै औरौ झोगड़ा कौरणौवाल़ै लोगौ खै आपणै धोरे बौईदणो कारिए इंतजार कौरदा रौआ।”

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 9:15

इथ बौजैह शै मसीह पौरमेशवर कै ढौबौशा आपणै लोगौ कारिए ऐक नोऐं कौरार लाणौ वाल़ा बिचोलिया औसौ। ताकि सैजै लोग जिनुखै पौरमेशवरे बौएदै राए तिनु आशीषौ खै पाए सौकौ जिथका वादा पौरमेशवरे कौरे राए थिया। ऐशै इथकारिए हौए सौकौ जिथुकै मसीह तिनु तिनकै पापौ कै सौजा शै आज़ाद कौरवाणौ कारिए मौरे गौआ जू तिनुऐ आगलै कौरार कै अधीन रौयौ कौरे राए थिए।

प्रकाशितवाक्य 22:17

पौरमेशवर का आत्मा औरौ मेम्ने कै दुल्हन यीशु कैई बौल़ौ, “ताखै पाकौ आणौ चैंई।” सौबै जू ऐजौ शुणु, तैसी बै ऐजौ बौलणौ चैंई, “आ!” जू कुणिए बै तिशा औसौ, सै इथै आव। सैजौ पाणी पियौ जू जीवन दैंव, जू कै तिनु सौबी कै मुफ्त दौ भैटौ जू इथुकै पिणु चांव।