मत्ती 21:31 - सिरमौरी नौवाँ नियम

³¹ इनु दु मुंजीदै कुणै पिता कै इछा पूरै कौरी?” तिनुऐ बौल़ौ, “आगलै।” यीशुए तिनुखै बौल़ौ, “हांव तुऔं खै साचौ बुलू, की महसूल लोणो वाल़ै औरौ वेश्या तुऔं दै आगै पौरमेशवर कै राज्य दै प्रवेश कौरदै।

Sirmouri

³¹ तअ ऐजो बुलो, के कोसी बैटे ऐ आप्णें बाबा की हिछ़या पुरी करी?” तिनिऐं बुलो, “जेंठै बैटे ऐ”, तबे प्रभू यीशू ऐ तिन्खे बुलो “के हाँव तुओं खे ऐक खास बात बुलू, के समाँज शे निंकाल़े गुऐ, कंण-माँम्ला लणों वाल़े लोग अरह् बैष्या तुँओं शी आगे पंणमिश्वर की राज्य दी ज़ाँदी।

मत्ती 21:31 ပူးပေါင်းရင်းမြစ်များ

मत्ती 12:50

जिथुकै जू कुणिए मैरै स्वर्ग कै पौरमेशवर कै मोरजी पूरी कौरौ, सैजै मैरै भाईटु औरौ माँ औसौ।”

मत्ती 18:3

औरौ बौल़ौ, “हांव तुऔं खै साचौ बुलू, जै तुऐं आपणै पापौ शै ना फिरले औरौ नानड़िया कै जैशणै ना बोणले, तौ स्वर्ग कै राज्य दै ना जाए सौकदै।

मत्ती 20:16

ऐशैखै जू इबी पाछलै औसौ सै औगौड़ियौ कौरे जांदै, औरौ जू आपी खै औगौड़ियौ सौमझौ सै पाछलै सौमझै जांदै।”

मत्ती 21:30

तोबै ओकी कैंई जाऐबा ऐशैखैई बौल़ौ, तैणै जोवाब दिया, ‘की ठीक औसौ हांव जांदाए,’ पौरौ हुटी ना।

मत्ती 5:18

जिथुकै हांव तुऔं खै साचौ बुलू, कै जांव तौड़ी गौयण औरौ धोरती टोल़े ना जांव, यानी पौरमेशवर कै कानून दै सौबै मकसद पूरै ना हौए जांव तांव तौड़ी पौरमेशवर कै कानून मुंजीदा किछै बै इथै तौड़ी कै ऐक मात्रा या ऐक बिन्‍दु बै ना टौल़दा।

मत्ती 5:46

जै तुऐं आपणै प्यार कौरणौवाल़ै आरी प्यार कौरलै, तौ पौरमेशवर तुऔं खै इनाम ना दैंदा? जिथुखै मामला लोणो वाल़ै बै तौ ऐशैखैई कौरौ?

मत्ती 6:5

“जौल़ौ तू प्रार्थना कौरला, तौ कपटी कै जैशणै नै बोणिया जिथुकै लोग तिनु दैखैयो तिनकै तारीफ कौरौ, जिथुखै तिनु यहूदी सभा-घोरो औरौ शोड़कै कै मोड़ो दै खौड़ै हौयौ प्रार्थना कौरणै आछै लागौ। हांव तुऔं खै साचौ बुलू कै तिनुऐ आपणा इनाम पाए पोवा।

मत्ती 7:21

“जू मुखै, ‘ओए रै प्रभु, ओए रै प्रभु’ बौल़ौ, तिनुमुंजी दै हरेक स्वर्ग कै राज्य दै ना जाए पान्दै, पौरौ सैजाई जू मैरै स्वर्गीय पिता की इछा पांदी हांडलै।

मत्ती 9:9

तिथैदा आगु जाऐबा यीशुए मत्ती नांव कै ऐक आदमी खै मामला लौन्दै बैई चौकी पांदी बोठेयोंदा दैखा, औरौ तैसीखै बौल़ौ, “मैरा चैला बौण।” औरौ सै आपणै कामौ कै छोड़ेयौ तैसका चैला बौणै गौआ।

लूका 15:10

हांव तुऔं बुलू; ऐशैखैई ऐक पाप कौरणै छोड़णे वाल़ै आदमी कै बारै मुंजी स्‍वर्ग दी पौरमेशवर कै स्‍वर्गदूतौ कै औरौ सोबी कै खुशी हौंव।”

लूका 19:22

मालिकै तैसी बौल़ौ, ‘ओए रै दुष्ट नोकर, हांव तैरा न्याय तैरै शब्द कै हिसाब शै कौरदा, तू मुखै जाणै थिया की हांव कठोर आदमी औसौ, जू मोऐं ना राखै रैई तिथैदौ टिपै दियु, औरौ जू मोऐं ना बोए रैई तिथैदौ काटै दियु।

लूका 7:29

जोबै तिनुऐ यीशु कै बौलेयौंदी बात खै शौणै, तौ सौबै लोगै इथै तौड़ी कै मामला लोणो वाल़ै बौल़ौ “पौरमेशवर धरमी औसौ, जिथुकै तिनुऐ यूहन्ना शै बपतिस्मा लौआ।”

यूहन्ना 3:3

यीशुए तैसीखै जोवाब दिया कै, “हांव ताखै साचौ-साचौ बुलू, जै कुणिए नोऐं सिरै शै ना जन्मो तौ पौरमेशवर कै राज्य ना दैखै सौकौ।”

यूहन्ना 3:5

यीशुए जोवाब दिया, “हांव ताखै साचौ-साचौ बुलू, जांव तौड़ी कुणिए आदमी पाणी औरौ पवित्र आत्मा शै ना जन्मो तौ सै पौरमेशवर कै राज्य दै जाए ना सौकौ।

प्रेरितो कै काम 17:30

इथकारिए पौरमेशवरे लोगौ कै अज्ञानता कै सौमयो पांदी ध्यान ना दी, पौरौ ऐबै सौबी ठाँव दै सौबी आदमियों खै पाप कौरणै छोड़े दैणौ कै आज्ञा दैंव।

रोमियों 3:19

आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 5:20

मूसा कै कानून इथकारिए दैय राए ताकि सौबै लोग दैखै सौकौ कै सै कैतरै पापी थिए। पौरौ जोबै लोगै जादा शै जादा पाप कौरे, तिथै पौरमेशवरे जू अनुग्रह दिखोऊवा सै जादा शै जादा हौआ।

2 पतरस 3:9

किछै लोग सुंचौए कै प्रभु आपणै पाछु आणौ कै वादै खै पूरा कौरणौ खै बैरियाए लौ, पौरौ प्रभुए तैशैखै ना बैरियाए लैई। पौरौ, तैणै तोंवारै साथै सब्र राखै राए। जिथुकै सै कोसी कै बै नाश ना कौरणै चांव। पौरौ चांव औसौ कै सौबै जोणे पाप कौरणै छोड़े दैंव औरौ गौलत काम कौरणै बंद कौरे दैंव औरौ तैसकै धोरे आए जांव।