मत्ती 21:26 - सिरमौरी नौवाँ नियम

²⁶ औरौ जै आमु बुलूबे, ‘ऐजा औधिकार आदमियों कै ढौबौशै’ तौ आमुखै भीड़ का डौर औसौ, जिथुखै सौबै लोग यूहन्ना खै पौरमेशवर कै बातौ बौताणौवाल़ा मानौ थिए।”

Sirmouri

²⁶ “अरह् जे आँमें बुल्बे, के ‘आदमी की ढबे शो’, तअ आँमों लोगो की भीड़ का डर असो, किन्देखे के से बादे के बादे संत्त-यूहन्ना खे पंणमिश्वर की बरंम्बाणीं कर्णो वाल़ा ऋषी माँनों थिऐ।”

मत्ती 21:26 ပူးပေါင်းရင်းမြစ်များ

मत्ती 11:9

तौ किथुखै हौटै रौवै थिए? का कोसी पौरमेशवर कै बातौ बौताणौवाल़ै खै दैखदै हौटै रौवै थिए? हौर, हांव तुऔं खै बुलू, ऐजा सैजा औसौ जू पौरमेशवर कै बातौ बौताणौवाल़ै दा बै बौड़ा औसौ।

मत्ती 14:5

औरौ सै तैसीखै मारै दैणा चांव थिया, पौरौ लोगौ दा डौरौ थिया, जिथु सै तैसीखै पौरमेशवर कै बातौ बौताणौवाल़ा मानौ थिए।

मत्ती 21:11

लोगै बौल़ौ, “ऐजा गलील जिले कै नासरत गांव का पौरमेशवर कै बातौ बौताणौवाल़ा यीशु औसौ।”

मत्ती 21:25

जोबै यूहन्नाए लोगौ खै बपतिस्मा दिया, तौ तैसीखै ऐजा कौरणौ का औधिकार पौरमेशवरे दिया, या लोगै।” तोबै सै आपी मुंजी चौर्चा कौरदै लागै कै, “जै आमै जोवाब दियु, ‘स्वर्गो कै ढौबौशै,’ तौ सै आमु बौलला, ‘कै तुऐं तैसका बिशवाश किथुखै ना कौरी?’

मत्ती 21:27

तिनुऐ यीशु खै जोवाब दिया, “आमै ना जाणु।” यीशुए बै तिनुखै बौल़ौ, “हांव बै तुऔं खै ना बौतांदा कै ऐजै काम कोसी औधिकार शै कौरु।”

मत्ती 21:46

औरौ तिनुऐ तैसीखै पाकड़णा चोऊवा, पौरौ लोगौ दै डौरो थिए, जिथुखै सै तैसीखै पौरमेशवर कै बातौ बौताणौवाल़ा जाणौ थिए।

मरकुस 11:32

औरौ जै आमु बुलूबे, ‘ऐजा औधिकार आदमियों कै ढौबौशै,’ तौ लोग आमुखै पौरैशानी खौड़ै कौरलै, जिथुकै सौबै लोग मानौ थिए कै यूहन्ना बपतिस्मा दाता सौथीखै ही पौरमेशवर कै बातौ बौताणौवाल़ा थिया इथकारिए सै डौरे रौवै थिए।”

मरकुस 12:12

औरौ यहूदी नेता यीशु कै थामणा चांव थिए; जिथुकै सै सौमझै गौवै थिए, कै यीशुए ऐजा उदारण तिनकै खिलाफ बौल़ै लौआ। पौरौ सै लोगौ दै डौरौ थिए; कै जै आमु यीशु कै थामो, तौ लोग आमु पांदी हमला कौरलै, एसी डौरौ शै यहूदी नेता तैसीखै छोडे़बा हौटै गौवै।

मरकुस 6:20

जिथु हेरोदेस यूहन्ना खै धरमी औरौ पवित्र आदमी जाणैबा तेसिदा डौरौ थिया, औरौ तैसकै कोयदै दै बै रक्षा कौरौ थिया। औरौ यूहन्ना कै बातौ शौणैबा बैजाए होड़बड़ाए जांव थिया, पौरौ तोबै बै सै तैसकी बातौ शुणणी पसन्द कौरौ थिया।

लूका 20:19

तैसी सौमय यहूदी शास्त्री औरौ मुख्य यहूदी पुरोहित यीशु खै थामणा चांव थिए, जिथुकै सैजै सौमझै गौवै थिए, कै यीशुए तिनकै खिलाफ उदारण बौल़ै राए पौरौ सै लोगौ दै डौरे।

लूका 20:6

औरौ जै आमु बुलूबे, ‘ऐजा औधिकार आदमियों कै ढौबौशा,’ तौ सौबै लोग आमु पांदी पथराव कौरदै, जिथुकै सै सौथीखै जाणौ थिए, कै यूहन्ना पौरमेशवर कै बातौ बौताणौवाल़ा थिया।”

लूका 22:2

औरौ मुख्य यहूदी पुरोहितो औरौ यहूदी शास्त्री इयौं बातौ कै ताको दै थिए कै तैसी कैशैकै मौरेंई, पौरौ सै लोगौ दै डौरौ थिए।

यूहन्ना 5:35

यूहन्ना तौ जोल़दै औरौ चोमकैयौंदे दिवे कै साए थिया, औरौ तुऔं कै किछै सौमय तौड़ी तैसकै पेयाशै दो मगन हौणौ आछौ लागौ।

यूहन्ना 9:22

ऐजी बातौ तैसकै माँ बापूए इथकारिए बुली जिथुखै सै यहूदी नेताओं शै डौरौ थिए, जिथुखै यहूदी नेता ऐक हौए गौवै थिए, कै जै कुणिए बिशवाश कौरौ कै यीशु ही मसीह औसौ, तौ तैसी यहूदी सभा-घोरो पौरैशै बायरै निकाल़ै दैंव।

प्रेरितो कै काम 5:26

ऐजौ शोणेयो मन्दिर कै रोखवाल़ो का ठोगड़ा तिनकै साथै मंदिर दा हौटा औरौ तिथै जायौ चोणेयौंदे चैलै कै महासभा कै धोरे लियोऊवे, पौरौ जबरदस्ती कौरेयौ नी, जिथुकै सै लोगौ दै डौरौ थिए कै लोग पाथर मारै मारैयौ तिनुकै मारै दैंदै। जोबै तिनुऐ चैलै कै महासभा कै सामणै पैश कौरे, तोबै महायहूदी पुरोहिते तिनुवांदो पूछु,