मत्ती 22:13 - सिरमौरी नौवाँ नियम

¹³ तोबै राजाए सेवको खै बौल़ौ, ‘ऐसकै हाथ लात बानैबा ऐसीखै बायरै इनारै दा राखै दो, तिथै सिरफ रुणु औरौ दांद पीशणो हौंदौ।’

Sirmouri

¹³ तबे राजा ऐ आप्णें दास-बैठू खे बुलो, ‘ऐस्के हाथ लात्त बाँनियों ऐसी बाऐर ईनाँरे दा पाऐ दियों, तेथै रूणा-धुणा अरह् दाँद चाकणें पड़ले।’

मत्ती 22:13 ပူးပေါင်းရင်းမြစ်များ

मत्ती 12:29

या कैशैकै कुणिए तागतवर आदमी कै घोरो खै तांव तौड़ी लूटी सौकौ, जांव तौड़ी सै आगै तैसी तागतवर आदमी खै बानै नै दैंव; औरौ तोबै सै तैसकै घोरो खै लोटै सौकौ।

मत्ती 13:30

काटणौ तौड़ी दु कै ऐक साथै जामणौ दैंव, औरौ काटणौ कै सौमय हांव काटणौवाल़ौ खै बुलूबा कै आगै खरपतवार कौठै कौरेयौ जौल़ाणौ खै तिनकै पूल़ै बानै पांव, औरौ गियुँ मैरै कोठारो दै कौठै कौरौ।’ ”

मत्ती 13:42

औरौ स्‍वर्गदूत तिनुखै आग कै कुण्डो दै पांदा, तिथै रुणु औरौ दांद चाकणौ हौंदौ।

मत्ती 13:50

औरौ दुष्ट लोगौ कै आग कै कुण्ड दै बैगाए दैंदै। तिथै रुणु औरौ दांद को चाकणौ हौंदौ।”

मत्ती 24:51

तोबै सै तैसीखै सख्त सौजा दैला औरौ तैसकै ठाँव छल, कपटी वाल़ै लोगौ कै साथै हौंदा जिथै रुणु औरौ दांद पिशणौ हौंदौ।”

मत्ती 25:30

ऐसी निकम्मे नोकर खै इनारै दा पाए दैव, जिथै रुणु औरौ दांद पीशणो हौंदौ।”

मत्ती 8:12

पौरौ यहूदी राज्य कै लोगौ खै बायरै इनारै दै पाए दैन्दै: तिथै रुणु औरौ दांदो कौ चाकणौ हौंदौ।”

लूका 13:28

तिथै रुणु औरौ दांद चाकणै हौंदौ, जौल़ौ तुऐं अमारै पुराणिया अब्राहम औरौ इसहाक औरौ याकूब औरौ सौबी पौरमेशवर कै बातौ बौताणौवाल़ै खै पौरमेशवर कै राज्य दै बौठैयौंदे, औरौ आपी खै बायरै निकाल़दै बैई दैखलै।

यूहन्ना 21:18

हांव तुऔं साचौ-साचौ बुलू, जौल़ौ तू जवान थिया, तौ तौलौ तू आपणै कमर बानियो कै जिथै चांए थिया, तितै फिरै थिया। पौरौ जोबै तू बूढ़ा हौए जाला, तोबै तू आपणै हाथ फौएलांदा औरौ कुणिए ताखै बानी दैंदै औरौ ताखै तिथै निंदै जिथै तू ना चांए।

प्रेरितो कै काम 21:11

तैणै अमारै धोरे आयौ पौलुस का सापा कौरा, औरौ आपणै हाथ लात बांनैयौ खै बौल़ौ, “पवित्र आत्मा ऐजौ बौल़ौ, कै जैसी आदमी का ऐजा सापा औसौ, तैसीखै यरूशलेम शहर दै यहूदी लोग ऐशैखैई बांनदै, औरौ बैगानै यहूदी कै हाथौ दा दैय दैंदै।”

प्रेरितो कै काम 7:54

ऐजी बातौ शोणेयो यहूदी नेता गुस्से हुवे औरौ स्तिफनुस पांदी डाठी किटदै लागै।

2 थिस्सलुनीकियों 1:9

सैजै लोग सौदा कारिए प्रभु शै जौई हौए जांदै औरौ तैसकै महिमामय शौकतै दै शामिल ना हौंदै। औरौ जू लोग तैसकै शौकतै कै तैज शै दूर हौए रौवै सै तिनु लोगौ खै सौदा कै विनाश कै दवारा सौजा दैंदा।

2 पतरस 2:17

ऐजै झूठै शिक्षक तिनु पाणी कै झौरनै कै जैशणै बैकार औसौ, जू शुकै गौवै। सै तिनु बादल़ौ कै जैशणै बैकार औसौ, जिनु तैज हावा उड़ाएयो लौए जांव, इदै आगै कै बौरखा हौए सौकौ, पौरमेशवरे तिनु कारिए ऐक ऐशणा ठाँव तैयार कौरे राए जू पूरी तरह शै इनारौ औसौ।

2 पतरस 2:4

तुऐं जाणौए कै बैजाए सौमय औगौड़ियौ जोबै किछै स्‍वर्गदूतै पौरमेशवर कै आज्ञा ना मानी, तौ तैणै तिनु तिनकै कौरेयौंदे कै सौजा दै। तैणै तिनु नरक दै फेरकाए दियै, औरौ तिनुखै इनारै वाल़ै कोयदी दै तैसी दूस तौड़ी राखै राए जोबै सै तिनका न्याय कौरदा औरौ तिनु सौजा दैंदा।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।

यहूदा 1:6

याद कौरौ कै प्रभुए तिनु स्‍वर्गदूतौ खै कैशै सौजा दै, जिनुवै आपणै औधिकार कै ना निभैई, पौरौ तिनुऐ आपणै ठाँव कै छोड़े दियै। प्रभुए इनु स्‍वर्गदूतौ खै इनारै कै ठाँव पांदी राखै राए, औरौ ऐशणी शांगुल़ी लैई बानै राए जियौं कुणिए ना तौड़ै सौकौ ताकि महान दूसौ पांदी तिनका न्याय हौए सौकौ।

प्रकाशितवाक्य 21:27

पौरौ कुणिए बै जू अपवित्र औसौ या सैजै लोग जू बैकार काम कौरौ औरौ झूठ बौलणौ वाल़ै कै बिल्कुल बै तैसी शहरो दै रौणौ कै इजाज़त ना आथी। तैसी शहरो दै सैजैई लोग रोए सौकौ जिनकै नांव मेम्ने कै जीवन कै किताबो दै लैखै राखै। ऐजी सैजी किताब औसौ जिन्दै तिनु लोगौ कै नांव लिखी राए जिनुकैईं हमैशा कै जिन्दगी औसौ।